LIVE TV
ମହିଳା ଟି-୨୦ ବିଶ୍ୱକପ୍ରେ ଆଜି ଖେଳାଯିବ ହାଇଭୋଲଟେଜ୍ ମ୍ୟାଚ୍ । ବିଶ୍ୱକପ୍ ମଞ୍ଚରେ ମୁହାଁମୁହିଁ ହେବେ ଦୁଇ ପାରମ୍ପାରିକ ପ୍ରତିଦ୍ୱନ୍ଦୀ । ଭାରତ-ପାକିସ୍ତାନ ମଧ୍ୟରେ ଖେଳାଯିବ ମହାମୁକାବିଲା । ଦୁବାଇ ଇଣ୍ଟର ନ୍ୟାସନାଲ କ୍ରିକେଟ ଷ୍ଟାଡିୟମରେ ଖେଳାଯିବ ଏହି ମ୍ୟାଚ୍ । ଭାରତୀୟ ସମୟ ଦିନ ୩.୩୦ରେ ଖେଳାଯିବ ଏହି ମ୍ୟାଚ୍ ।
Also Read
ଚଳିତ ମହିଳା ଟି-୨୦ ବିଶ୍ୱକପ୍ରେ ଭାରତ ପ୍ରଥମ ମ୍ୟାଚ୍ରେ ବଡ଼ ବ୍ୟବଧାନରେ ପରାଜୟର ସ୍ୱାଦ ଚାଖିଥିଲା । ପ୍ରଥମ ମ୍ୟାଚ୍ରେ ନ୍ୟୁଜିଲାଣ୍ଡଠାରୁ ୫୪ ରନ୍ରେ ହାରିଥିଲା ଭାରତ । ତେଣୁ ଆଜିର ମ୍ୟାଚ୍ ଭାରତ ପାଇଁ କର ବା ମର ସ୍ଥିତି ସୃଷ୍ଟି କରିବ । ତେଣୁ ଆଜିର ମ୍ୟାଚ୍ରେ ପାରମ୍ପାରିକ ପ୍ରତୀଦ୍ୱନ୍ଦୀ ପାକିସ୍ତାନକୁ ପରାସ୍ତ କରି ବିଶ୍ୱକପ୍ ସେମିଫାଇନାଲ ରେସ୍ରେ ରହିବାକୁ ଚେଷ୍ଟା କରିବ ଟିମ୍ ଇଣ୍ଡିଆ । ସେପଟେ ପାକିସ୍ତାନ ତା’ର ପ୍ରଥମ ମ୍ୟାଚ୍ରେ ଶ୍ରୀଲଙ୍କାକୁ ପରାସ୍ତ କରିଥିଲା । ତେଣୁ ଆଜିର ମ୍ୟାଚରେ ଭାରତକୁ ପରାସ୍ତ କରି ପଏଣ୍ଟ ଟେବୁଲରେ ନିଜ ସ୍ଥିତି ଦୃଢ଼ କରିବାକୁ ଚେଷ୍ଟା କରିବ ପାକିସ୍ତାନ ।
ଯଦି ଉଭୟ ଦଳର ରେକର୍ଡ କଥା କହିବା ତାହାଲେ ଭାରତୀୟ ମହିଳା ଦଳ ପାକିସ୍ତାନ ବିପକ୍ଷରେ ଭଲ ପ୍ରଦର୍ଶନ କରିଛି । ଦୁଇ ଦଳ ମଧ୍ୟରେ ଖେଳାଯାଇଥିବା ୧୫ଟି ଟି -୨୦ ଅନ୍ତର୍ଜାତୀୟ ମ୍ୟାଚ ମଧ୍ୟରୁ ଭାରତ ୧୨ଟି ମ୍ୟାଚରେ ବିଜୟଲାଭ କରିଛି । ଉଭୟଙ୍କ ମଧ୍ୟରେ ଶେଷ ମ୍ୟାଚ୍ ମହିଳା ଏସିଆ କପ୍ ୨୦୨୪ରେ ଖେଳାଯାଇଥିଲା । ଯେଉଁଥିରେ ଭାରତୀୟ ଦଳ ସାତ ୱିକେଟ୍ ଜିତିଥିଲା । ଯଦି ଦେଖାଯାଏ, ମହିଳା ଟି-୨୦ ବିଶ୍ୱକପରେ ଭାରତ ଏବଂ ପାକିସ୍ତାନ ମଧ୍ୟରେ ସାତୋଟି ମ୍ୟାଚ୍ ଖେଳାଯାଇଛି । ସେଥିମଧ୍ୟରୁ ଭାରତ ୫ଟି ଓ ପାକିସ୍ତାନ ଦୁଇଟି ମ୍ୟାଚ୍ରେ ଜିତିଥିଲା ।
ଭାରତର ସମ୍ଭାବ୍ୟ ଏକାଦଶ- ହରମନପ୍ରୀତ କୌର (ଅଧିନାୟକ), ଶେଫାଳି ବର୍ମା, ସ୍ମୃତି ମାନ୍ଧାନା, ଜେମିମା ରୋଡ୍ରିଗସ, ରିଚା ଘୋଷ (ୱିକେଟ କିପର୍), ପୂଜା ବସ୍ତ୍ରକାର, ଦୀପ୍ତି ଶର୍ମା, ଅରୁନ୍ଧତି ରେଡ୍ଡୀ, ଶ୍ରେୟଙ୍କା ପାଟିଲ, ଆଶା ଶୋଭନା, ରେଣୁକା ଠାକୁର
ପାକିସ୍ତାନର ସମ୍ଭାବ୍ୟ ଏକାଦଶ- ମୁନୀବା ଅଲି (ୱିକେଟ କିପର୍), ଗୁଲ୍ ଫିରୋଜ, ସିଦ୍ରା ଅମୀନ, ଓମାଇମା ସୋହେଲ, ନିଦା ଦାର୍, ତୁବା ହାସନ, ଫତିମା ସାନା (ଅଧିନାୟକ), ଆଲିୟା ରିଜା, ଡାଏନା ବେଗ, ନଶ୍ରା ସାନ୍ଧୁ, ସଦିଆ ଅକବଲ
