LIVE TV
ବିଶାଖାପାଟନମ୍ରେ ଭାରତ ବିପକ୍ଷ ଦ୍ୱିତୀୟ ଟେଷ୍ଟରେ ଇଂଲଣ୍ଡ (India vs England) ପରାଜୟ ଗ୍ରହଣ କରିଛି । ଦ୍ୱିତୀୟ ଟେଷ୍ଟ ମ୍ୟାଚ୍ରେ ଭାରତ ୧୦୬ ରନ୍ରେ ଇଂଲଣ୍ତକୁ ପରାସ୍ତ କରିଛି । ଯାହାଫଳରେ ସିରିଜ୍ ୧-୧ରେ ବରାବର୍ ରହିଛି । ଗୁଜୁରାଟର ସୌରାଷ୍ଟ୍ର କ୍ରିକେଟ୍ ଆସୋସିଏସନ୍ ଷ୍ଟାଡିୟମରେ ଭାରତ ଏବଂ ଇଂଲଣ୍ଡ ମଧ୍ୟରେ ତୃତୀୟ ଟେଷ୍ଟ ଖେଳାଯିବ । ତୃତୀୟ ଟେଷ୍ଟ ମ୍ୟାଚ୍ ୧୫ ଫେବୃଆରୀରୁ ଆରମ୍ଭ ହୋଇ ୧୯ ଫେବୃଆରୀ ପର୍ଯ୍ୟନ୍ତ ଚାଲିବ । ତେବେ ଏହା ପୂର୍ବରୁ ଟିମ୍ ଇଣ୍ତିଆକୁ ଲାଗିଛି ବଡ଼ ଝଟକା ! ଟିମ୍ ଇଣ୍ତିଆର ଷ୍ଟାର୍ ବୋଲର୍ ଜସ୍ପ୍ରୀତ ବୁମ୍ରା ତୃତୀୟ ଟେଷ୍ଟ ମ୍ୟାଚ୍ ଖେଳି ନପାରନ୍ତି !
ଏକ ରିପୋର୍ଟ ଅନୁଯାୟୀ ଜସ୍ପ୍ରୀତ୍ ବୁମ୍ରାଙ୍କୁ ତୃତୀୟ ଟେଷ୍ଟ ମ୍ୟାଚ୍ରେ ବିଶ୍ରାମ ମିଳିପାରେ । ଚୟନକର୍ତ୍ତା ଓ ଦଳ ପରିଚାଳନା ନିଷ୍ପତ୍ତି ନେଇଛନ୍ତି ଯେ ବୁମ୍ରାଙ୍କୁ ତୃତୀୟ ଟେଷ୍ଟ ମ୍ୟାଚ୍ରେ ବିଶ୍ରାମ ଦିଆଯାଉ । ତେବେ ଶେଷ ଦୁଇଟି ଟେଷ୍ଟ ମ୍ୟାଚ୍ ଉପରେ ବୁମ୍ରାଙ୍କ ଉପରେ ସମସ୍ତଙ୍କ ନଜର ରହିବ । ଯଦି ଏପରି ଘଟେ ତେବେ ମହମ୍ମଦ ସିରାଜ ଟିମ୍ରେ ସାମିଲ ହୋଇପାରନ୍ତି । କିନ୍ତୁ ସିରାଜ ଦ୍ୱିତୀୟ ଟେଷ୍ଟ ଖେଳି ନଥିଲେ।
Also Read
ଦ୍ୱିତୀୟ ଟେଷ୍ଟ ମ୍ୟାଚ୍ରେ ୯ଟି ୱିକେଟ୍ ନେଇଥିବା ଜସପ୍ରୀତ ବୁମ୍ରାଙ୍କୁ ‘ମ୍ୟାନ୍ ଅଫ୍ ଦି ମ୍ୟାଚ୍’ ଖେଳାଳି ଭାବେ ମନୋନୀତ କରାଯାଇଥିଲା । ଏମିତି ଏକ ସମୟରେ ବୁମ୍ରାଙ୍କ ଅନୁପସ୍ଥିତି ଟିମ୍ ଇଣ୍ତିଆକୁ ଭାରି ପଡ଼ିପାରେ । ବୁମ୍ରାଙ୍କ ଆଟାକିଂ ଅନ୍ଦାଜରେ ବୋଲିଂ ପାଇଁ ଟିମ୍ ଇଣ୍ତିଆ ଆଡ଼କୁ ଢଳିଥିଲା ମ୍ୟାଚ୍ । ଶେଷରେ ୧୦୬ ରନ୍ରେ ବିଜୟ ଲାଭ କରିଥିଲା ଟିମ୍ ଇଣ୍ତିଆ । ତେବେ ଦ୍ୱିତୀୟ ଟେଷ୍ଟ ମ୍ୟାଚରେ ବୁମ୍ରା ମୋଟ ୯୧ ରନ୍ ଦେଇ ୯ଟି ୱିକେଟ୍ ନେଇଥିଲେ । ପ୍ରଥମ ମ୍ୟାଚ୍ରେ ମଧ୍ୟ ବୁମ୍ରା ଚମତ୍କାର ବୋଲିଂ କରି ମୋଟ ୬ଟି ୱିକେଟ୍ ନେଇଥିଲେ ।
ତୃତୀୟ ଟେଷ୍ଟ ମ୍ୟାଚ୍ରେ ଭାରତର ସମ୍ଭାବ୍ୟ ଏକାଦଶ: ଯଶସ୍ୱୀ ଜୟସ୍ବାଲ , ରୋହିତ ଶର୍ମା (ଅଧିନାୟକ), ରଜତ ପାଟିଦାର / ବିରାଟ କୋହଲି, ଶ୍ରେୟସ୍ ଆୟର୍, କେ.ଏଲ୍ ରାହୁଲ (ୱିକେଟ୍ କିପର), ଶ୍ରୀକର ଭାରତ, ରବିନ୍ଦ୍ର ଜାଡେଜା, ରବିଚନ୍ଦ୍ରନ୍ ଅଶ୍ୱିନ୍, ଆକ୍ସର ପଟେଲ, ମୁକେଶ କୁମାର , ମହମ୍ମଦ ସିରାଜ ।
