LIVE TV
ଇଣ୍ଡିଆନ ପ୍ରିମିୟର ଲିଗର ଅନ୍ୟତମ ସଫଳ ଫ୍ରାଞ୍ଚାଇଜ ମୁମ୍ବାଇ ଇଣ୍ଡିଆନ୍ସ (MI) ୨୦୨୪ ସଂସ୍କରଣରେ ରୋହିତ ଶର୍ମାଙ୍କ ବଦଳରେ ହାର୍ଦ୍ଦିକ ପାଣ୍ଡ୍ୟାଙ୍କୁ ନେତୃତ୍ୱ ଭାର ପ୍ରଦାନ କରିଥିଲା । ଏହାପରେ ରୋହିତ ଶର୍ମା ଆଇପିଏଲ ୨୦୨୫ରେ ଫ୍ରାଞ୍ଚାଇଜ ବଦଳାଇ ପାରନ୍ତି ବୋଲି ଚର୍ଚ୍ଚା ବଢ଼ିଥିଲା । ତେବେ ଆଗକୁ ଆଇପିଏଲର ମେଗା ନିଲାମ ଅନୁଷ୍ଠିତ ହେବାକୁ ଥିବାରୁ ରୋହିତ ମୁମ୍ବାଇ କ୍ୟାମ୍ପ ଛାଡ଼ିବା ସମ୍ଭାବନା ଅଧିକ ରହିଛି।
ଅଧିକ ପଢ଼ନ୍ତୁ: ଭାଇରାଲ ହେଲା ବିରାଟଙ୍କ ଡିପ୍ଫେକ୍ ଭିଡିଓ, ଶୁଭମନ ଗିଲ୍ଙ୍କୁ ନେଇ କହୁଛନ୍ତି ଏମିତି....
ଚର୍ଚ୍ଚା ଅନୁସାରେ ରୋହିତ ମୁମ୍ବାଇ ଇଣ୍ଡିଆନ୍ସ ଛାଡ଼ି ଆଇପିଏଲ ୨୦୨୫ରେ ଦିଲ୍ଲୀ କ୍ୟାପିଟାଲ୍ସରେ ଯୋଗ ଦେଇପାରନ୍ତି । ଏପରି ଅନେକ ଚର୍ଚ୍ଚା ଏବେ କ୍ରିକେଟ ମହଲରେ ହେଉଥିବାବେଳେ ମେଗା ନିଲାମକୁ ନେଇ ଫ୍ୟାନ୍ସଙ୍କ ଉତ୍କଣ୍ଠା ବଢ଼ିବାରେ ଲାଗିଛି । ସେପଟେ ପୂର୍ବତନ ଭାରତୀୟ ସ୍ପିନର ହରଭଜନ ସିଂହ ଏହି ଚର୍ଚ୍ଚାକୁ ନେଇ ମୁହଁ ଖୋଲିଛନ୍ତି । ହରଭଜନ କହିଛନ୍ତି, ଏଥର ଆଇପିଏଲ ଅକ୍ସନ ଉତ୍କଣ୍ଠାପୂର୍ଣ୍ଣ ହେବାକୁ ଯାଉଛି । କିଛି ବଡ଼ ନାଁ ନିଲାମରେ କେଉଁ ଦଳରେ ସାମିଲ ହେଉଛନ୍ତି ତାକୁ ନେଇ ଉତ୍ସାହ ବଢ଼ୁଛି । ରୋହିତ ଶର୍ମା ଦିଲ୍ଲୀ କ୍ୟାମ୍ପରେ ସାମିଲ ହେଉଛନ୍ତି ନା ମୁମ୍ବାଇ ରିଟେନ୍ କରୁଛି ଏହା ଉପରେ ସମସ୍ତଙ୍କ ନଜର।
Also Read
