LIVE TV
ହୋଟେଲ ଭିତରେ ପଶିଲା ବାଘ । ଭୟରେ ଚିତ୍କାର କଲେ ଅତିଥି । ଏଭଳି ଏକ ଘଟଣା ରାଜସ୍ଥାନର ଜୟପୁର ସହରରେ ଦେଖିବାକୁ ମିଳିଛି । ଗୁରୁବାର ଜୟପୁରର ଏକ ହୋଟେଲ ରୁମ୍ ଭିତରକୁ କଲରାପତରିଆ ବାଘ ପଶି ଆସିଥିଲା । ଯାହାର ଭିଡିଓ ଖୁବ୍ ଭାଇରାଲ ହେଉଛି ।
Also Read
ଭିଡିଓକୁ ଦେଖିଲେ ଆପଣଙ୍କୁ ଯେତିକି ଭୟ ଲାଗିବ, ସେତିକି କୌତୁକିଆ ମଧ୍ୟ ଅନୁଭବ ହେବ । କାରଣ ଭିଡିଓରେ ବାଘଟି ବିଲେଇ ଭଳି ଆଖି ପିଛୁଳାକେ ଏପଟୁ ସେପଟକୁ ଦୌଡ଼ି ଯାଉଛି । ଆଉ ଟେବୁଲ ଉପରେ ବସୁଛି । ତାପରେ ପୁଣି ଝରକା ପାଖକୁ ଆସୁଛି । ଭିଡିଓଟି ଖୁବ୍ ମଜାଦାର ଲାଗୁଛି । ଥରେ ଦେଖିବେ ନିଶ୍ଚୟ । ଅନ୍ୟପଟେ ଏହି ବାଘ ହାବୁଡ଼ରେ ଯିଏ ପଡ଼ିଛି ସିଏ ଜାଣିଛି କେମିତି ଥିଲା ତାର ପରିସ୍ଥିତି ।
ହୋଟେଲରେ ବାଘ ପଶିବା ଫଳରେ ସମସ୍ତେ ଭୟଭୀତ ହୋଇଥିଲେ । ତୁରନ୍ତ ବନ ବିଭାଗକୁ ଖବର ଦିଆଯାଇଥିଲା । ଖବର ପାଇ ବନ ବିଭାଗ ଓ ସ୍ଥାନୀୟ ଚିଡ଼ିଆ ଖାନାର କର୍ମଚାରୀ ଆସି କଲରାପତରିଆ ବାଘକୁ ଟ୍ରାଙ୍କୁଲାଇଜର ମାରି ବେହୋସ୍ କରିଥିଲେ । ତାପରେ ସୁରକ୍ଷିତ ଭାବେ ସେଠାରୁ ଉଦ୍ଧାର କରିଥିଲେ । ବାଘଟି ରୁମ୍ରେ ପଶି ଅନେକ ଜିନିଷ ପତ୍ର ଭାଙ୍ଗି ନଷ୍ଟ କରିଦେଇଛି ।
ମିଳିଥିବା ସୂଚନା ଅନୁଯାୟୀ, ଗୁରୁବାର ସକାଳ ୯.୪୦ରେ ଜଙ୍ଗଲି ବାଘଟି ହୋଟେଲ ଭିତରେ ପଶିଥିଲା । ହୋଟେଲ କର୍ମଚାରୀମାନେ ସେହି ରୁମ୍ରେ ରହୁଥିବା ପର୍ଯ୍ୟଟକ ବା ଅତିଥିଙ୍କୁ ସେଠାରୁ ସୁରକ୍ଷିତ କାଢ଼ି ଆଣିଥିଲେ । ତାପରେ ରୁମ୍ର କବାଟ୍ ବନ୍ଦ କରିଥିଲେ । ଅନ୍ୟପଟେ ବାଘ ଭୟରେ କିଛି ପର୍ଯ୍ୟଟକ ତୁରନ୍ତ ହୋଟେଲ ଖାଲି କରିଦେଇଥିଲେ ।
जयपुर से 20 किमी दूर कानोता क्षेत्र में एक होटल में कुछ देर के लिए घुसा तेंदुआ. वन विभाग की टीम मौके पर पहुची. pic.twitter.com/1iiaRgkJ9z
— Santosh kumar Pandey (@PandeyKumar313) January 18, 2024
