LIVE TV
ଆଜିକାଲି ସୋସିଆଲ୍ ମିଡିଆରେ ଭାଇରାଲ୍ ହେବା ପାଇଁ ଲୋକ କିଛି ବି କରିବାକୁ ପ୍ରସ୍ତୁତ। ରିଲ୍ସ ନିଶା ଏମିତି ଘାରିଛି ଯେ କିଛି କରିବା ପୂର୍ବରୁ ଥରେ ବି ଚିନ୍ତା କରୁନାହାନ୍ତି। ଅନେକ ସମୟରେ ଷ୍ଟଣ୍ଟ କରି ଜୀବନକୁ ବିପଦରେ ପକାଉଥିବା ବେଳେ ସର୍ବସାଧାରଣ ସ୍ଥାନରେ ପ୍ରାଙ୍କ କରି ଲୋକଙ୍କୁ ଭକୁଆ ବନାଉଛନ୍ତି। ଏପରି ପ୍ରାଙ୍କ କରି ଶେଷରେ ବନ୍ଧା ହୋଇଛନ୍ତି 'ରିଲ୍ସ ଷ୍ଟାର' ମୁକେଶ କୁମାର ।
ଉତ୍ତରପ୍ରଦେଶର କସଗଞ୍ଜ ଜିଲ୍ଲାର ଏକ ଭିଡିଓ ଏବେ ଭାଇରାଲ୍ ହେବାରେ ଲାଗିଛି। ସୋସିଆଲ ମିଡିଆରେ ଭାଇରାଲ୍ ହେବା ପାଇଁ ନିଜକୁ ମୃତ ବୋଲି ଦର୍ଶାଇଥିଲେ ମୁକେଶ। କେବଳ ସେତିକି ନୁହେଁ, କସଗଞ୍ଜର ବ୍ୟସ୍ତବହୁଳ ରାସ୍ତାରେ ଶବ ପରି ପଡି ରହିଥିଲେ। ତାଙ୍କ ଶରୀର ଉପରେ ଏକ ଧଳା ଚାଦର ଆବୃତ ହୋଇଥିବା ବେଳେ ନାକରେ ତୁଳା ଭର୍ତ୍ତି କରାଯାଇଥିଲା । ବେକରେ ଫୁଲହାର ବି ପଡିଥିଲା। ଯାହାକୁ ଦେଖି ଲୋକେ ମୁକେଶଙ୍କୁ ମୃତ ବୋଲି ଧରି ନେଇଥିଲେ।
Also Read
ତେବେ ଭିଡିଓ ଶେଷ ହେବା ମାତ୍ରେ ସେ ହଠାତ୍ ଜୀବନ୍ତ ହୋଇ ଉଠିଲେ ଓ ଜୋରରେ ହସିବାକୁ ଲାଗିଲେ। ଏହାକୁ ଦେଖି ସେଠାରେ ରୁଣ୍ଡ ହୋଇଥିବା ଲୋକେ ଆଶ୍ଚର୍ଯ୍ୟ ହୋଇଉଠିଲେ। ଦର୍ଶକମାନେ ଅନୁଭବ କଲେ ଯେ ସେମାନଙ୍କୁ ମୁକେଶ ଠକୁଛନ୍ତି। ତେଣୁ ସେମାନେ ତୁରନ୍ତ ପୋଲିସକୁ ଏନେଇ ଜଣାଇଥିଲେ। ସର୍ବସାଧାରଣ ସ୍ଥାନରେ ବିଶୃଙ୍ଖଳା କରିବା ଅଭିଯୋଗରେ ସ୍ଥାନୀୟ ପୋଲିସ ତାଙ୍କୁ ଗିରଫ କରିଥିଲା। ସୋସିଆଲ୍ ମିଡିଆ Xରେ ସେୟାର କରାଯାଇଥିବା ଭିଡିଓ ଏବେ ଭାଇରାଲ୍ ହେବାରେ ଲାଗିଛି।
Ab bas yahi karna bacha tha reel ke liye. 🫡
— Akassh Ashok Gupta (@peepoye_) September 16, 2024
In #UttarPradesh's Kasganj district, a young man pretended to die by lying down in the middle of a busy intersection. The police have arrested the 'reel star' Mukesh Kumar. #instagramreel pic.twitter.com/jZIku5HPPG
ଅତିରିକ୍ତ ପୋଲିସ ଅଧୀକ୍ଷକ ରାଜେଶ ଭାରତୀଙ୍କ ଅନୁଯାୟୀ ଏହି ଘଟଣା ଉତ୍ତରପ୍ରଦେଶର କାସଗଞ୍ଜର ରାଜ କୋଲ୍ଡ ଷ୍ଟୋରେଜ୍ ଅଞ୍ଚଳରେ ଘଟିଛି। ଏକ ଭିଡିଓ ବିବୃତ୍ତିରେ ସେ କହିଛନ୍ତି, ଯୁବକ ଜଣକ ରାସ୍ତାରେ ଶୋଇ ଏକ ଭିଡିଓ ପ୍ରସ୍ତୁତ କରିଥିଲେ ଏବଂ ତାଙ୍କ ଭିଡିଓ ମାଧ୍ୟମରେ ଲୋକଙ୍କୁ ଚକିତ କରି ଦେଇଥିଲେ। ତାଙ୍କୁ ଗିରଫ କରାଯାଇଛି ଏବଂ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏହି ଭିଡିଓକୁ ସୋସିଆଲ ମିଡିଆ ବ୍ୟବହାରକାରୀ ସମାଲୋଚନା କରିଛନ୍ତି। ଭାଇରାଲ ହେବା ପାଇଁ ଏପରି କାର୍ଯ୍ୟକୁ ନେଇ କ୍ଷୋଭ ପ୍ରକାଶ କରିବା ସହ ଏହାକୁ ରିଲ୍ସ ମାନିଆ ବୋଲି କୁହାଯାଉଛି।
जनपद के थाना कासगंज स्थित राजकोल्ड चौराहे पर एक युवक द्वारा अपने को शव जैसा प्रदर्शित करते हुए रील शूट किये जाने के सम्बन्ध में श्री राजेश भारती, अपर पुलिस अधीक्षक कासगंज द्वारा दी गयी बाईट । pic.twitter.com/xowsDWmGcZ
— KASGANJ POLICE (@kasganjpolice) September 15, 2024
