Viral Video: ଗାଁ ଭିତରେ ବୁଲୁଛନ୍ତି ଗଣ୍ଡା ଗଣ୍ଡା ସିଂହ, ଦେଖନ୍ତୁ...

ରାତିରେ ଗାଁ ଭିତରେ ବୁଲୁଛି ସିଂହ । ଗୁଜରାଟ ଅମରେଲି ଜିଲ୍ଲା ଅନ୍ତର୍ଗତ ରାମପଡ଼ା ଗାଁର ଏଭଳି ଦୃଶ୍ୟ ଦେଖିବାକୁ ମିଳିଛି । ରାତିରେ ସାଧାରଣ ଲୋକଙ୍କ ଘର ନିକଟରେ ଆସି ବୁଲୁଛି ସିଂହ । ଘର ବାହାରେ ଲାଇଟ୍ ଲାଗିଛି ଆଉ ବାହାରେ ଦଳ ଦଳ ହୋଇ ସିଂହ ବୁଲୁଛନ୍ତି । ଅମରେଲି ଜିଲ୍ଲା ରାଜୁଲା ତହସିଲ ଅଂଚଳର ରାମପଡ଼ାରେ ଏହାକୁ ନେଇ ଭୟର ବାତାବରଣ ସୃଷ୍ଟି ହୋଇଛି ।

ଲୋକେ ଭୟରେ ଘର ବାହାରକୁ ବାହାରି ପାରିନଥିଲେ । କୋକୁଆ ଆତଙ୍କ ଦେଖାଦେଇଥିଲା । ଗାଁର ଜଣେ ବ୍ୟକ୍ତିଙ୍କ ଘରେ ଲାଗିଥିବା ସିସିଟିଭି କ୍ୟାମେରାରେ ସିଂହ ବୁଲୁଥିବାରୁ ଚିତ୍ର କଏଦ ହୋଇଥିଲା । ଗୋଟିଏ କି ଦୁଇଟି ନୁହେଁ ଦଳ ହୋଇ ୮ଟି ସିଂହ ଗାଁ ଭିତରକୁ ଚାଲି ଆସିଥିଲେ । ତେବେ କିଛି ସମୟ ପରେ ସମସ୍ତ ସିଂହ ଚାଲିଯାଉଥିବା ଦେଖିବାକୁ ମିଳିଥିଲା । ସୋସିଆଲ ମିଡିଆ ରେ ଏହି ଭିଡିଓ ଏବେ ଭାଇରାଲ ହେଉଛି । ଗୁଜରାଟର ଗିର ଅଂଚଳ ସିଂହ ଅଭୟାରଣ୍ୟ ହୋଇଥିବାବେଳେ ଅମରେଲି ଜିଲ୍ଲା ଗିର୍ ଅଂଚଳର ପଡୋଶୀ ଜିଲ୍ଲା ରହିଛି ।