Asia Cup 2023: ୧୮ ଜଣିଆ ଦଳ ଘୋଷଣା, ଟିମ୍‌କୁ ଫେରିଲେ ରାହୁଲ ଓ ଶ୍ରେୟସ

ଏସିଆ କପ୍ ପାଇଁ ଭାରତୀୟ ଟିମ୍ ଘୋଷଣା ହୋଇଛି । ଏସିଆ କପ୍ ୨୦୨୩ ପାଇଁ ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡ (ବିସିସିଆଇ) ୧୮ ଜଣିଆ ଦଳ ଘୋଷଣା କରିଛି । ଅଜିତ ଅଗରକର ଦିଲ୍ଲୀରେ ଆଜି ଦଳର ଘୋଷଣା କରିଛନ୍ତି । ଦଳ ଘୋଷଣା ସମୟରେ ରୋହିତ ଶର୍ମା ମଧ୍ୟ ସେଠାରେ ଉପସ୍ଥିତ ରହିଥିଲେ । ରୋହିତ ଶର୍ମାଙ୍କ ନେତୃତ୍ୱରେ ମଇଦାନକୁ ଓହ୍ଲାଇବ ଟିମ୍ ଇଣ୍ତିଆ । ଅଗଷ୍ଟ ୩୦ରୁ ସେପ୍ଟେମ୍ବର ୧୭ ଯାଏଁ ଖେଳାଯିବ ଏସିଆ କପ୍ । ଟିମ୍‌କୁ କମ୍‌ବ୍ୟାକ୍‌ କରିଛନ୍ତି କେ.ଏଲ୍‌.ରାହୁଲ ଓ ଶ୍ରେୟସ ଆୟର ।

ଅଧିକ ପଢ଼ନ୍ତୁ: ଆନ୍ତର୍ଜାତିକ କ୍ରିକେଟ୍‌ରେ ବିରାଟ କୋହଲିଙ୍କ ୧୫ ବର୍ଷ ପୂର୍ତ୍ତି

ସେପଟେ ଷ୍ଟ୍ରାଇକର ତଥା ୟଙ୍ଗ ବ୍ରିଗେଡର ଦମଦାର ବ୍ୟାଟ୍ସମ୍ୟାନ ଶୁବମନ ଗିଲ୍‌ଙ୍କୁ ବି ଦଳରେ ସାମିଲ କରାଯାଇଛି । ଅନ୍ୟପଟେ ଦୀର୍ଘ ଦିନ ଧରି ଟିମରୁ ଦୂରରେ ଥିବା ଯଶପ୍ରୀତ ବୁମରା ଟିମକୁ ପ୍ରତ୍ୟାବର୍ତ୍ତନ କରିଛନ୍ତି । ଏସିଆ କପରେ ସେ ଟିମ ଇଣ୍ଡିଆର ବୋଲିଂ ଲାଇନକୁ ଲିଡ୍ କରିବେ । ସେହିପରି ନୂଆ ଖେଳାଳି ଭାବେ ତିଲକ ବର୍ମା ପ୍ରଥମ ଥର ଲାଗି ଏସିଆ କପ୍‌ ଖେଳିବେ । ୱେଷ୍ଟଇଣ୍ତିଜ ଓ ଆର୍ୟଲାଣ୍ତ ବିପକ୍ଷରେ ଚମତ୍କାର ପ୍ରଦର୍ଶନ ପରେ ତାଙ୍କୁ ବି ଦଳରେ ସାମିଲ କରାଯାଇଛି ।ସେପ୍ଟେମ୍ବର ୨ ରେ ଟିମ ଇଣ୍ଡିଆ ନିଜ ପ୍ରଥମ ମ୍ୟାଚ ପାରମ୍ପରିକ ପ୍ରତିଦ୍ୱନ୍ଦୀ ପାକିସ୍ତାନ ସହ ଖେଳିବ ।

ଟିମ୍‌ ଇଣ୍ତିଆ:

କେ.ଏଲ୍ ରାହୁଲ, ଶ୍ରେୟସ ଆୟାର, ତିଲକ ବର୍ମା ,ରୋହିତ ଶର୍ମା (ଅଧିନାୟକ), ଶୁବମନ୍ ଗିଲ୍ , ବିରାଟ କୋହଲି, କେ.ଏଲ୍ ରାହୁଲ, ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା, ଯଶପ୍ରୀତ ବୁମ୍ରା, ମହମ୍ମଦ ସାମି, ମହମ୍ମଦ ସିରାଜ, କୁଲଦୀପ ଯାଦବ, ଇଶାନ କିଶନ, ଅକ୍ଷର ପଟେଲ, ଶାର୍ଦ୍ଦୁଳ ଠାକୁର, ସୂର୍ଯ୍ୟକୁମାର ଯାଦବ, ପ୍ରସିଦ୍ଧ କ୍ରିଷ୍ଣା