ଫ୍ୟାନ୍ସଙ୍କ ପାଇଁ ଆଉ ଏକ ସିଜନ୍‌ ଖେଳିବେ ମାହି

ପୁଣି ଧୋନି..ଧୋନି..ଧ୍ୱନିରେ କମ୍ପିବ ଷ୍ଟାଡିୟମ । କାହିଁକି ନା ଅବସର ନେବେନି କ୍ୟାପ୍ଟେନ୍‌ କୁଲ୍‌ ମହେନ୍ଦ୍ର ସିଂ ଧୋନି । ଗତକାଲି ଚେନ୍ନାଇ ଫାଇନାଲ ଜିତିବା ପରେ ଖୋଦ୍ ମହେନ୍ଦ୍ର ସିଂ ଧୋନି ଏନେଇ ସ୍ପଷ୍ଟ କରିଛନ୍ତି । ଚେନ୍ନାଇ ପ୍ରତି ଫ୍ୟାନଙ୍କ ବଢ଼ୁଥିବା ଆଗ୍ରହକୁ ଦୃଷ୍ଟିରେ ରଖି ଆଉ ଏକ ଆଇପିଏଲ୍ ସିଜନ୍ ଖେଳିବାକୁ ସେ ନିଷ୍ପତ୍ତି ନେଇଛନ୍ତି । ଆସନ୍ତା ୬ରୁ ୭ ମାସ ମଧ୍ୟରେ ସେ ଏଥିପାଇଁ ନିଜକୁ ପ୍ରସ୍ତୁତ କରିବେ ବୋଲି ଗତକାଲିରେ ପ୍ରେଜେଣ୍ଟେସନ୍‌ ସେରିମନିରେ କହିଛନ୍ତି ।

ଶାରିରୀକ ଭାବେ ଫିଟ୍ ହେବା ପରେ ପୁଣି ଥରେ ଆଉ ଏକ ସିଜନ୍ ଖେଳିବେ ବୋଲି କହିଛନ୍ତି MSD । ଗତ କିଛି ଦିନ ଧରି ଧୋନି ଅବସର ନେବା ନେଇ ଚର୍ଚ୍ଚା ହେଉଥିଲା । ଏହା ତାଙ୍କ ଶେଷ ଆଇପିଏଲ ବୋଲି ଖବର ପ୍ରକାଶ ହେଉଥିଲା । ତେବେ ଏସବୁରେ ବିରାମ ଲଗାଇଛନ୍ତି ମାହି । ଆଇପିଏଲରେ ପ୍ରଥମ ସିଜନରୁ ଚେନ୍ନାଇ ସହ ଜଡ଼ିତ ରହିଛନ୍ତି ଧୋନି । ତାଙ୍କ ନେତୃତ୍ବରେ CSK ଟୁର୍ଣ୍ଣାମେଣ୍ଟର ସବୁଠୁ ଶକ୍ତିଶାଳୀ ଟିମ୍ ହେବା ସହ ୫ଥରର ବିଜୟୀ ହୋଇପାରିଛି ।

Also Read

ଭୋରରୁ ବଡ଼ ଅଘଟଣ: ବୈଷ୍ଣୋ ଦେବୀଙ୍କ ଦର୍ଶନ ପାଇଁ ଯିବାବେଳେ ଖାଇକୁ ଖସିଲା ବସ୍‌, ୧୦ ମୃତ

Read More

ଶେଷ ବଲ୍‌ରେ ଚେନ୍ନାଇକୁ ଜିତାଇଦେଲେ ଜାଡେଜା, ଖୁସିରେ ସେଲିବ୍ରେସନ କଲେ ଧୋନି

Read More

ଶେଷ ଦୁଇ ବଲ୍‌ରେ ବଦଳିଗଲା ମ୍ୟାଚ୍‌, ଚେନ୍ନାଇ ସୁପର କିଙ୍ଗ୍ସ IPL ଚାମ୍ପିଅନ୍‌

Read More

ଅଧିକ ପଢ଼ନ୍ତୁ: ଚାମ୍ପିୟନ ହେଲା ପରେ ବି ଚାହର୍‌ଙ୍କ ଉପରେ ରାଗିଗଲେ ଧୋନି, କାହିଁକି ?

