LIVE TV
ଦିନେ ତାଙ୍କୁ ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ବ୍ଲକ୍ କରିଥିଲେ । ଆଉ ପରେ ଦୁହେଁ ହୋଇଗଲେ ଘନିଷ୍ଠ ବନ୍ଧୁ । ଆମେ କହୁଛୁ ଟିମ୍ ଇଣ୍ଡିଆର ଷ୍ଟାର କ୍ରିକେଟର ବିରାଟ କୋହଲି ଓ ଅଷ୍ଟ୍ରେଲିଆ ଅଲରାଉଣ୍ଡର ଗ୍ଲେନ୍ ମ୍ୟାକ୍ସୱେଲଙ୍କ କଥା । ବିରାଟ କୋହଲି ତାଙ୍କ ସହ ଆରସିବିରେ ଖେଳୁଥିବା ଅଷ୍ଟ୍ରେଲିଆ ଷ୍ଟାର ଅଲରାଉଣ୍ଡର ଗ୍ଲେନ୍ ମ୍ୟାକ୍ସୱେଲଙ୍କୁ ଇନଷ୍ଟାଗ୍ରାମରେ ପ୍ରଥମେ ବ୍ଲକ୍ କରିଥିଲେ । କିନ୍ତୁ ପରେ ଉଭୟ ଘନିଷ୍ଠ ବନ୍ଧୁ ହୋଇଯାଇଥିଲେ । ତେବେ କୋହଲି, ମ୍ୟାକ୍ସୱେଲଙ୍କୁ କାହିଁକି ବ୍ଲକ୍ କରିଥିଲେ ଏବଂ ତା ପରେ ଉଭୟ କିପରି ଘନିଷ୍ଠ ବନ୍ଧୁ ହେଲେ ସେ ବିଷୟରେ କହିଛନ୍ତି ମ୍ୟାକ୍ସୱେଲ ।
Also Read
ବାସ୍ତବରେ, ୨୦୧୭ରେ ଭାରତ ବିପକ୍ଷ ଟେଷ୍ଟ ସିରିଜରେ ଅଷ୍ଟ୍ରେଲିଆର ଗ୍ଲେନ୍ ମ୍ୟାକ୍ସୱେଲ ବିରାଟ କୋହଲିଙ୍କୁ ନକଲ କରିଥିଲେ । ଏହି ସିରିଜ୍ରେ କୋହଲିଙ୍କ କାନ୍ଧରେ ଆଘାତ ଲାଗିଥିଲା । ଏହା ପରେ ମ୍ୟାକ୍ସୱେଲ କାନ୍ଧ ଧରି କୋହଲିଙ୍କୁ ନକଲ କରିଥିଲେ । ଏହା ପରେ ହିଁ କୋହଲି ଇନଷ୍ଟାଗ୍ରାମରେ ମ୍ୟାକ୍ସୱେଲଙ୍କୁ ବ୍ଲକ୍ କରିଥିଲେ ।
ଏକ ପଡ୍କାଷ୍ଟରେ ମ୍ୟାକ୍ସୱେଲ ଆଲୋଚନା କରି କହିଛନ୍ତି ଯେ, ଆରସିବି ଆସିବା ପରେ ସେ ଜାଣିବାକୁ ପାଇଥିଲେ ଯେ କୋହଲି ତାଙ୍କୁ ଇନଷ୍ଟାଗ୍ରାମରେ ବ୍ଲକ୍ କରିଛନ୍ତି । ମ୍ୟାକ୍ସୱେଲ ୨୦୨୧ରେ RCBରେ ଯୋଗ ଦେଇଥିଲେ । ବର୍ତ୍ତମାନ ସୁଦ୍ଧା କୋହଲି ଏବଂ ମ୍ୟାକ୍ସୱେଲ ଏକାଠି ଚାରୋଟି ଆଇପିଏଲ ସିଜିନ୍ ଖେଳିଛନ୍ତି ।
ମ୍ୟାକ୍ସୱେଲ ପଡ୍କାଷ୍ଟରେ କହିଛନ୍ତି, "ଯେତେବେଳେ ମୁଁ ଜାଣିଲି ଯେ ମୁଁ ଆରସିବି ଯାଉଛି, ବିରାଟ ହେଉଛନ୍ତି ପ୍ରଥମ ବ୍ୟକ୍ତି ଯିଏ ମୋତେ ମେସେଜ୍ ପଠାଇ ମୋତେ ସ୍ୱାଗତ କରିଥିଲେ । ଯେତେବେଳେ ମୁଁ ପ୍ରି-ଆଇପିଏଲ୍ ଟ୍ରେନିଂ କ୍ୟାମ୍ପ ପାଇଁ ଆସିଥିଲି, ଆମେ କିଛି ସମୟ ଆଲୋଚନା କରିଥିଲୁ ଏବଂ ଏକାଠି କିଛି ସମୟ ଟ୍ରେନିଂରେ ବିତାଇଥିଲୁ । ତା’ପରେ ମୁଁ ସୋସିଆଲ ମିଡିଆରେ ତାଙ୍କୁ ଫଲୋ କରିବାକୁ ଇଚ୍ଛା ପ୍ରକାଶ କରିଥିଲି । କିନ୍ତୁ ସେ ମୋତେ ଇନଷ୍ଟାଗ୍ରାମରେ ବ୍ଲକ୍ କରିଥିଲେ ।
ଏହାପରେ ମୁଁ କୋହଲିଙ୍କ ପାଖକୁ ଯାଇ ତାଙ୍କୁ ପଚାରିଲି ତୁମେ ମୋତେ ଇନଷ୍ଟାଗ୍ରାମରେ ବ୍ଲକ୍ କରିଛ କି ? କୋହଲି କହିଥିଲେ ହଁ । ୨୦୧୭ ଟେଷ୍ଟ ସିରିଜ୍ ସମୟରେ ଯେତେବେଳେ ତୁମେ ମୋର ପରିହାସ କରିଥିଲ, ସେତେବେଳେ ମୁଁ ତୁମକୁ ଇନଷ୍ଟାଗ୍ରାମରେ ବ୍ଲକ୍ କରିଥିଲି ବୋଲି ମ୍ୟାକ୍ସୱେଲଙ୍କୁ କୋହଲି କହିଥିଲେ । ତେବେ ପରବର୍ତ୍ତୀ ସମୟରେ କୋହଲି ଓ ମ୍ୟାକ୍ସୱେଲ ଘନିଷ୍ଠ ବନ୍ଧୁ ହୋଇଯାଇଥିଲେ ।
