LIVE TV
ବଜାରରେ ବର୍ତ୍ତମାନ ସମୟରେ ବୈଦ୍ୟୁତିକ ଯାନର ଚାହିଦା ବଢ଼ିବାରେ ଲାଗିଛି । ଇଲେକ୍ଟ୍ରିକ୍ ଭେଇକିଲ୍ ବ୍ୟବହାର କରିବାକୁ ଲୋକଙ୍କ ମଧ୍ୟରେ ଆଗ୍ରହ ଦେଖିବାକୁ ମିଳୁଛି । ବିଶେଷକରି ଇଲେକ୍ଟ୍ରିକ୍ ସ୍କୁଟର ଓ ବାଇକ୍ ଅଧିକ ବିକ୍ରି ହେଉଥିବା ନଜିର ରହିଛି ।
ହେଲେ ବର୍ତ୍ତମାନ ସୁଦ୍ଧା ବଜାରରେ ଇଲେକ୍ଟ୍ରିକ୍ ଭେଇକିଲ୍ ଚାର୍ଜ କରିବାକୁ ସେମିତି ସୁବିଧା ହୋଇନାହିଁ । ଏପରି ସମୟରେ ଆପଣ ଆପଣଙ୍କ ବୈଦ୍ୟୁତିକ ଗାଡ଼ିର କିପରି ମାଇଲେଜ୍ ବଢ଼ାଇପାରିବେ ? ଆସନ୍ତୁ ଜାଣିବା...
ଅତିରିକ୍ତ ବୈଶିଷ୍ଟ୍ୟ ଗୁଡ଼ିକୁ ବନ୍ଦ ରଖନ୍ତୁ
ଆପଣଙ୍କ ଇ-ସ୍କୁଟରରେ କମ୍ପାନୀ ପକ୍ଷରୁ ଦିଆଯାଇଥିବା ଅତିରିକ୍ତ ବୈଶିଷ୍ଟ୍ୟଗୁଡ଼ିକୁ ଆବଶ୍ୟକ ନଥିଲେ ବନ୍ଦ ରଖନ୍ତୁ । ଯଥା ବ୍ଲୁଟୁଥ୍, ସ୍ମାର୍ଟ ନେଭିଗେସନ୍ ଓ ରିଫ୍ଲେକ୍ଟ ଲାଇଟ୍ ଭଳି ଦିଆଯାଇଥିବା ବୈଶିଷ୍ଟ୍ୟକୁ ବନ୍ଦ ରଖନ୍ତୁ । ଦିନ ସମୟରେ ଗାଡ଼ି ଚଳାଉଥିଲେ ଏନର୍ଜି ସଞ୍ଚୟ କରିବାକୁ ଲାଇଟ୍ ଓ ହେଡଲ୍ୟାମ୍ପ ବନ୍ଦ ରଖନ୍ତୁ ।
Also Read
ଭଲ ବ୍ୟାଟେରୀ ବାଛନ୍ତୁ...
ସ୍କୁଟର ବ୍ୟବହାରକୁ ଦୃଷ୍ଟିରେ ରଖି ବ୍ୟାଟେରୀ ଚୟନ କରନ୍ତୁ । ବ୍ୟାଟେରୀର ଚାର୍ଜ ଓ ବ୍ୟବହାର ଉପରେ ଧ୍ୟାନ ରଖିବା ଜରୁରୀ । କିଛି ଇ-ସ୍କୁଟରରେ ଡବଲ ବ୍ୟାଟେରୀର ସୁବିଧା ରହିଛି ଯାହା ଆପଣଙ୍କୁ ବିଶେଷ ସୁବିଧା ପ୍ରଦାନ କରିଥାଏ ।
ଟାୟାର ପ୍ରେସର ଠିକ୍ ରଖନ୍ତୁ
ଆପଣ ବ୍ୟବହାର କରୁଥିବା ଇ-ସ୍କୁଟର ବିଷୟରେ କିଛି ଜାଣିରଖନ୍ତୁ । ସ୍କୁଟରର ଟାୟାରର ପ୍ରେସର ଠିକ୍ ରଖନ୍ତୁ । ବ୍ୟାଟେରୀର ଏନର୍ଜି ଓ ବିନା କାରଣରେ ବ୍ୟାଟେରୀ ଖର୍ଚ୍ଚ ଉପରେ ଧ୍ୟନ ଦିଅନ୍ତୁ । ଯାହାଫଳରେ ଆପଣଙ୍କ ଇ-ସ୍କୁଟର ଅଧିକ ମାଇଲେଜ ଦେବ ।
ବ୍ୟାଟେରୀ ଉପରେ ଧ୍ୟାନ ଦିଅନ୍ତୁ. . .
ଇ-ସ୍କୁଟର ବ୍ୟବହୃତ ହେଉଥିବା ବ୍ୟାଟେରୀଗୁଡ଼ିକ ଲିଥିୟମ-ଆୟନ ଦ୍ୱାରା ଚାଳିତ । ତେଣୁ ଏହାର ଚାର୍ଜିଂ ଉପରେ ବିଶେଷ ଧ୍ୟାନ ଦିଅନ୍ତୁ । ଏହା ପ୍ରାୟ ୨ରୁ ୩ ବର୍ଷ ଯାଏଁ ବ୍ୟବହାର ହୋଇଥାଏ । ଏହାକୁ କେବେ ବି ସମ୍ପୂର୍ଣ୍ଣ ଭାବେ ଚାର୍ଜ କରନ୍ତରୁ ନାହିଁ । ଏହାକୁ ସମ୍ପୂର୍ଣ୍ଣ ଭାବେ ଚାର୍ଜ କରିବା ଠିକ୍ ନୁହେଁ ।
