ବିଶ୍ୱକପ ସ୍କ୍ୱାଡରେ ଅଶ୍ୱିନଙ୍କ ଦମଦାର ଏଣ୍ଟ୍ରି, ଅକ୍ଷର ଆଉଟ୍

ବିଶ୍ୱକପ୍‌ ଟିମ୍‌ରେ ସାମିଲ ହୋଇଛନ୍ତି ସ୍ପିନର୍‌ ରବିଚନ୍ଦ୍ରନ ଅଶ୍ୱିନ୍‌ । ଦିନିକିଆ ବିଶ୍ୱକପ୍‌ ପାଇଁ ଟିମ୍‌ ଇଣ୍ତିଆର ୧୫ ଜଣିଆ ଦଳ ଘୋଷଣା କରାଯାଇଛି । ଏଥିରେ ଅକ୍ଷର ପଟେଲଙ୍କ ବଦଳରେ ରବିଚନ୍ଦ୍ରନ ଅଶ୍ୱିନଙ୍କୁ ରିପ୍ଲେସ କରାଯାଇଛି । ନିକଟରେ ହୋଇଥିବା ଏସିଆ କପ୍‌ରେ ଅକ୍ଷର ପଟେଲ୍‌ ଆହତ ହେବାରୁ ସେ ବିଶ୍ୱକପରୁ ବାଦ ପଡ଼ିବା ନେଇ କଳ୍ପନା ଜଳ୍ପନା ଲାଗି ରହିଥିଲା । ଅନ୍ୟପଟେ ଅକ୍ଷର ସୁସ୍ଥ ହୋଇ ବିଶ୍ୱକପ ସ୍କ୍ୱାଡରେ ସ୍ଥାନ ପାଇବାନେଇ ଆଶା କରାଯାଉଥିଲା। ଫିଟ୍ ନହେବାରୁ ପଟେଲଙ୍କ ବଦଳରେ ୧୫ ଜଣିଆ ଦଳରେ ଅଶ୍ୱିନ ସାମିଲ ହୋଇଛନ୍ତି।

Injury has forced India to make a change to their #CWC23 squad 👀

Details 👉 https://t.co/sRWSTdv9BQpic.twitter.com/BGtOEidX3g

— ICC (@ICC) September 28, 2023

ଅଷ୍ଟ୍ରେଲିଆ ବିପକ୍ଷ ଦିନିକିଆରେ ଅକ୍ଷରଙ୍କ ବଦଳରେ ଦୁଇଟି ମ୍ୟାଚ୍‌ରେ ରବିଚନ୍ଦ୍ରନ ଅଶ୍ୱିନଙ୍କୁ ଖେଳିବାକୁ ସୁଯୋଗ ମିଳିଥିଲା । ସେ ଉଭୟ ମୋହାଲି ଓ ଇନ୍ଦୋରରେ ୩ ୱିକେଟ୍‌ ନେଇ ଭାରତୀୟ ଦଳର ବିଜୟରେ ପ୍ରମୁଖ ଭୂମିକା ନିଭାଇଥିଲେ ।

BCCI ଏସିଆ କପ ବେଳେ ବିଶ୍ୱକପ ପାଇଁ ସ୍କ୍ୱାଡ ଘୋଷଣା କରିଥିଲେ। ଘୋଷଣା ହୋଇଥିବା ୧୫ ଜଣିଆ ସ୍କ୍ୱାଡରେ ଅଶ୍ୱିନ ନଥିଲେ। ଅକ୍ଷର ବାଂଲାଦେଶ ବିପକ୍ଷ ଏସିଆ କପ ମ୍ୟାଚ୍‌ରେ ଆହତ ହେବାରୁ ଟିମ ଇଣ୍ଡିଆର ଚିନ୍ତା ବଢ଼ିଯାଇଥିଲା।

R Ashwin replaces injured Axar Patel in the 15-member squad.

We wish Axar a speedy recovery 👍 👍#TeamIndia's final squad for the ICC Men's Cricket World Cup 2023 is here 🙌#CWC23pic.twitter.com/aejYhJJQrT

— BCCI (@BCCI) September 28, 2023

ପ୍ରକାଶ ଥାଉ କି ନିକଟରେ ଅଷ୍ଟ୍ରେଲିଆ ବିପକ୍ଷ ଦିନିକିଆ ସିରିଜରେ ଅଶ୍ୱିନଙ୍କୁ ସାମିଲ କରାଯାଇଥିଲା। ସେ ୨ଟି ମ୍ୟାଚ୍‌ ଖେଳି ୪ ୱିକେଟ ନେଇଥିଲେ। ଏହି ପ୍ରଦର୍ଶନ ପରେ ତାଙ୍କୁ ବିଶ୍ୱକପରେ ସାମିଲ କରାଯାଇଛି । ଅଶ୍ୱିନ କୁଲଦୀପ ଯାଦବ ଓ ରବୀନ୍ଦ୍ର ଜାଡେଜାଙ୍କ ସହ ମିଶି ବିଶ୍ୱକପରେ ଟିମ ଇଣ୍ଡିଆର ସ୍ପିନ ବୋଲିଂ ଭାର ସମ୍ଭାଳିବେ ।

ଅଶ୍ୱିନ ୨୦୧୧ ଓ ୨୦୧୫ ଦିନିକିଆ ବିଶ୍ୱକପ ଖେଳି ସାରିଛନ୍ତି । ସେ ବ୍ୟକ୍ତିଗତ ଭାବେ ତୃତୀୟ ବିଶ୍ୱକପ ଖେଳିବାକୁ ଯାଉଛନ୍ତି।

ଭାରତର ବିଶ୍ୱକପ ସ୍କ୍ୱାଡ:-

ରୋହିତ ଶର୍ମା (ଅଧିନାୟକ), ହାର୍ଦ୍ଦିକ ପାଣ୍ଡ୍ୟା (ଉପଅଧିନାୟକ), ବିରାଟ କୋହଲି, ଶୁବମନ ଗିଲ୍‌, ଈଶାନ କିଶନ, ଶ୍ରେୟସ ଆୟର, ରବିଚନ୍ଦ୍ରନ ଅଶ୍ୱିନ, ଯଶପ୍ରୀତ ବୁମ୍ରା, ରବୀନ୍ଦ୍ର ଜାଡେଜା, ଶାର୍ଦ୍ଦୁଲ ଠାକୁର, କେଏଲ୍‌ ରାହୁଲ, କୁଲଦୀପ ଯାଦବ, ମହମ୍ମଦ ସାମି, ମହମ୍ମଦ ସିରାଜ ଓ ସୂର୍ଯ୍ୟକୁମାର ଯାଦବ।