LIVE TV
ଶୀତଋତୁରେ ଗାଧୋଇବା ହେଉ କି ସଫାସଫି ହେଉ ଯଦି ଗରମ ପାଣି ନାହିଁ ତେବେ ଏହା ଭାରି କଷ୍ଟ ହୋଇପଡେ। ଜବରଦସ୍ତ ଥଣ୍ଡାରେ ଗାଧୋଇବା ହେଉ କି ବାସନ ଧୋଇବା ହେଉ କି ଅନ୍ୟ କିଛି ସଫାସଫି ହେଉ ଯଦି ଗରମ ପାଣି ହୋଇଯାଏ ତେବେ ଅଧା କାମ ସହଜ ହୋଇଯାଏ।
ତେବେ ଗରମ ପାଣି କରିବା ପାଇଁ କିଛି ଲୋକଙ୍କ ଘରେ ଗିଜର ଥାଏ ତ ଆଉ କିଛି ଗ୍ୟାସ୍ ବା କାଠ ଚୁଲା ବ୍ୟବହାର କରନ୍ତି। ଆଜିକାଲି କିନ୍ତୁ ଗରମ ପାଣି କରିବା ପାଇଁ ବିଭିନ୍ନ ଆଧୁନିକ ଯନ୍ତ୍ରପାତି ବାହାରି ଗଲାଣି। ଯେପରି କି କିଛି ଲୋକ ଅଛନ୍ତି ଯେଉଁମାନେ ଗରମ ପାଣି କରିବା ପାଇଁ ହିଟିଂ ରଡ୍ ବ୍ୟବହାର କରୁଛନ୍ତି।
ଆପଣ ଯଦି ଏମିତି କିଛି ହିଟିଂ ରଡ୍ ବ୍ୟବହାର କରନ୍ତି ତେବେ ଏଥିପ୍ରତି ବିଶେଷ ଯତ୍ନ ନେବା ଉଚିତ। ଏଥିରେ ଏମିତି କିଛି ଜିନିଷ ଅଛି, ଯାହା ପ୍ରତି ଧ୍ୟାନ ନ ଦିଆଯାଏ, ତେବେ ବହୁତ ଅସୁବିଧା ହୋଇପାରେ। ତେବେ କେଉଁ କେଉଁ ଜିନିଷ ପ୍ରତି ବିଶେଷ ଧ୍ୟାନ ଦେବା ଜରୁରୀ ଆସନ୍ତୁ ସେ ବିଷୟରେ ଜାଣିନେବା।
Also Read
କମ୍ପାନୀ ଦେଖି କିଣିବା:
ସର୍ବପ୍ରଥମେ, ଗୋଟିଏ ଜିନିଷର ବିଶେଷ ଯତ୍ନ ନେବା ଜରୁରୀ ଯେ, ଯାହାକୁ କୌଣସି ବି ବୈଦ୍ୟୁତିକ ଜିନିଷ ଲୋକାଲ୍ କମ୍ପାନୀର କିଣିବା ଠାରୁ ଦୂରେଇ ରହିବା ଉଚିତ। ବ୍ରାଣ୍ଡେଡ୍ ସାମଗ୍ରୀରେ ନିରାପତ୍ତାର ଏକ ଗ୍ୟାରେଣ୍ଟି ଥାଏ, ଯେଉଁଠି ଲୋକାଲ୍ ଦ୍ରବ୍ୟରେ ଅନେକ ପ୍ରକାର ସୁରକ୍ଷାର ବିପଦ ଥାଏ।
ଏହାକୁ ପ୍ରଥମେ ଟର୍ନ୍ ଅନ୍ କରନ୍ତୁ ନାହିଁ:
ଅନେକ ଲୋକ ଅଛନ୍ତି, ଯେଉଁମାନେ ପାଣି ଗରମ କରିବା ପାଇଁ ତରବର ହୋଇ ହିଟିଂ ରଡ୍କୁ ଆଗରୁ ଅନ୍ କରିଦିଅନ୍ତି ଏବଂ ପରେ ଏହାକୁ ବାଲ୍ଟିରେ ରଖନ୍ତି। କିନ୍ତୁ ଏହା ଏକ ବଡ ଭୁଲ, କାରଣ ଏହା କରିବା ଦ୍ୱାରା କରେଣ୍ଟ୍ ଲାଗିବାର ସମ୍ଭାବନା ଥାଏ। ନିରାପତ୍ତା ଦୃଷ୍ଟିରୁ ସବୁବେଳେ ପରାମର୍ଶ ଦିଆଯାଏ ଯେ ପାଣି ଗରମ କରିବା ପୂର୍ବରୁ ପ୍ରଥମେ ହିଟିଂ ରଡ୍କୁ ପାଣିରେ ଭର୍ତ୍ତି ଏକ ବାଲ୍ଟିରେ ରଖନ୍ତୁ ଏବଂ ତା’ପରେ ଏହାକୁ ଟର୍ନ ଅନ୍ କରନ୍ତୁ।
ପୁରୁଣା ହିଟିଂ ରଡ୍ ପ୍ରତି ଯତ୍ନ:
ପୁରୁଣା ହିଟିଂ ରଡ୍ଗୁଡ଼ିକ ଅଧିକ ଲାଷ୍ଟିଂ କରିଥାଏ। ଏଗୁଡିକ ସହଜରେ ନଷ୍ଟ ହୋଇ ନ ଥାଏ। ତେଣୁକରି ଏଗୁଡିକ ଅନେକ ବର୍ଷ ବ୍ୟବହାର କରିବା ପରେ ଏଗୁଡିକର ଯତ୍ନ ଅଧିକ ଗୁରୁତ୍ୱପୂର୍ଣ୍ଣ ହୋଇଯାଏ। ଯଦି ହିଟିଂ ରଡ୍ଟି ବହୁତ ପୁରୁଣା ହୋଇଯାଇଛି ତେବେ କରେଣ୍ଟ୍ ଲାଗିବାର ଆଶଙ୍କା ବଢିଥାଏ। ଏହା ବ୍ୟତୀତ ଏହା ଉପରେ ଏକ ଧଳା ସ୍ତର ଜମା ହୋଇଯାଏ, ଫଳରେ ଏହା ଅଧିକ ବିଦ୍ୟୁତ୍ ମଧ୍ୟ ଖର୍ଚ୍ଚ କରିଥାଏ।
