ଏସିଆ କପ୍‌ରେ ଦମ୍ ଦେଖାଇଲେ ଓଡିଆ ଷ୍ଟାର, ସୁପର-୪ରେ ଭାରତର ଏଣ୍ଟ୍ରି

ଏସିଆ କପ ହକି ଟୁର୍ଣ୍ଣାମେଣ୍ଟରେ ଦମ୍ ଦେଖାଇଲେ ଓଡିଆ ଷ୍ଟାର । ମ୍ୟାଚ ଜିତି ସୁପର-୪ରେ ଭାରତ । ଓଡ଼ିଆ ତାରକା ବୀରେନ୍ଦ୍ର ଲାକ୍ରାଙ୍କ କ୍ୟାପଟେନ୍‌ସିପ୍‌ରେ ଭାରତ ଟୁର୍ଣ୍ଣାମେଣ୍ଟର ସୁପର-୪ରେ ପ୍ରବେଶ କରିଛି । ଆଜି ଥିବା କର ବା ମର ମ୍ୟାଚରେ ଟିମ୍ ଇଣ୍ଡିଆ ଆୟୋଜକ ଇଣ୍ଡୋନେସିଆକୁ ଏକତରଫା ଭାବେ ୧୬-୦ ଗୋଲରେ ପରାସ୍ତ କରିଛି ।

ସୁପର ୪ରେ ପ୍ରବେଶ କରିବା ପାଇଁ ଭାରତକୁ ଯେମିତି ହେଲେ ବି ଏହି ମ୍ୟାଚକୁ ୧୫ ଗୋଲ ବ୍ୟବଧାନରେ ଜିତିବାର ଥିଲା । ଭାରତର ଏହି ବିଜୟରେ ପ୍ରମୁଖ ଭୂମିକା ନେଇଥିଲେ ଅନ୍ୟତମ ଓଡିଆ ଖେଳାଳି ଦୀପସାନ ର୍ତିକୀ । ହ୍ୟାଟ୍ରିକ ସହ ସେ ଏକାକୀ ୫ଟି ଗୋଲ ସ୍କୋର କରି ଭାରତକୁ ନକ୍ ଆଉଟ୍ ପର୍ଯ୍ୟାୟରେ ପହଂଚାଇଛନ୍ତି । ଭାରତର ଏହି ବୃହତ ବିଜୟ ପରେ ପାକିସ୍ତାନ ଟପ୍ ୪ରୁ ବିଦା ହୋଇଛି । ପୁଲ ଏ’ରୁ ଭାରତ ଓ ଜାପାନ ଟପ୍ ୪କୁ ଯୋଗ୍ୟତା ଅର୍ଜନ କରିଥିବା ବେଳେ ପୁଲ ବି’ରୁ ମାଲେସିୟା ଓ ଦକ୍ଷିଣ ଆଫ୍ରିକା କ୍ୱାଲିଫାଏ କରିଛନ୍ତି ।