ଗତ କିଛି ସିଜନ୍‌ରେ ଧୋନିଙ୍କ ଅବସର କଥା ଚର୍ଚ୍ଚା ହେଉଥିବା ବେଳେ ଧୋନି କିନ୍ତୁ ଏହାକୁ ନିଜ ଅନ୍ଦାଜରେ ଏଡ଼ାଇ ଦେଇଛନ୍ତି । କେତେବେଳେ ‘ଡେଫିନେଟଲି ନଟ୍‌’ କହି ତ କେତେବେଳେ କ୍ୟାରିୟର୍‌ର ଶେଷ ମ୍ୟାଚ୍‌ ଚେପକ୍‌ରେ ଖେଳିବେ ବୋଲି କହି ଫ୍ୟାନ୍ସଙ୍କୁ ସରପ୍ରାଇଜ୍‌ ଦେଇଛନ୍ତି । ଧୋନି କାଲି ମ୍ୟାଚ୍‌ର ପ୍ରେଜେଣ୍ଟେସନ୍‌ ସେରିମନିରେ କହିଛନ୍ତି ଯେ, ‘ଏହି ସମୟଟି ସଠିକ୍‌ ସମୟ ଅବସର ଘୋଷଣା କରିବା ପାଇଁ । କିନ୍ତୁ ଚଳିତ ସିଜିନ୍‌ରେ ଫ୍ୟାନ୍ସଙ୍କଠୁ ମୁଁ ଯେତିକି ଭଲ ପାଇବା ପାଇଛି, ସେଥିପାଇଁ ସେମାନଙ୍କୁ ଧନ୍ୟବାଦ ଜଣାଇବାକୁ ଚାହୁଁଛି । କିନ୍ତୁ ପୁଣିଥରେ ପରିଶ୍ରମ କରି ନିଜକୁ ଫିଟ୍‌ ରଖି ଆଉ ଏକ ସିଜିନ ଖେଳିବା, ତାହା ଟିକେ କଷ୍ଟଦାୟକ । କିନ୍ତୁ ମୋ ପାଖରେ ୮ରୁ ୯ ମାସ ସମୟ ଅଛି, ନିଷ୍ପତ୍ତି ନେବା ପାଇଁ । ଏହା ମୋ ଫିଟନେସ୍‌ ଉପରେ ନିର୍ଭର କରୁଛି । ଯେହେତୁ ମୁଁ ମୋ କ୍ୟାରିୟର୍‌ର ଶେଷ ସମୟରେ ଗତି କରୁଛି, ତେବେ ପ୍ରତିଟି ମ୍ୟାଚ୍‌କୁ ମଜା ଉଠାଇବା ମୋ ପାଇଁ ଭଲ ହେବ’ ।

The interaction you were waiting for 😉

MS Dhoni has got everyone delighted with his response 😃 #TATAIPL | #Final | #CSKvGT | @msdhoni pic.twitter.com/vEX5I88PGK

— IndianPremierLeague (@IPL) May 29, 2023

ଗତକାଲି ଗୁଜରାଟ ଟଇଟନ୍ସକୁ ୫ ୱିକେଟରେ ମାତ ଦେଇଛି ଚେନ୍ନାଇ ସୁପରକିଙ୍ଗ୍ସ । ଫାଇନାଲ ମ୍ୟାଚରେ ପ୍ରଥମେ ଟସ ଜିତି ମହେନ୍ଦ୍ର ସିଂ ଧୋନୀ ବୋଲିଂ କରିବାକୁ ନିଷ୍ପତ୍ତି ନେଇଥିଲେ । ଗୁଜରାଟ ଟାଇଟନ୍ସ ନିର୍ଦ୍ଧାରିତ ୨୦ ଓଭରରେ ୪ ୱିକେଟ ହରାଇ ୨୧୪ ରନ କରିଥିଲା । ତେବେ ବର୍ଷା ବାଧକ ସାଜିବା ପରେ DL ମେଥଡ୍ ଅନୁସାରେ ଚେନ୍ନାଇ ଲାଗି ୧୫ ଓଭରରେ ୧୭୧ ରନର ଟାର୍ଗେଟ ରହିଥିଲା । ପ୍ରତିଟି ଓଭର, ପ୍ରତିଟି ବଲ୍ ଗତକାଲି ନିର୍ଣ୍ଣାୟକ ଥିଲା । ମୋହିତ ଶର୍ମାଙ୍କ ଦୁଇଟି ୱିକେଟ୍ ସମ୍ପୂର୍ଣ୍ଣ ମ୍ୟାଚକୁ ଗୁଜରାଟ ପଟକୁ କରି ଦେଇଥିଲା । ଏପରିକି ଧୋନି ଡକ୍‌ ଆଉଟ୍ ହେବା ପରେ ଚେନ୍ନାଇର ହାର୍ ଏକପ୍ରକାର ସୁନିଶ୍ଚିତ ବୋଲି ଆକଳନ କରାଯାଉଥିଲା । କିନ୍ତୁ ରବୀନ୍ଦ୍ର ଜାଡ଼େଜା ସବୁ କିଛି ବଦଳାଇ ଦେଇଥିଲେ । ଶେଷ ଦୁଇଟି ବଲରେ ବିଜୟର ମୁକୁଟ ପିନ୍ଧାଇଥିଲେ ସାର୍ ଜାଡ଼େଜା । ଶେଷ ଦୁଇଟି ବଲରେ ଛକା ଓ ଚୌକା ମାରି ଟିମକୁ ପଞ୍ଚମ ଥର ପାଇଁ ଚାମ୍ପିଅନ କରାଇଥିଲେ ।

OTV is now on Whatsapp

Join and get latest news update delivered to you via whatsapp

Join Now