ଆସନ୍ତାକାଲି ( ମେ ୧୮)ରେ ନୂଆ ସାଟେଲାଇଟ ଲଞ୍ଚ କରିବାକୁ ଯାଉଛି ଇସ୍ରୋ । PSLV-C61/EOS-09 ହେଉଛି ଇସ୍ରୋର ୧୦୧ତମ ଲଞ୍ଚିଂ । ଏହା ଭାରତର ସୁରକ୍ଷା ଦିଗରେ ସହାୟକ ହେବ । ଏହା ସମସ୍ତ ପାଣିପାଗ ସ୍ଥିତି, ଦିବାରାତ୍ର ସମୟର ଫଟୋ ଉତ୍ତୋଳନ, ପାଣିପାଗ ସମ୍ପର୍କିତ ସୂଚନା ଆଦି ପ୍ରଦାନ କରିବ । ଅପଗ୍ରେଡ୍ ହୋଇଥିବା C-band, SAR ଭଳି ଅତ୍ୟାଧୁନିକ ଜ୍ଞାନକୌଶଳ ବ୍ୟବହାର କରାଯାଇ ଏହାର ନିର୍ମାଣ ହୋଇଛି । ବନ୍ୟା ସମୟର ସୂଚନା ପାଇଁ ମଧ୍ୟ ରିଅଲ ଟାଇମ୍ ଆପ୍ଲିକେସନ ଏଥିରେ ରହିଛି ।
EOS-09 କାହିଁକି ଭିନ୍ନ?
Also Read
PSLV-C61 ବିଷୟରେ:
PSLV-C61 ଇସ୍ରୋର ଏକ ବିଶ୍ୱସନୀୟ ରକେଟ୍ । ଯାହାକି EOS-09(RISAT-1B) ଉପଗ୍ରହକୁ ମହାକାଶରେ ପହଞ୍ଚାଇବ । ଏହି ଉପଗ୍ରହ ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ହୋଇଥିବାବେଳେ ଏହାର ଓଜନ 1,710 କିଲୋଗ୍ରାମ । ଏଥିରେ ଥିବା SAR(ସିନଥେଟିକ ଅପର୍ଚର ରାଡାର) ସିଷ୍ଟମ ଦିନରାତି, ଖରା, ବର୍ଷା, ଶୀତ, କୁହୁଡ଼ି ଆଦି ସବୁ ସମୟରେ ହାଇ ରିଜୋଲ୍ୟୁସନର ଫଟୋ ଉତ୍ତୋଳନ କରିପାରିବ । ଭାରତ ଏମିତି ଏକ ଦେଶ ଯାହା ଅନେକ ସମୟରେ ପ୍ରାକୃତିକ ବିପର୍ଯ୍ୟୟର ସାମ୍ନା କରିଥାଏ । ସେହିପରି ଦେଶର ଆଭ୍ୟନ୍ତରୀଣ ସୁରକ୍ଷା ମଧ୍ୟ ଏକ ଗୁରୁତ୍ୱପୂର୍ଣ୍ଣ ବିଷୟ । ତେଣୁ ଏ ସମସ୍ତ ଦିଗକୁ ଦେଖିଲେ, ଏହି ନୂଆ ଅତ୍ୟାଧୁନିକ ସାଟେଲାଇଟ EOS-09 ବହୁ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବା ନେଇ ଆଶା କରାଯାଉଛି ।
ଦେଶର ସୁରକ୍ଷା ପାଇଁ କାର୍ଯ୍ୟ କରିବ:
EOS-09ର SAR ସିଷ୍ଟମ ଯେତିକି ପାୱାରଫୁଲ ସେତିକି ସ୍ମାର୍ଟ ମଧ୍ୟ । ଏଥିରେ PSLV ରକେଟକୁ ପେ-ଲୋଡ୍ ଇଣ୍ଟିଗ୍ରେସନ(Payload Integration Facility) ରୁ ମୋବାଇଲ ସର୍ଭିସ ଟାୱାର ପର୍ଯ୍ୟନ୍ତ କ୍ୟାପଚର କରିବାର କ୍ଷମତା ରହିଛି । ISRO ଇଞ୍ଜିନିୟରିଂ ଜ୍ଞାନକୌଶଳ, ଟିମ୍ ୱାର୍କ ଯୋଗୁ ଏଭଳି ଅତ୍ୟାଧୁନିକ ସାଟେଲାଇଟ ନିର୍ମାଣ ସମ୍ଭବ ହୋଇପାରିଛି । ପହଲଗାମ ଆତଙ୍କୀ ଆକ୍ରମଣ ପରେ ଅପରେସନ ସିନ୍ଦୂର ଲଞ୍ଚ କରାଯାଇଥିଲା । ଏଭଳି ପ୍ରତିକୂଳ ସ୍ଥିତିରେ ଟେକ୍ନୋଲୋଜି ଦେଶର ସୁରକ୍ଷା କ୍ଷେତ୍ରରେ କେତେ ସହାୟକ ହୋଇଥିଲା ତାହା କାହାରିକୁ ଅଛପା ନାହିଁ । ତେଣୁ EOS-09 ଭାରତର ସୁରକ୍ଷା ଦିଗରେ ବେଶ ସହାୟକ ହେବ ବୋଲି ଆଶା କରାଯାଉଛି । ପାକିସ୍ତାନ ସୀମାରେଖାରୁ ଆରମ୍ଭ କରି ଚୀନ ଓ ବାଂଲାଦେଶ ଯାଏଁ ନଜର ରଖିବ ଏହି ସାଟେଲାଇଟ୍ । ଦେଶର ସୁରକ୍ଷା ଭାରତ ପାଇଁ ବର୍ତ୍ତମାନ ଚ୍ୟାଲେଞ୍ଚିଂ ହୋଇଥିବାବେଳେ ଶତ୍ରୁ ଦେଶରୁ ରକ୍ଷା ପାଇବାକୁ ଏହି ସାଟେଲାଇଟ୍ ବେଶ ସହାୟକ ହେବ ।