LIVE TV
ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୫ ପାଇଁ ରିଟେନ୍ସନ୍ ଲିଷ୍ଟ ପ୍ରକାଶ ପାଇଛି । ସମସ୍ତ ୧୦ଟି ଫ୍ରାଞ୍ଚାଇଜ୍ ରିଟେନ୍ କରିଥିବା ଖେଳାଳିଙ୍କ ନାଁ ପ୍ରକାଶ କରିଛନ୍ତି । ରିଟେନସନ୍ରେ ଚଳିତ ଥର ସବୁ ଫ୍ରାଞ୍ଚାଇଜ୍ଙ୍କୁ ୬ ଖେଳାଳି ରଖିବାର ବିକଳ୍ପ ଦିଆଯାଇଥିଲା । ଏଥିମଧ୍ୟରୁ ୫ ଜଣ କ୍ୟାପ୍ଡ୍ ଓ ଜଣେ ଅନ୍କ୍ୟାପ୍ଡ ଖେଳାଳିଙ୍କୁ ରଖିପାରିବେ । ଏହା ବ୍ୟତୀତ ଯେଉଁଦଳ ୬ରୁ କମ୍ ଖେଳାଳିଙ୍କୁ ରଖିଛନ୍ତି ସେମାନେ ମେଗା ଅକ୍ସନରେ ଆରଟିଏମ୍ ମାଧ୍ୟମରେ କିଛି ଖେଳାଳିଙ୍କୁ ଦଳରେ ସାମିଲ କରିପାରିବେ ।
Also Read
ତେବେ ଆଜି ପ୍ରକାଶ ପାଇଥିବା ରିଟେନ୍ ଲିଷ୍ଟରେ ସବୁଠୁ ବଡ଼ ଖବର କ୍ୟାପଟେନଙ୍କୁ ନେଇ ଆସିଛି । ଆଗାମୀ ଆଇପିଏଲ ସିଜିନ୍ ପାଇଁ ୪ ଫ୍ରାଞ୍ଚାଇଜ୍ ସେମାନଙ୍କ କ୍ୟାପଟେନ୍ଙ୍କୁ ରିଟେନ୍ କରିନାହିଁ । ଅର୍ଥାତ ଆଗାମୀ ସିଜିନ୍ରେ ସେହି ଫ୍ରାଞ୍ଚାଇଜ୍ ନୂଆ କ୍ୟାପଟେନଙ୍କ ନେତୃତ୍ୱରେ ପଡ଼ିଆକୁ ଓହ୍ଲାଇବ । ତେବେ ଏହି ୪ କ୍ୟାପଟେନ୍ ହେଉଛନ୍ତି ଦିଲ୍ଲୀ କ୍ୟାପିଟାଲ୍ସର ଋଷଭ ପନ୍ତ, କୋଲକାତା ନାଇଟ ରାଇଡର୍ସର ଶ୍ରେୟସ ଆୟର, ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋରର ଫାଫ୍ ଡୁପ୍ଲେସିସ୍ ଓ ଲକ୍ଷ୍ନୌ ସୁପର ଜିଆଣ୍ଟସ୍ର କେଏଲ ରାହୁଲ ।
ଦିଲ୍ଲୀ କ୍ୟାପିଟାଲ୍ସରେ ୯ ବର୍ଷ ରହିବା ପରେ ଏବେ ପନ୍ତଙ୍କୁ ଦିଲ୍ଲୀ ରିଟେନ୍ କରିନି । ପନ୍ତ ଗତ ସିଜିନ୍ରେ ଦିଲ୍ଲୀ ୧୩ଟି ମ୍ୟାଚ୍ ଖେଳିଥିବାବେଳେ ୧୫୫.୪୦ ଷ୍ଟ୍ରାଇକ୍ ରେଟ୍ରେ ୪୪୬ ରନ୍ କରିଥିଲେ । ସେହିପରି ଶ୍ରେୟସ ଆୟରଙ୍କ ଅଧିନାୟକତ୍ୱରେ କୋଲକାତା ୧୦ ବର୍ଷ ପରେ ଟ୍ରଫି ଜିତିଥିଲା । କିନ୍ତୁ ଆଗାମୀ ସିଜିନ୍ ପାଇଁ କୋଲକାତା ତାଙ୍କୁ ରିଟେନ୍ କରିନାହିଁ ।
