ପ୍ରତିଯୋଗିତାକୁ ଯିବା ପୂର୍ବରୁ ଜାଭେଲିନ ହଜିଯିବା ଘଟଣାରେ ଏମିତି ପ୍ରତିକ୍ରିୟା ରଖିଲେ ଗୋଲ୍‌ଡେନ ବୟ ନୀରଜ

ଟୋକିଓ: ପୁଣି ଚର୍ଚ୍ଚାରେ ଗୋଲଡେନ୍ ବୟ ନୀରଜ ଚୋପ୍ରା  ଟୋକିଓ ଅଲିମ୍ପିକ୍ସରେ ତାଙ୍କ ଜାଭେଲିନକୁ ପାକିସ୍ତାନର ଆଥଲେଟ୍  ନେଇଯାଇଥିବା ଖବର ପ୍ରଚାର ପରେ ନିଜେ ସଫେଇ ଦେଇଛନ୍ତି  ପାକିସ୍ତାନ ଆଥଲେଟ। ନୀରଜଙ୍କ ଜାଭଲିନ ଅର୍ସଦ ନଦୀମ ନେଇଯାଇଥିବା ସଂପର୍କରେ ସୋସିଆଲ ମିଡିଆରେ ଭାଇରାଲ ପରେ ଏହାକୁ ଖଣ୍ଡନ କରିଛନ୍ତି ଟୋକିଓ ଅଲିମ୍ପିକ୍ସ ସ୍ୱର୍ଣ୍ଣ ବିଜେତା ନୀରଜ ଚୋପ୍ରା  । ସେ କହିଛନ୍ତି, ଏଭଳି ଜାଭେଲିନ୍ ନେବାରେ କିଛି ଅସୁବିଧା ନାହିଁ । ତେଣୁ ଏହାକୁ ନେଇ ବଡ଼ ଇସ୍ୟୁ  ନ କରିବାକୁ ନୀରଜ କହିଛନ୍ତି । ସମସ୍ତଙ୍କ ଜାଭେଲିନ୍ ଗୋଟିଏ ସ୍ଥାନରେ ରଖାଯାଇଥାଏ  ତେଣୁ ଯେ କେହି ବି ଯାହାର ଜାଭେଲିନ୍ ବ୍ୟବହାର କରିପାରିବ।

ସୂଚନାଥାଉ କି,  ଟୋକିଓ ଅଲିମ୍ପିକ୍ସର ଫାଇନାଲ ରାଉଣ୍ଡର ପ୍ରଥମ ଜାଭେଲିନ୍ ଥ୍ରୋ ବେଳେ ନୀରଜଙ୍କୁ ତାଙ୍କ ଜାଭେଲିନ ମିଳି ନଥିଲା । ଏନେଇ ସେ ଇତଃସ୍ତତଃ ଭାବେ ଖୋଜୁଥିବା ବେଳେ ପାକିସ୍ତାନର ଖେଳାଳି ଅର୍ସଦ ନଦୀମ ନେଇଥିବା ଦେଖିବାକୁ ପାଇଥିଲେ ॥ ଏହାପରେ ଅର୍ସଦ ଦୈାଡି ଦୈାଡି ଆସି ଜାଭେଲିନଟିକୁ ନୀରଜଙ୍କୁ ଫେରାଇ ଦେଇଥିଲେ । ସେହି ଜାଭେଲିନ୍‌ରେ ନୀରଜ ୮୭.୦୩ ମିଟର ଦୂରକୁ ଫିଙ୍ଗି ଭାରତ ପାଇଁ ସ୍ୱର୍ଣ୍ଣ ପଦକ ଜିତିଥିଲେ ।

Also Read

ଛତିଶଗଡ଼ରେ ନେତୃତ୍ୱ କନ୍ଦଳ : ଆଜି କଂଗ୍ରେସ ହାଇକମାଣ୍ଡଙ୍କୁ ଭେଟିବେ ମୁଖ୍ୟମନ୍ତ୍ରୀ ଭୂପେଶ ବଘେଲ୍

ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ୮୧୬ ନୂତନ ସଂକ୍ରମିତ ଚିହ୍ନଟ

ମହିଳାଙ୍କ ପାଇଁ ନିଯୁକ୍ତି ସୁଯୋଗ: ଖାଲି ପଡ଼ିଥିବା ୨୮୪୭ ପଦବୀ ପାଇଁ ଆବେଦନ ପତ୍ର ଆହ୍ୱାନ

ତେବେ ପାକିସ୍ତାନୀ ଆଥଲେଟ୍ ଅର୍ସଦ ତାଙ୍କ ଜାଭେଲିନରେ ଅଭ୍ୟାସ କରିବା କିଛି ଭୁଲ ନୁହେଁ ।  କିନ୍ତୁ ଏହାକୁ ଆଳ କରି ବଡ ପ୍ରସଙ୍ଗ କରା ନଯାଉ।କ୍ରୀଡା ସମସ୍ତଙ୍କୁ ମିଳିମିଶି ଚଳିବା ପାଇଁ ପ୍ରେରଣା ଦେଇଥାଏ ବୋଲି ନୀରଜ କହିଛନ୍ତି  ।  ଚଳିତ ଟୋକିଓ ଅଲିମ୍ପିକ୍ସରେ ଏକମାତ୍ର ଖେଳାଳି ଭାବେ ନୀରଜ ଚୋପ୍ରା ଭାରତ ପାଇଁ ସ୍ୱର୍ଣ୍ଣ ପଦକ ଜିତି ଇତିହାସ ସୃଷ୍ଟି କରିଛନ୍ତି ।

ସୂଚନାଥାଉ କି, ଏଥର ଟୋକିଓ ଅଲିମ୍ପିକ୍ସରେ ଇତିହାସ ସୃଷ୍ଟି କରିଥିଲେ ଆଥଲେଟ୍ ନୀରଜ ଚୋପ୍ରା । ଜାଭଲିନ୍ ଥ୍ରୋରେ ସ୍ୱର୍ଣ୍ଣ ପଦକ ଜିତି ଦେଶ ପାଇଁ ଇତିହାସ ରଚିଥିଲେ । ବ୍ୟକ୍ତିଗତ କ୍ରୀଡାରେ ସ୍ୱର୍ଣ୍ଣ ପଦକ ହାସଲ କରିବାରେ ସେ ଦ୍ୱିତୀୟ ଭାରତୀୟ ଏବଂ ଆଥଲେଟରେ ପ୍ରଥମ ଭାରତୀୟ ହେବାର ଗୌରବ ଅର୍ଜ୍ଜନ କରିଥିଲେ ନୀରଜ ।  ନୀରଜ ନିଜର ପ୍ରଥମ ଥ୍ରୋରେ ୮୭. ୦୩ ମିଟର, ଦ୍ୱିତୀୟ ଥ୍ରୋରେ ୮୭. ୫୮ ଯଏବଂ ତୃତୀୟ ଥର ସେ ୭୬. ୭୯ ମିଟର ଜାଭଲିନ ଫିଙ୍ଗି ବିଜୟ ହାସଲ କରିଥିଲେ ।

ତେବେ ସବୁଠାରୁ ରୋମାଞ୍ଚକର ବିଷୟ ହେଉଛି ନୀରଜ ପ୍ରତି ଥ୍ରୋରେ ସମସ୍ତ ଖେଳାଳିଙ୍କୁ ପଛରେ ପକାଇ ସବା ଆଗରେ ରହିଥିଲେ । ପ୍ରତି ଥର ପ୍ରଥମ ସ୍ଥାନରେ ରହି ସ୍ୱର୍ଣ୍ଣ ପଦକ ହାସଲ କରିଛନ୍ତି ନୀରଜ । ଭାରତୀୟ ସେନାର ରାଜପୁତନା ରାଇଫଲ୍ସରେ ସୁବେଦାର ଭାବେ କାର୍ଯ୍ୟ କରୁଥିବା ନୀରଜ ଅଲମ୍ପିକ୍ସରେ ସ୍ୱର୍ଣ୍ଣ ଜିତି ଦେଶ ପାଇଁ ଅସୁମାରୀ ଗୌରବ ଆଣିଛନ୍ତି ।