ଏସୀୟ କ୍ରୀଡ଼ାରେ ଆଜି ଭାରତକୁ ସୁନା ବର୍ଷା; ମିଳିଲା ୬ଟି ସ୍ୱର୍ଣ୍ଣ

ହାଙ୍ଗଝୌ ଏସିଆନ୍ ଗେମ୍ସରେ ଭାରତ ପାଇଁ ଆଜି ସୁନା ବର୍ଷା । ଆଜି ଗୋଟିଏ ଦିନରେ ୬ଟି ସ୍ୱର୍ଣ୍ଣ ପଦକ ପାଇଛି ଭାରତ । ଆର୍ଚେରୀ, କବାଡି, ବ୍ୟାଡମିଣ୍ଟନ ଓ କ୍ରିକେଟରେ ସ୍ୱର୍ଣ୍ଣ ପଦକ ଜିତିଛି ଭାରତ । ଆର୍ଚେରୀର କମ୍ପାଉଣ୍ଡ୍‌ ମହିଳା ବ୍ୟକ୍ତିଗତ ବର୍ଗରେ ଜ୍ୟୋତି ସୁରେଖା ସ୍ୱର୍ଣ୍ଣ ଜିତିଛନ୍ତି। ସେହିପରି କମ୍ପାଉଣ୍ଡ ପୁରୁଷ ବ୍ୟକ୍ତିଗତ ବର୍ଗରେ ଓଜାସ୍ ପ୍ରବୀଣଙ୍କୁ ସ୍ୱର୍ଣ୍ଣ ପଦକ ମିଳିଛି।

#ଆଜି_ସୁନା_ବର୍ଷା
-ଏସୀୟ କ୍ରୀଡ଼ାରେ ଆଜି ଭାରତକୁ ସୁନା ବର୍ଷା; ମିଳିଲା ୬ଟି ସ୍ୱର୍ଣ୍ଣ
-ଆର୍ଚେରୀ କମ୍ପାଉଣ୍ଡ୍‌ ମହିଳା ବ୍ୟକ୍ତିଗତ ବର୍ଗରେ ସ୍ୱର୍ଣ୍ଣ
-କମ୍ପାଉଣ୍ଡ୍‌ ମହିଳା ବ୍ୟକ୍ତିଗତ ବର୍ଗରେ ଜ୍ୟୋତି ସୁରେଖାଙ୍କୁ ସ୍ୱର୍ଣ୍ଣ
-କମ୍ପାଉଣ୍ଡ ପୁରୁଷ ବ୍ୟକ୍ତିଗତ ବର୍ଗରେ ଓଜାସ୍ ପ୍ରବୀଣଙ୍କୁ ସ୍ୱର୍ଣ୍ଣ#AsianGames#India#GoldMedalpic.twitter.com/KA4mDhKSMC

— ଓଟିଭି (@otvkhabar) October 7, 2023

ବ୍ୟାଡମିଣ୍ଟନ ପୁରୁଷ ଡବଲ୍ସରେ ମଧ୍ୟ ଭାରତ ଲାଗି ସ୍ୱର୍ଣ୍ଣ ପଦକ ଆଣିଛନ୍ତି ସ୍ୱାସ୍ଥିକ୍ ସାଇରାଜ୍ ଏବଂ ଚିରାଗ ସେଟ୍ଟୀ ଯୋଡ଼ି । ଫାଇନାଲରେ
ଦକ୍ଷିଣ କୋରିଆ ଯୋଡ଼ି ଚୋୟି ସୋଲଗାୟୁ ଓ କିମ୍ ଓନୋଙ୍କୁ ପରାସ୍ତ କରି ବାଜି ମାରିଛନ୍ତି ଭାରତୀୟ ଯୋଡ଼ି । ଅନ୍ୟପକ୍ଷରେ ଆଜି ମହିଳା ଓ ପୁରଷ କବାଡ଼ି ଟିମ୍ ଇଭେଣ୍ଟରେ ମଧ୍ୟ ଭାରତକୁ ସ୍ୱର୍ଣ୍ଣ ପଦକ ମିଳିଛି। ପୁରୁଷ ବର୍ଗ କବାଡ଼ି ଫାଇନାଲ ମ୍ୟାଚରେ ଇରାନକୁ ୩୩-୨୯ରେ ପରାସ୍ତ କରି ଭାରତ ସ୍ୱର୍ଣ୍ଣ ପଦକ ବିଜେତା ହୋଇଛି ।

ସେହିପରି ଏସୀୟ କ୍ରୀଡ଼ା ପୁରୁଷ କ୍ରିକେଟରେ ଭାରତକୁ ସ୍ୱର୍ଣ୍ଣ ପଦକ ମିଳିଛି । ଆଫଗାନିସ୍ତାନ ବିପକ୍ଷ ଫାଇନାଲ ମ୍ୟାଚ୍ ବର୍ଷା ଯୋଗୁଁ ଅଧାରୁ ବାତିଲ୍ ହେବା ପରେ ଭଲ ରାଙ୍କିଂ ଅନୁସାରେ ଭାରତକୁ ସ୍ୱର୍ଣ୍ଣ ପଦକ ବିଜେତା ଘୋଷଣା କରାଯାଇଥିଲା । ତେବେ ଆଜି ମୋଟ ୬ ସ୍ୱର୍ଣ୍ଣ ପଦକ ସହ ଭାରତ ମୋଟୋ ୨୭ଟି ସ୍ୱର୍ଣ୍ଣ ପଦକ ସହ ୩୫ ରୌପ୍ୟ, ୪୦ ବ୍ରୋଞ୍ଜ ପଦକ ନିଜ ନାମରେ କରିଛି।