ବାସ୍ତୁ ବିଜ୍ଞାନ ଅନୁସାରେ ଦିଗର ବହୁତ ମହତ୍ୱ ରହିଛି। ଏହା ବାସ ଗୃହ ହେଉ କି ଶିକ୍ଷା ଅନୁଷ୍ଠାନ ବା ବ୍ୟବସାୟ ସବୁ କ୍ଷେତ୍ରରେ ଏହାର ପ୍ରଭାବ ରହିଛି। ତେଣୁ ବ୍ୟବସାୟ କ୍ଷେତ୍ରରେ ଦିଗ ପ୍ରତି ବିଶେଷ ଧ୍ୟାନ ଦେବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଯଦି ଏହାକୁ ନେଇ ବାସ୍ତୁ ଦୋଷ ବା ବାସ୍ତୁରେ ଭୁଲ୍ ହୁଏ ତେବେ ଯେତେ ଚେଷ୍ଟା କଲେ ବି ବ୍ୟବସାୟୀ ହତାସ ହୋଇ ଚାଲେ।
ଯଦି ଆପଣ ନିଜ ବ୍ୟବସାୟକୁ ସଫଳ କରିବାକୁ ଚାହୁଁଛନ୍ତି ତେବେ ନିଶ୍ଚିତ ଭାବରେ ଦିଗକୁ ନେଇ ବାସ୍ତୁର କେତେକ ନିୟମ ମାନିବା ଜରୁରୀ। ବ୍ୟବସାୟକୁ ସଫଳ କରିବା ପାଇଁ ଦୋକାନ ବା ଶୋ’ରୁମର ମୁଖ୍ୟ ପ୍ରବେଶ ଦ୍ୱାର କାନ୍ଥ ମଝି ରହିବା ଶୁଭ ହୋଇଥାଏ। ଏହିପରି ଆହୁରି ଅନେକ ନିୟମ ରହିଛି, ଆସନ୍ତୁ ଜାଣିବା।
Also Read
ଅଧିକ ପଢ଼ନ୍ତୁ: ସାବଧାନ ! ଆପଣ ଆଲମିରାରେ ମିରର୍ ଲଗାଇଛନ୍ତି କି...ଆସିବ ଏହି ବିପଦ...
ଥାକ-ଶୋକେସ୍:
ଦୋକାନ ଭିତରେ ବିକ୍ରି ପାଇଁ ଜିନିଷଗୁଡିକ୍ ରଖିବା ପାଇଁ ସେଲଫ୍ କିମ୍ବା ଶୋକେସ୍ ଉତ୍ତର-ପଶ୍ଚିମ ଦିଗରେ ତିଆରି ହେବା ଆବଶ୍ୟକ। ଏହା ବ୍ୟବସାୟରେ ଲାଭ ଆଣିବା ସହିତ ବ୍ୟବସାୟକୁ ବଢାଇଥାଏ।
କ୍ୟାଶ୍ବକ୍ସ:
ବାସ୍ତୁଶାସ୍ତ୍ର ଅନୁଯାୟୀ ଶୋ’ରୁମ୍ ବା ଦୋକାନର କ୍ୟାଶ୍ବକ୍ସ ସର୍ବଦା ଦକ୍ଷିଣ ଏବଂ ପଶ୍ଚିମ କାନ୍ଥର ସହାୟତାରେ ରହିବା ଉଚିତ ବୋଲି ବିବେଚନା କରାଯାଏ।
ମନ୍ଦିର:
ଆପଣଙ୍କ ବ୍ୟବସାୟ ସ୍ଥଳର ଉତ୍ତର-ପୂର୍ବ କୋଣରେ ଏକ ମନ୍ଦିର ସ୍ଥାପନ କରାଯାଇପାରିବ। ଏହା ସହିତ, ଏହି ଭାଗରେ ପାନୀୟ ଜଳ ରଖିବା ମଧ୍ୟ ଶୁଭ ବୋଲି ବିବେଚନା କରାଯାଏ।
ରଙ୍ଗ:
ଆପଣ ନିଜ ଅଫିସ୍, ଦୋକାନ କିମ୍ବା କାରଖାନାରେ ଧଳା, କ୍ରିମ୍ କିମ୍ବା ହାଲୁକା ରଙ୍ଗ ବ୍ୟବହାର କରିପାରିବେ। ଏହି ରଙ୍ଗଗୁଡ଼ିକ ସକରାତ୍ମକତାର ପ୍ରବାହ ସୃଷ୍ଟି କରେ, ଯାହା ବ୍ୟବସାୟରେ ଅଗ୍ରଗତି କରିବାରେ ସହାୟକ ହୋଇଥାଏ।
ଅଧିକ ପଢ଼ନ୍ତୁ: ଘରକୁ ବାରମ୍ବାର ଅତିଥି ଆସୁଛନ୍ତି ଆଉ ସବୁବେଳେ ରୋଷେଇ କରିବାକୁ ପଡୁଛି; ଜାଣନ୍ତୁ କାହିଁକି…
ଟେବୁଲ ଉପରେ କ’ଣ ରଖିବେ:
ବ୍ୟବସାୟକୁ ସଫଳ କରିବା ପାଇଁ, ଟେବୁଲ ଉପରେ ଶ୍ରୀ ଯନ୍ତ୍ର, ବ୍ୟବସାୟ ଅଭିବୃଦ୍ଧି ଯନ୍ତ୍ର, କ୍ରିଷ୍ଟାଲ୍ କଇଁଛ, କ୍ରିଷ୍ଟାଲ ବଲ୍ ଇତ୍ୟାଦି ରଖିପାରିବେ। ଏହା ସକରାତ୍ମକ ଶକ୍ତିର ପ୍ରବାହକୁ ଆଣିଥାଏ।
ଦୋକାନ ମାଲିକ କେଉଁ ଦିଗରେ ବସିବା ଉଚିତ:
ବାସ୍ତୁଶାସ୍ତ୍ର ଅନୁଯାୟୀ, ଦୋକାନ ମାଲିକ କିମ୍ବା ପରିଚାଳକ ତାଙ୍କ ବ୍ୟବସାୟ କ୍ଷେତ୍ରର ଦକ୍ଷିଣ-ପଶ୍ଚିମ ଦିଗରେ ବସିବା ଉଚିତ।
ଏହି ଶଙ୍ଖ ରଖନ୍ତୁ:
ବ୍ୟବସାୟରେ ସଫଳତା ପାଇବାକୁ, ଆପଣ ନିଜ ଦୋକାନ କିମ୍ବା କାରଖାନାରେ ପାଞ୍ଚଜନ୍ୟ ଶଙ୍ଖ ମଧ୍ୟ ସ୍ଥାପନ କରିପାରିବେ। ଶଙ୍ଖକୁ ଦେବୀ ଲକ୍ଷ୍ମୀଙ୍କ ଭାଇ ଭାବରେ ବିବେଚନା କରାଯାଏ କାରଣ ଉଭୟେ ସମୁଦ୍ର ମନ୍ଥନରୁ ଉତ୍ପନ୍ନ ହୋଇଥିଲେ। ଶଙ୍ଖକୁ ପୂଜା କରିବା ଦ୍ୱାରା ଦେବୀ ଲକ୍ଷ୍ମୀ ମଧ୍ୟ ପ୍ରସନ୍ନ ହୁଅନ୍ତି ଏବଂ ଏହା ଆପଣଙ୍କୁ ବ୍ୟବସାୟରେ ସଫଳତା ହାସଲ କରିବାରେ ସାହାଯ୍ୟ କରିଥାଏ।