ସେହିପରି ଲକ୍ଷ୍ନୌ ସୁପର ଜାଏଣ୍ଟସ୍ର ଅଧିନାୟକ ଥିବା କେଏଲ ରାହୁଲଙ୍କୁ ମଧ୍ୟ ଦଳ ରିଟେନ୍ କରିନି । ୩ଟି ସିଜିନ୍ ପାଇଁ ଲକ୍ଷ୍ନୌର ଅଧିନାୟକ ଥିଲେ ରାହୁଲ । ତାଙ୍କ ଅଧିନାୟକତ୍ୱରେ ଲକ୍ଷ୍ନୌ ଗତ ତିନୋଟି ସିଜିନ୍ରୁ ଦୁଇଟିରେ ପ୍ଲେ-ଅଫ୍କୁ ଯାଇଥିଲା । କିନ୍ତୁ ୨୦୨୪ ସିଜିନ୍ ରାହୁଲ ଓ ଲକ୍ଷ୍ନୌ ଉଭୟଙ୍କ ଭଲ ନଥିଲା । ଯେଉଁଥିପାଇଁ ରାହୁଲଙ୍କୁ ରିଟେନ୍ କରିନି LSG । ସେହିପରି ଆଉ ଜଣେ ଅଧିନାୟକ ହେଲେ ଫାଫ୍ ଡୁପ୍ଲେସିସ୍ । ୨୦୨୨ରୁ ଆରସିବିର ଅଧିନାୟକ ହୋଇଥିଲେ ଡୁପ୍ଲେସିସ୍ । ଡୁ ପ୍ଲେସିସ୍ଙ୍କ ଅଧିନାୟକତ୍ୱରେ ଦଳ ୨୦୨୨ ଓ ୨୦୨୪ରେ ପ୍ଲେ ଅଫରେ ପ୍ରବେଶ କରିଥିଲା । କିନ୍ତୁ ଟ୍ରଫି ଜିତିବାରେ ସଫଳ ହୋଇନଥିଲା । ତେବେ ଆଗମୀ ସିଜିନ୍ ପାଇଁ ଆରସିବି ତାଙ୍କୁ ମଧ୍ୟ ରିଟେନ୍ କରିନାହିଁ ।
କେଉଁ ଦଳ କାହାକୁ କରିଲେ ରିଟେନ୍
ଚେନ୍ନାଇ ସୁପର କିଙ୍ଗସ୍: ଋତୁରାଜ ଗାଏକ୍ୱାଡ୍, ମଥିଶା ପତରଣା, ଶିଭମ୍ ଦୁବେ, ରବିନ୍ଦ୍ର ଜାଡେଜା, ମହେନ୍ଦ୍ର ସିଂ ଧୋନି
ମୁମ୍ବାଇ ଇଣ୍ଡିଆନ୍ସ: ହାର୍ଦ୍ଦିକ ପାଣ୍ଡ୍ୟା, ଜଶପ୍ରୀତ ବୁମ୍ରା, ରୋହିତ ଶର୍ମା, ତିଲକ ବର୍ମା, ସୂର୍ଯ୍ୟ କୁମାର ଯାଦବ
ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର: ବିରାଟ କୋହଲି, ରଜତ ପଟିଦାର, ୟଶ ଦୟାଲ
କୋଲକାତା ନାଇଟ ରାଇଡର୍ସ: ରିଙ୍କୁ ସିଂ, ବରୁଣ ଚକ୍ରବର୍ତ୍ତୀ, ସୁନୀଲ ନାରାୟଣ, ଆନ୍ଦ୍ରେ ରସଲ, ହର୍ଷିତ ରାଣା, ରମନଦୀପ ସିଂ