କେଏଲ ରାହୁଲଙ୍କୁ ନେଇ ମଧ୍ୟ ଅନେକ ଗୁଜବ ଖବର ସାମ୍ନାକୁ ଆସିବାରେ ଲାଗିଛି । ରାହୁଲ ଲକ୍ଷ୍ନୌ ସୁପର ଜିଆଣ୍ଟ୍ସ ଛାଡ଼ିବାକୁ ପ୍ରସ୍ତୁତ ଥିବା କିଛି ରିପୋର୍ଟରେ ପ୍ରକାଶ ପାଇଛି ।
ଆଇପିଏଲ ରୋହିତ ଶର୍ମାଙ୍କ ପାଇଁ ବରଦାନ ସାବ୍ୟସ୍ତ ହୋଇଛି । କ୍ୟାରିୟରର ପ୍ରାରମ୍ଭରେ ପ୍ରତିଭାବାନ ବ୍ୟାଟର ନିଜର ସ୍ଥିର ପ୍ରଦର୍ଶନ ପାଇଁ ସଂଘର୍ଷ କରିଥିଲେ । ମାତ୍ର ଆଇପିଏଲ ହିଁ ରୋହିତଙ୍କୁ ନିଜକୁ ପ୍ରମାଣିତ କରିବାକୁ ସୁବର୍ଣ୍ଣ ସୁଯୋଗ ଦେଇଥିଲା । ୨୦୦୮ରୁ ୨୦୧୦ ପର୍ଯ୍ୟନ୍ତ ଡେକାନ ଚାର୍ଜର୍ସ ପକ୍ଷରୁ ଖେଳିଛନ୍ତି ରୋହିତ । ଏହି ତିନୋଟି ସଂସ୍କରଣରେ ପ୍ରତ୍ୟେକ ଥର ୩୫୦ରୁ ଅଧିକ ରନ୍ ସଂଗ୍ରହ କରିଥିଲେ ରୋହିତ ।
ଅଧିକ ପଢ଼ନ୍ତୁ: IPLକୁ ଫେରିଲେ ଜାହିର ଖାନ୍, ଏହି ଟିମ୍ର ମେଣ୍ଟର ଭାବେ ତୁଲାଇବେ ଦାୟିତ୍ୱ
ଏହାପରେ ନିଜ ଘରୋଇ ଟିମ ମୁମ୍ବାଇ ପକ୍ଷରୁ ଖେଳିବାର ସୁଯୋଗ ପାଇବା ପରେ ସଂପୂର୍ଣ୍ଣ ବଦଳିଯାଇଥିଲା ରୋହିତଙ୍କ କ୍ୟାରିୟର । ୨୦୧୩ ସଂସ୍କରଣରେ ୫୩୮ ରନ୍ ସଂଗ୍ରହ କରିବା ସହ ମୁମ୍ବାଇକୁ ପ୍ରଥମ ଟାଇଟେଲ ବିଜୟୀ କରାଇଥିଲେ । ଏହାପରେ ରୋହିତ ଅନେକ ରେକର୍ଡକୁ ଭଙ୍ଗ କରିବା ସହ ନିଜ ନାମରେ ନୂଆ କିର୍ତ୍ତୀମାନ ଯୋଡ଼ିଛନ୍ତି । ବିଶ୍ୱର ସଫଳତମ ଓ ବିତ୍ତଶାଳୀ କ୍ରିକେଟ ଲିଗ ଆଇପିଏଲର ଅନ୍ୟତମ ସଫଳ କ୍ୟାପଟେନ ଓ ସଫଳ ଟିମର ନେତୃତ୍ୱ ନେଇଛନ୍ତି । ଆଇପିଏଲର ସର୍ବକାଳୀନ ସର୍ବାଧିକ ରନ୍ ସଂଗ୍ରହକାରୀ ଖେଳାଳିଙ୍କ ମଧ୍ୟରେ ରୋହିତ କେବଳ ବିରାଟ କୋହଲି ଓ ଶିଖର ଧାୱନଙ୍କ ପଛରେ ରହିଛନ୍ତି।
