LIVE TV
କ୍ରିକେଟ୍ର ବଡ଼ ମଞ୍ଚରେ ଯେବେ ଦୁଇ ପାରମ୍ପରିକ ପ୍ରତିଦ୍ୱନ୍ଦ୍ୱୀ ଭାରତ-ପାକିସ୍ତାନ ମୁହାଁମୁହିଁ ହୁଅନ୍ତି, ଫ୍ୟାନ୍ସଙ୍କ ମନରେ ଉତ୍ସାହର ସୁଅ ଛୁଟେ । ସେହି ରୋମାଞ୍ଚକ ମ୍ୟାଚ୍ର ପ୍ରତିଟି ମୁହୂର୍ତ୍ତକୁ ଉପଭୋଗ କରିବା ପାଇଁ ନିଜ ସିଟ୍ରୁ ଉଠନ୍ତିନି ଦର୍ଶକ । ତେବେ କିଛିବର୍ଷ ହେବ ଏହି ଦୁଇ ଦଳ କେବଳ ଆନ୍ତର୍ଜାତୀୟ ଟୁର୍ଣ୍ଣାମେଣ୍ଟରେ ସାମ୍ନାସାମ୍ନି ହେଉଛନ୍ତି । ଦୁଇ ଟିମ୍ ମଧ୍ୟରେ ବହୁବର୍ଷ ହେବ କୌଣସି ଦ୍ୱିପାକ୍ଷିକ ସିରିଜ୍ ଖେଳାଯାଇନାହିଁ । ତେବେ ଏହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ପାକିସ୍ତାନ ପୂର୍ବତନ କ୍ରିକେଟର୍ ସାହିଦ୍ ଆଫ୍ରିଦି ।
ଆଫ୍ରିଦିଙ୍କ କହିବାନୁଯାୟୀ ଦୁଇଦଳ ମଧ୍ୟରେ ଥିବା ତିକ୍ତତାକୁ ଦୂର କରି ପୁଣିଥରେ ମ୍ୟାଚ୍ ଖେଳିବାକୁ ଦିଅନ୍ତୁ । ଏନେଇ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଙ୍କୁ ଅନୁରୋଧ ମଧ୍ୟ କରିଛନ୍ତି । ଦୋହାରେ ଖେଳାଯାଉଥିବା ଲେଜେଣ୍ତ୍ସ କ୍ରିକେଟ୍ ଲିଗ୍ ବେଳେ ଆଫ୍ରିଦି ଏହି ମନ୍ତବ୍ୟ ଦେଇଛନ୍ତି । ସେ କହିଛନ୍ତି ଯେ, ‘ମୁଁ ମୋଦିଜୀଙ୍କୁ ଅନୁରୋଧ କରିବି ଯେ ଦୁଇ ଦେଶ ମଧ୍ୟରେ ପୁନର୍ବାର ମ୍ୟାଚ୍ ଆୟୋଜନ କରାଯାଉ’ ।
Also Read
ଅଧିକ ପଢ଼ନ୍ତୁ: ଜାପାନ ପ୍ରଧାନମନ୍ତ୍ରୀ ଫୁମିଓ କିଶିଦାଙ୍କ ସହ ଗୁପଚୁପ୍ ଖାଇଲେ ମୋଦି
ଭାରତ-ପାକିସ୍ତାନ ଶେଷଥର ଟି-ଟ୍ୱେଣ୍ଟି ବିଶ୍ୱକପ୍ରେ ମୁହାଁମୁହିଁ ହୋଇଥିଲେ । ଏହା ଏକ ରୋମାଞ୍ଚକ ମ୍ୟାଚ୍ ରହିଥିଲା । ବିରାଟ କୋହଲିଙ୍କ ଚମତ୍କାର ବ୍ୟାଟିଂ ବଳରେ ଟିମ୍ ମ୍ୟାଚ୍ ପାକିସ୍ତାନ ମୁହଁରୁ ଛଡ଼ାଇ ଆଣିଥିଲା । ତେବେ ଆଗକୁ ମଧ୍ୟ ଆଉ ଥରେ ଦୁଇ ପ୍ରତିଦ୍ୱନ୍ଦ୍ୱି ଚଳିତ ଏସିଆ କପ୍ରେ ମୁହାଁମୁହିଁ ହେବେ । କିନ୍ତୁ ଟୁର୍ଣ୍ଣାମେଣ୍ଟର ଭେନ୍ୟୁକୁ ନେଇ ଏବେ ବି ବିବାଦ ଲାଗି ରହିଛି ।
ଏସିଆ କପ୍ ନିଜ ମାଟିରେ ଆୟୋଜନ କରିବା ପାଇଁ ପାକିସ୍ତାନ ଅଣ୍ଟା ଭିଡ଼ିଥିବା ବେଳେ ଟିମ୍ ଇଣ୍ତିଆ ପାକିସ୍ତାନରେ କୌଣସି ମ୍ୟାଚ୍ ଖେଳିବ ନାହିଁ ବୋଲି ସିଧାସଳଖ ମନା କରିଦେଇଛି । ଏହି ପ୍ରସଙ୍ଗରେ ଆଫ୍ରିଦି କହିଛନ୍ତି ଯେ, 'BCCI ଭଳି ଶକ୍ତିଶାଳୀ ବୋର୍ଡ ଶତ୍ରୁତା ଉପରେ ନୁହଁ ବରଂ ବନ୍ଧୁତା ଉପରେ ଧ୍ୟାନ ଦେବା ଉଚିତ୍' । ତେବେ ଏହି ପ୍ରସଙ୍ଗରେ ଆଫ୍ରିଦିଙ୍କୁ ପ୍ରଶ୍ନ କରାଯାଇଥିଲା ଯେ, ପାକିସ୍ତାନ ବୋର୍ଡ କ’ଣ ଦୁର୍ବଳ? ଆଫ୍ରିଦି କହିଛନ୍ତି ଯେ ସେ ସେପରି ଭାବନ୍ତି ନାହିଁ।