ଦିଲ୍ଲୀ କ୍ୟାପିଟାଲ୍ସ: କୁଲଦୀପ ଯାଦବ, ଟ୍ରିଷ୍ଟନ୍ ଷ୍ଟବ୍ସ୍, ଅକ୍ଷର ପଟେଲ, ଅଭିଷେକ ପୋରେଲ
ପଞ୍ଜାବ କିଙ୍ଗ୍ସ: ଶଶାଙ୍କ ସିଂ, ପ୍ରଭସିରନ୍ ସିଂ
ଲକ୍ଷ୍ନୌ ସୁପର ଜିଆଣ୍ଟସ୍: ନିକୋଲାସ୍ ପୁରନ, ରବି ବିଷ୍ଣୋଇ, ମୟଙ୍କ ଯାଦବ, ମୋସିନ୍ ଖାନ୍, ଆୟୁଷ ବଦାନୀ
ଗୁଜରାଟ ଟାଇଟନ୍: ରସିଦ ଖାନ, ଶୁଭମନ ଗିଲ, ସାଇ ସୁଦର୍ଶନ, ରାହୁଲ ତେୱାଟିଆ, ଶାହରୁଖ ଖାନ
ରାଜସ୍ଥାନ ରୟାଲ୍ସ: ସଞ୍ଜୁ ସାମସନ୍, ୟଶ୍ୱସୀ ଜୟସଲ, ସିମରନ୍ ହେଟମାୟର, ରିଆନ ପରାଗ, ଧ୍ରୁବ ଜୁରେଲ, ସନ୍ଦୀପ ଶର୍ମା
ସନ୍ ରାଇଜର୍ସ ହାଇଦ୍ରାବାଦ: ପ୍ୟାଟ୍ କମିନ୍ସ, ଅଭିଶେକ ଶର୍ମା, ନୀତିଶ ରେଡ୍ଡୀ, ହେନରିକ୍ କ୍ଲାସେନ୍, ଟ୍ରାଭିସ୍ ହେଡ୍
ରିଟେନ୍ସନ୍ ପରେ କେଉଁ ଦଳ ପାଖରେ କେତେ ରହିଛି ଅର୍ଥ
ସନ୍ ରାଇଜର୍ସ ହାଇଦ୍ରାବାଦ: ୧୧୦.୫ କୋଟି
ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର: ୮୩ କୋଟି
ଦିଲ୍ଲୀ କ୍ୟାପିଟାଲ୍ସ: ୭୩ କୋଟି
ଲକ୍ଷ୍ନୌ ସୁପର ଜିଆଣ୍ଟସ୍: ୬୯ କୋଟି
ଗୁଜରାଟ ଟାଇଟନ୍: ୬୯ କୋଟି
ଚେନ୍ନାଇ ସୁପର କିଙ୍ଗସ୍: ୫୫ କୋଟି
କୋଲକାତା ନାଇଟ ରାଇଡର୍ସ: ୫୧ କୋଟି
ସନ୍ ରାଇଜର୍ସ ହାଇଦ୍ରାବାଦ: ୪୫ କୋଟି
ମୁମ୍ବାଇ ଇଣ୍ଡିଆନ୍ସ: ୪୫ କୋଟି
ରାଜସ୍ଥାନ ରୟାଲ୍ସ: ୪୧ କୋଟି
ଯଦି ଆମେ ଏଥର ସମସ୍ତ ଦଳର ପର୍ସ ବିଷୟରେ କଥା ହେବା, ତେବେ ସବୁ ଫ୍ରାଞ୍ଚାଇଜ୍ ପାଖରେ ଚଳିତ ଥର ୧୨୦ କୋଟି ଟଙ୍କା ଥିଲା । ତେବେ ରିଟେନ୍ସନ୍ରେ ଗୋଟିଏ ଦଳ ସର୍ବାଧିକ ୭୫ କୋଟି ଖର୍ଚ୍ଚ ପାରିବେ । ଏହା ପରେ, ଅବଶିଷ୍ଟ ଟଙ୍କା ସହିତ ଦଳ ମେଗା ଅକ୍ସନରେ ଖେଳାଳିଙ୍କ ନିଜ ଦଳରେ ସାମିଲ କରିପାରିବେ ।
