LIVE TV
ରାଜରାସ୍ତାରେ ଲୁଟ୍ର ଦୃଶ୍ୟ ଅନେକ ସମୟରେ ଭାଇରାଲ ହୋଇଥାଏ । କେତେବେଳେ ଲୁଟେରାମାନେ ସାଧାରଣ ଲୋକଙ୍କ ଠାରୁ ଲକ୍ଷ ଲକ୍ଷ ଟଙ୍କା ଲୁଟ୍ କରିଥାଆନ୍ତି ତ ପୁଣି କେତେବେଳେ ମହିଳାମାନଙ୍କ ବେକରୁ ସୁନାଚେନ୍ ଝାମ୍ପି ନିଅନ୍ତି ଲୁଟେରା । ଅତୀତରେ ଏପରି ଅନେକ ଭିଡିଓ ସାମନାକୁ ଆସିଛି । ଏହିପରି କିଛି ଅପରାଧୀକ ଘଟଣାକୁ ନେଇ ଗଣମାଧ୍ୟମରେ ଖବର ପ୍ରସାରଣ ହେବା ସହ ପୋଲିସ ତଦନ୍ତ କରି ଅପରାଧୀଙ୍କୁ ଗିରଫ କରିଛି ।
ବର୍ତ୍ତମାନ ସେହିପରି ଏକ ଭିଡିଓ ଭାଇରାଲ ହେଉଛି । ଭିଡିଓରେ ଜଣେ ଲୁଟେରା ବାଇକ୍ରେ ଆସି ରାସ୍ତାରେ ଯାଉଥିବା ଜଣେ ବୃଦ୍ଧାଙ୍କ ବେକରୁ ସୁନାଚେନ୍ ଲୁଟ୍ କରିଥିବା ଦେଖିବାକୁ ମିଳୁଛି । ସେହି ସମୟରେ ବୃଦ୍ଧାଙ୍କ ୧୦ ବର୍ଷର ନାତୁଣୀ ଲୁଟେରାଙ୍କୁ ମାଡ଼ ମାରିବା ସହ କାବୁ କରିବାକୁ ଚେଷ୍ଟା କରୁଛନ୍ତି । ଶେଷରେ ଜେଜେ ମା’ଙ୍କୁ ରକ୍ଷା କରିବା ସହ ଲୁଟେରାକୁ ତାର ଯୋଜନାରେ ବିଫଳ କରିବାରେ ସକ୍ଷମ ହେଉଛି ନାତୁଣୀ ।
ଲୁଟ୍ ଘଟଣାର ସମ୍ପୂର୍ଣ୍ଣ ଭିଡିଓ ନିକଟରେ ଥିବା ଏକ ସିସିଟିଭିରେ କଏଦ ହୋଇଥିବା ବେଳେ ବର୍ତ୍ତମାନ ଭିଡିଓଟି ଖୁବ୍ ଭାଇରାଲ ହେବାର ଲାଗିଛି । ଯାହାକୁ ଏକ ଲକ୍ଷରୁ ଅଧିକ ଦର୍ଶକ ଦେଖିସାରିଛନ୍ତି । ପାଖାପାଖି ୨ହଜାର ଲୋକ ଏହାକୁ ଲାଇକ୍ କରିବା ସହ କିଛି ଦର୍ଶକ ନିଜର ମତାମତ ଦେଇଥିବା ଦେଖିବାକୁ ମିଳିଛି । ANI ପକ୍ଷରୁ ଭିଡିଓଟିକୁ ଟ୍ୱିଟ୍ କରାଯାଇଛି ।
Also Read
ANIର ସୂଚନା ଅନୁସାରେ ଏପରି ଏକ ଘଟଣା ମହାରାଷ୍ଟ୍ରର ପୁନେ ସହରରେ ଘଟିଛି । ରାସ୍ତାରେ ଯାଉଥିବାବେଳେ ଲୁଟେରା ଜଣକ ବୃଦ୍ଧାଙ୍କ ନିକଟରୁ ସୁନାଚେନ୍ ଲୁଟ୍ କରିବାକୁ ଉଦ୍ୟମ କରିଥିଲା । ହେଲେ ୧୦ ବର୍ଷୀୟ ନାବାଳିକା ନାତୁଣୀର ସହାସ ଯୋଗୁଁ ଲୁଟେରାଠୁ ଅଳ୍ପକେ ବର୍ତ୍ତିଯାଛନ୍ତି ବୃଦ୍ଧା ଜେଜେ ମା’ ।
ଘଟଣାକୁ ନେଇ ଥାନାରେ ଅଭିଯୋଗ ହେବା ପରେ ପୋଲିସ ସିସିଟିଭି ଫୁଟେଜ୍ ଆଧାରରେ ତଦନ୍ତ ଆରମ୍ଭ କରିଛି । ନାବାଳିକା ନାତୁଣୀର ସାହସକୁ ସବୁଠି ପ୍ରଶଂସା କରାଯାଇଛି ।
#WATCH | A 10-year-old girl foiled an attempt by a chain snatcher to snatch her grandmother's chain in Maharashtra's Pune City
— ANI (@ANI) March 10, 2023
The incident took place on February 25 & an FIR was registered yesterday after the video of the incident went viral.
(CCTV visuals confirmed by police) pic.twitter.com/LnTur7pTeU
