LIVE TV
ନୂଆଦିଲ୍ଲୀ: ଟି -20 ବିଶ୍ୱକପ ପରେ ଟିମ୍ ଇଣ୍ଡିଆ କ୍ୟାପଟେନ୍ ବିରାଟ କୋହଲି ଟି -20 ଏବଂ ଓଡିଆଇ ଦଳର କ୍ୟାପଟେନ୍ସିପ୍ ଛାଡି ପାରନ୍ତି । ତାଙ୍କ ବଦଳରେ ରୋହିତ ଶର୍ମାଙ୍କୁ ଦଳର ନିର୍ଦ୍ଦେଶ ଦିଆଯାଇପାରେ । ବିରାଟ ନିଜ ବ୍ୟାଟିଂ ଉପରେ ଧ୍ୟାନ ଦେବା ପାଇଁ ଏପରି ବଡ ପଦକ୍ଷେପ ନେଇପାରନ୍ତି । ଅଷ୍ଟ୍ରେଲିଆ ଗସ୍ତ ବେଳେ ବିରାଟ କୋହଲି ଏନେଇ ରୋହିତ ଏବଂ ଟିମ୍ ମ୍ୟାନେଜମେଣ୍ଟ ସହିତ ଦୀର୍ଘ ସମୟ ଧରି ଆଲୋଚନା କରିଛନ୍ତି । ୧୭ ଅକ୍ଟୋବରରୁ ୧୪ ନଭେମ୍ବର ପର୍ଯ୍ୟନ୍ତ ୟୁଏଇ ଏବଂ ଓମାନରେ ଟି -20 ବିଶ୍ୱକପ ମ୍ୟାଚ୍ ଅନୁଷ୍ଠିତ ହେବ । ୩୨ ବର୍ଷୀୟ କୋହଲି ଟିମ୍ ଇଣ୍ଡିଆର ସଫଳ କ୍ୟାପଟେନ୍ସଙ୍କ ମଧ୍ୟରୁ ଜଣେ ଥିଲେ ।ୟ
Also Read
ଟାଇମ୍ସ ଅଫ୍ ଇଣ୍ଡିଆର ତଥ୍ୟ ଅନୁଯାୟୀ, ପିତା ହେବା ପରେ ବିରାଟ କୋହଲି ନିଜ ବ୍ୟାଟିଂ ଉପରେ ଧ୍ୟାନ ଦେବା ପାଇଁ ଏହି ପଦକ୍ଷେପ ନେଇପାରନ୍ତି।ତେବେ ବିରାଟ ଏ ନେଇ ନିଜେ ଘୋଷଣା କରିବେ ବୋଲି ମିଳିଥିବା ସୂତ୍ରରୁ ପ୍ରକାଶ । କୋହିଲିଙ୍କ ଅନୁଯାୟୀ, ନିଜ ବ୍ୟାଟିଂ ଉପରେ ଧ୍ୟାନ ଦେବା ଏବଂ ଦୁନିଆର ଶ୍ରେଷ୍ଠ ବ୍ୟାଟ୍ସମ୍ୟାନ୍ ହେବା ପାଇଁ କ୍ୟାପ୍ଟେନସିପ୍କୁ ଛାଡିଦେବା ଆବଶ୍ୟକ। ରୋହିତ ଶର୍ମା ନିଜ କ୍ୟାପଟେନ୍ସିପରେ ମୁମ୍ବାଇ ଇଣ୍ଡିଆନ୍ସକୁ ୫ ଥର ଆଇପିଏଲ ଟାଇଟଲ ଜିତାଇଛନ୍ତି। ସେପଟେ କୋହଲି ଏପର୍ଯ୍ୟନ୍ତ କ୍ୟାପଟେନ୍ ଭାବରେ ଆଇସିସି ଟ୍ରଫି ଜିତି ନାହାଁନ୍ତି । ଏହା ବ୍ୟତୀତ ସେ ଆଇପିଏଲ୍ ଟାଇଟଲ୍ ମଧ୍ୟ ଜିତି ପାରିନ ଥିଲେ ।
ଆସନ୍ତାମାସରେ ହେବାକୁ ଥିବା ଟ-୨୦ ବିଶ୍ୱକପ୍ ପାଇଁ ପୂର୍ବତନ କ୍ୟାପ୍ଟେନ୍ ଏମଏସ ଧୋନୀଙ୍କୁ ଦାୟିତ୍ୱ ଦିଆଯାଇଛି। ତାଙ୍କୁ ଟିମ୍ର ମେଣ୍ଟର କରାଯାଇଛି। କୋହଲିଙ୍କ କ୍ୟାପ୍ଟେନସିପ୍ରେ ଟିମ୍ ଇଣ୍ଡିଆ ୨୦୧୭ ଚାମ୍ପିଅନସ୍ ଟ୍ରଫି, ୨୦୧୯ରେ ୱାନ୍ଡେ ୱାର୍ଲଡ କପ୍ ଏବଂ ୨୦୨୧ରେ ୱାର୍ଲଡ ଟେଷ୍ଟ ଚାମ୍ପିଅନସିପ୍ ଖେଳିଥିଲେ। ହେଲେ କୌଣସି ଟାଇଟଲ୍ ଜିତି ନ ଥିଲେ।
ଟିମ୍ ଇଣ୍ଡିଆ ୮ ବର୍ଷ ହେଲା ଆଇସିସି ଟ୍ରଫିକୁ ଅପେକ୍ଷା କରିଛି। ଟିମ୍ ଶେଷଥର ପାଇଁ ୨୦୧୩ରେ ଧୋନିଙ୍କ କ୍ୟାପ୍ଟେନ୍ସିପ୍ରେ ଚାମ୍ପିୟନସ୍ ଟ୍ରଫି ଜିତିଥିଲା। ଧୋନି ଟିମ୍ ଇଣ୍ଡିଆକୁ ଟ-୨୦ ୱାର୍ଲଡ କପ୍, ୱାନ୍ଡେ ୱାର୍ଲଡ କପ୍ ଏବଂ ଚାମ୍ପୟନସିପ୍ ଟ୍ରଫି ପରି ତିନୋଟି ଟାଇଟଲ ଦେଇଥିଲେ। ଏଥିସହିତ ଚେନ୍ନାଇ ସୁପର କିଙ୍ଗ୍ସକୁ ତିନି ଥର ଆଇପିଏଲ ଟାଇଟଲ ବି ଦେଇଛନ୍ତି।
