LIVE TV
ଧୁରନ୍ଧର ଭାରତୀୟ କ୍ରିକେଟର ମହେନ୍ଦ୍ର ସିଂ ଧୋନି ରାଜନୀତିକୁ ଆସିବା ସମ୍ପର୍କରେ ଚିନ୍ତା କରିବା ଉଚିତ୍ । ଖେଳ ଜଗତରେ ତାଙ୍କର ନେତୃତ୍ୱ ନେବାର ଦକ୍ଷତା ଏ ଦେଶ ଦେଖିଛି । IPLରେ ଚେନ୍ନାଇ ଦଳ ସଫଳତା ପାଇବାପରେ ଏହାର ଶ୍ରେୟ ମହିନ୍ଦ୍ରା ସିଂ ଧୋନୀଙ୍କୁ ଦେବା ସହ ଉଚ୍ଚ ପ୍ରଶଂସା କରିଛନ୍ତି ବରିଷ୍ଠ ଶିଳ୍ପପତି ତଥା ମହିନ୍ଦ୍ରା ଗ୍ରୁପ୍ର ଚେୟାରମ୍ୟାନ୍ ଆନନ୍ଦ ମହିନ୍ଦ୍ରା ।
ସେ ଟ୍ୱିଟ୍କରି ଲେଖିଛନ୍ତି, ଧୋନି IPLରେ ଆଉ ଗୋଟିଏ ବର୍ଷ ରହିବେ ବୋଲି ଜାଣିବା ପରେ ଅନ୍ୟ ସମସ୍ତଙ୍କ ପରି ମୁଁ ମଧ୍ୟ ଖୁବ୍ ଖୁସି ଓ ଆଶାବାଦୀ । କିନ୍ତୁ ସେ ଏ କ୍ଷେତ୍ରରେ ବେଶିଦିନ ନରହି ରାଜନୀତିକୁ ଆସିବା କଥା ଚିନ୍ତା କରିବା ଉଚିତ୍ ବୋଲି ମହିନ୍ଦ୍ରା ଗ୍ରୁପ୍ର ଚେୟାରମ୍ୟାନ୍ ଆନନ୍ଦ ମହିନ୍ଦ୍ରା ତାଙ୍କ ଟ୍ୱିଟ୍ରେ ଲେଖିଛନ୍ତି ।
Also Read
ଅଧିକ ପଢ଼ନ୍ତୁ: ଆଇପିଏଲ୍ ଟାଇଟଲ ବିଜୟ ପରେ କାନ୍ଦି ପକାଇଲେ ଧୋନି
ଖାଲି ସେତିକି ନୁହେଁ, ଆନନ୍ଦ ଆହୁରି ମଧ୍ୟ ତାଙ୍କ ଟ୍ୱିଟ୍ରେ କିଛି ଲେଖିଥିବା ଦେଖିବାକୁ ମିଳିଛି । ସେ ତାଙ୍କର କିଛି ପୁରୁଣା କଥାକୁ ମନେପକାଇଛନ୍ତି । ସେ ଲେଖିଛନ୍ତି ପୂର୍ବତନ ସାଂସଦ ତଥା ବିଜେପି ରାଷ୍ଟ୍ରୀୟ ଉପାଧ୍ୟକ୍ଷଙ୍କ ଦ୍ୱାରା NCCର ଏକ କାର୍ଯ୍ୟକ୍ରମ କରାଯାଇଥିଲା । ସେଠାରେ ମୁଁ ଅଂଶଗ୍ରହଣ କରିଥିଲି । ମୁଁ ତାଙ୍କ ସହିତ ପରିଚାଳିତ NCC ସମୀକ୍ଷା ପ୍ୟାନେଲରେ କାମ କରିଛି ।
ସେଠାରେ ଧୋନିଙ୍କ କାର୍ଯ୍ୟକୁ ମୁଁ ଦେଖିଛି । ସେ ଅଭିନବ ଉପାୟରେ ସବୁ କିଛି କରିପାରିବେ । ଧୋନି ସ୍ପଷ୍ଟ ଭବିଷ୍ୟତ ନେତା ବୋଲି ଆନନ୍ଦ ମହିନ୍ଦ୍ରା ତାଙ୍କ ଟ୍ୱିଟରରେ Firstpost Sportsର ଏକ ଟ୍ୱିଟ୍କୁ ସେୟାର କରି ଏପରି ଲେଖିଛନ୍ତି ।
Like most people, I was pleased to hear that #MSDhoni might stay on for another year in the #IPL. But I would not hope for longer, since I believe he needs to consider rhe political arena. I worked with him on the NCC review panel chaired by @PandaJay & saw that his intellectual… https://t.co/4uuhWIGFAt
— anand mahindra (@anandmahindra) May 30, 2023
