LIVE TV
ଇତିହାସ ରଚିଲେ ଯୁବ ସୁଟର ମନୁ ଭାକର । ଗୋଟିଏ ଅଲମ୍ପିକ୍ସ ସଂସ୍କରଣରେ ଏକରୁ ଅଧିକ ମେଡାଲ ଜିତି ରେକର୍ଡ କରିଛନ୍ତି ୨୨ ବର୍ଷିୟା ମନୁ । ଭାରତର ଅଲମ୍ପିକ୍ସ ଯାତ୍ରା ଇତିହାସରେ ସ୍ୱାଧୀନ ଭାରତର ପ୍ରଥମ ଆଥଲେଟ୍ ଭାବେ ଏହି ସଫଳତା ନିଜ ନାମରେ କରିଛନ୍ତି ସୁଟର ମନୁ । ୧୦ ମିଟର ଏୟାର ପିସ୍ତଲ ମିକ୍ସଡ ଟିମ ଇଭେଣ୍ଟରେ ସରବଜୋତ ସିଂଙ୍କ ସହ ବ୍ରୋଞ୍ଜ୍ ମେଡାଲ୍ ଜିତିଛନ୍ତି ମନୁ ଭାକର । ଫଳରେ ଚଳିତ ପ୍ୟାରିସ ଅଲିମ୍ପିକ୍ସରେ ଭାରତର ମେଡାଲ ସଂଖ୍ୟା ୨କୁ ବୃଦ୍ଧି ପାଇଛି ।
ବ୍ରୋଞ୍ଜ ମେଡାଲ୍ ମ୍ୟାଚରେ କମାଲ କରିଥିଲେ ଭାରତୀୟ ଯୋଡ଼ି ମନୁ ଭାକର ଓ ସରବଜୋତ ସିଂ । ୧୬-୧୦ ପଏଣ୍ଟରେ କୋରିଆନ ଯୋଡ଼ିଙ୍କୁ ପରାସ୍ତ କରିବା ପରେ ଖୁସିରେ ଝୁମିଥିଲେ ଭାରତୀୟ ଫ୍ୟାନ୍ସ । ପୂର୍ବରୁ ମନୁ ଭାକର ସମାନ ଭେନ୍ୟୁରେ ମହିଳା ୧୦ ମିଟର ଏୟାର ପିସ୍ତଲ ଇଭେଣ୍ଟରେ ବ୍ରୋଞ୍ଜ ମେଡାଲ ଜିତିସାରିଛନ୍ତି ।
ଅଧିକ ପଢନ୍ତୁ : ମନୁ ଷ୍ଟାର୍...ମୁଁ ବେକାର, ମୋର ଚାକିରି ନାହିଁ, ଏମିତି କହି ଭାବପ୍ରବଣ ହେଲେ କୋଚ୍
Also Read
ଟୋକିଓ ଅଲିମ୍ପିକ୍ସରେ ନୈରାଶାଜନକ ପ୍ରଦର୍ଶନକୁ ଭୁଲି ଏଥର ମନୁ ଡବଲ ମେଡାଲ ଜିତିବା ପରେ ତାଙ୍କ ନିକଟକୁ ସାରା ଦେଶରୁ ଶୁଭେଚ୍ଛାର ସୁଅ ଛୁଟିଛି । ପ୍ରଧାନମନ୍ତ୍ରୀ ମୋଦିଙ୍କ ଠାରୁ ଆରମ୍ଭ କରି କେନ୍ଦ୍ର କ୍ରୀଡା ମନ୍ତ୍ରୀ, ଅନ୍ୟ ବରିଷ୍ଠ ରାଜନେତା ଓ ବଲିଉଡ୍ ଷ୍ଟାର, ମନୁଙ୍କ ଐତିହାସିକ ପ୍ରଦର୍ଶନ ପାଇଁ ଶୁଭେଚ୍ଛା ଜଣାଇଛନ୍ତି ।
ଏହି ପ୍ରଦର୍ଶନ ସହିତ ପ୍ରିଚୟାର୍ଡଙ୍କ ରେକର୍ଡର ସମକକ୍ଷ ହୋଇଛନ୍ତି ସୁଟର ମନୁ ଭାକର । ପୂର୍ବରୁ ବର୍ଷ ୧୯୦୦ରେ ନରମନ ପ୍ରିଚୟାର୍ଡ ୨ଟି ମେଡାଲ ଜିତିଥିଲେ । ମନୁଙ୍କ ଠାରୁ ତୃତୀୟ ମେଡାଲ ଆଶା ମଧ୍ୟ ରହିଛି । ପ୍ରତିଯୋଗିତାର ୨୫ ମିଟର ପିସ୍ତଲ ଇଭେଣ୍ଟରେ ପୁଣି ଆକ୍ସନରେ ନଜର ଆସିବେ ମନୁ ଭାକର ।
