LIVE TV
କ୍ରିକେଟ୍ରୁ ଅବସର ନେଲେ ବିଶ୍ୱର ଜଣେ ସଫଳ ମହିଳା କ୍ରିକେଟର ତଥା ଡାହାଣହାତୀ ବ୍ୟାଟ୍ସମ୍ୟାନ୍ ମିତାଲି ରାଜ୍ । ଆନ୍ତର୍ଜାତୀୟ କ୍ରିକେଟ୍ର ସବୁ ଫର୍ମାଟ୍ରୁ ଅବସର ନେଇଛନ୍ତି ମିତାଲି ରାଜ। ପୂର୍ବରୁ ସେ ଟି-୨୦ ଫର୍ମାଟ୍ରୁ ଅବସର ନେଇସାରିଥିବା ବେଳେ ଆଜି ଦିନିକିଆରୁ ନେଇଛନ୍ତି ଅବସର । ଦୀର୍ଘ ୨୩ ବର୍ଷର କ୍ରିକେଟ କ୍ୟାରିଅରକୁ ଅଲବିଦା କରିଛନ୍ତି ମିତାଲି । କ୍ରିକେଟର ସମସ୍ତ ଫର୍ମାଟରୁ ସେ ଅବସର ଘୋଷଣା କରିଥିବା ସୂଚନା ଦେଇଛନ୍ତି । ଆଜି ଟ୍ୱିଟ୍ କରି ନିଜ ଅବସର ସମ୍ପର୍କରେ ସେ ଅବଗତ କରିଛନ୍ତି । ଭାରତୀୟ ମହିଳା କ୍ରିକେଟ ଦଳର ପୂର୍ବତନ କ୍ୟାପ୍ଟେନ୍ ଥିଲେ ମିତାଲି । ଏକାଧିକ ବିଶ୍ୱକପ୍ ସହ ଅନେକ ଟୁର୍ଣ୍ଣାମେଣ୍ଟରେ ଟିମ୍ର ନେତୃତ୍ୱ ନେଇଥିଲେ। ମିତାଲିଙ୍କ ନାଁରେ ରହିଛି ଏକାଧିକ ରେକର୍ଡ।
Also Read
୧୦ ହଜାରରୁ ଅଧିକ ରନ ସଂଗ୍ରହ କରିବାରେ ଅନ୍ତର୍ଜାତୀୟ ସ୍ତରରେ ତାଙ୍କର ରେକର୍ଡ ରହିଛି । ଏପରି ରେକର୍ଡ କରିବାରେ ସେ ଭାରତରେ ପ୍ରଥମ ଏବଂ ଅନ୍ତର୍ଜାତୀୟ ସ୍ତରରେ ଦ୍ୱିତୀୟ ମହିଳା କ୍ରିକେଟର । ICCI ମହିଳା କ୍ରିକେଟର ରାଙ୍କିଂରେ ୬୮୬ ପଏଣ୍ଟ ସହ ମିତାଲି ବିଶ୍ୱର ସପ୍ତମ ସ୍ଥାନରେ ରହିଛନ୍ତି । ଭାରତୀୟ ଏକଦିବସୀୟ ଅନ୍ତଜାତୀୟ ଟିମ୍ର ନେତୃତ୍ୱ ନେଉଥିବା ୩୯ ବର୍ଷୀୟ ମିତାଲିଙ୍କ ପୂର୍ବରୁ ଇଂଲଣ୍ଡର କାର୍ଲୋଟ୍ଟେ ଏଡୱାର୍ଡସ ପ୍ରଥମ ମହିଳା ଭାବେ ଅନ୍ତର୍ଜାତୀୟ କ୍ରିକେଟରେ ୧୦୮୬୮ ରନ୍ ସଂଗ୍ରହ କରିଛନ୍ତି ।
୧୯୮୨ ମସିହା ଡିସେମ୍ବର ୩ ତାରିଖରେ ରାଜସ୍ଥାନର ଜୋଧପୁରରେ ଜନ୍ମ ଗ୍ରହଣ କରିଥିବା ମିତାଲି ୧୯୯୯ ମସିହାରେ ଆୟର୍ଲ୍ୟାଣ୍ଡ ବିପକ୍ଷ ଦିନିକିଆ ମ୍ୟାଚ୍ରେ ଡେବ୍ୟୁ କରିଥିଲେ । ସେତେବେଳେ ତାଙ୍କୁ ମାତ୍ର ୧୬ ବର୍ଷ ବୟସ ହୋଇଥିଲା । କିନ୍ତୁ ଏହାଠାରୁ ବଡ଼ କଥା ହେଲା ୧୯୯୭ ମସିହା ମହିଳା କ୍ରିକେଟ ବିଶ୍ୱକପ୍ର ସମ୍ଭାବ୍ୟ ଦଳରେ ମିତାଲିଙ୍କ ନାଁ ସ୍ଥାନ ପାଇଥିଲା । ସେହି ସମୟରେ ତାଙ୍କୁ ମାତ୍ର ୧୪ ବର୍ଷ ହୋଇଥିଲା । ଅବଶ୍ୟ ଏହି ବିଶ୍ୱ କପ୍ରେ ତାଙ୍କୁ ଫାଇନାଲ ସ୍କ୍ୱାଡରେ ସ୍ଥାନ ମିଳିନଥିଲା । ୨୦୦୧-୦୨ ମସିହାରେ ସେ ଦକ୍ଷିଣ ଆଫ୍ରିକା ବିପକ୍ଷରେ ଟେଷ୍ଟ ଡେବ୍ୟୁ କରିଥିଲେ । ୨୩ ବର୍ଷର ଲମ୍ବା କ୍ରିକେଟ୍ କ୍ୟାରିୟରରେ ଟେଷ୍ଟରେ ମିତାଲାଙ୍କ ସବୁଠୁ ବେଷ୍ଟ ସ୍କୋର ହେଲା ୨୧୪ ରନ୍, ନଟଆଉଟ୍ ।
Cricket is a dream and when I started off my career I had no idea that women’s cricket existed but the only name ever told or heard was yours @M_Raj03 Di. You sewed the seed for all the young girls to take up this sport and dream big. Wish you the best in life. pic.twitter.com/pWZ9UHcKN3
— Harmanpreet Kaur (@ImHarmanpreet) June 8, 2022
ତେବେ ୨୦୧୯ ମସିହା ସେପ୍ଟେମ୍ବର ମାସରେ ମିତାଲି ଟି-ଟ୍ୱେଣ୍ଟି କ୍ରିକେଟ୍ରୁ ଅବସର ନେଇଥିଲେ । ଗୌହାଟୀରେ ଇଂଲଣ୍ଡ ବିପକ୍ଷରେ ମିତାଲି ଶେଷ ଟି-୨୦ ମ୍ୟାଚ୍ ଖେଳିଥିଲେ । ସେ ମହିଳା ଟି-୨୦ କ୍ରିକେଟରେ ଭାରତର ପ୍ରଥମ କ୍ୟାପଟେନ୍ । ୨୦୦୬ରେ ଡର୍ବି (ଇଂଲଣ୍ଡ ବିପକ୍ଷରେ)ରେ ପ୍ରଥମଥର ପାଇଁ ଭାରତର ନେତୃତ୍ୱ ନେଇଥିଲେ । ମିତାଲି ୮୯ ଟି-୨୦ ମ୍ୟାଚରେ ୧୭ ଅର୍ଦ୍ଧଶତକ ସହ ୨୩୬୪ ରନ୍ କରିଛନ୍ତି, ଯାହା ମହିଳା ଟି-୨୦ ଅନ୍ତର୍ଜାତୀୟ କ୍ରିକେଟରେ ଭାରତ ପକ୍ଷରୁ ସର୍ବାଧିକ ସ୍କୋର ।
Congratulations on a wonderful career @M_Raj03! Not only have you set remarkable records, you led by example each time you stepped on to the field. Countless youngsters around the world look up to you with inspiration and pride! Here’s wishing you good luck for the next innings! pic.twitter.com/6b6AsI4Ez2
— Yuvraj Singh (@YUVSTRONG12) June 8, 2022
