LIVE TV
ବର୍ତ୍ତମାନ ପର୍ଯ୍ୟନ୍ତ ସମସ୍ତେ ଜାଣିଥିଲେ ଯେ ମହିଳାଙ୍କ ହାଡ ପୁରୁଷଙ୍କ ଅପେକ୍ଷା କମଜୋର। ସେଗୁଡ଼ିକ ଛୋଟ ଆଉ ପତଳା ମଧ୍ୟ ହୋଇଥାଏ। କାରଣ ମହିଳାଙ୍କ ବୟସ ବଢିବା ସହିତ ଏଷ୍ଟ୍ରୋଜେନର ସ୍ତର କମିବା ଆରମ୍ଭ କରେ। ଏହା ଏକ ଅତ୍ୟାବଶ୍ୟକ ହରମୋନ୍ ଯାହା ହାଡକୁ ସୁରକ୍ଷା ଦେଇଥାଏ। କିନ୍ତୁ ଜଣେ ପ୍ରଫେସର ଏକ ଆଶ୍ଚର୍ଯ୍ୟଜନକ ଦାବି କରିଛନ୍ତି। ସେ କହିଛନ୍ତି ଯେ ମହିଳାଙ୍କ ହାଡ ପୁରୁଷଙ୍କ ତୁଳନାରେ ଦୁର୍ବଳ ନୁହେଁ। ଏହା ପଛରେ ସେ ଯୁକ୍ତି ମଧ୍ୟ ଦେଇଛନ୍ତି। ତେବେ ଏହି ଅଜବ ଦାବି ପାଇଁ ତାଙ୍କୁ ଟ୍ରୋଲ୍ କରାଯାଉଛି।
ପିଟ୍ସବର୍ଗ ବିଶ୍ୱବିଦ୍ୟାଳୟର ଆନ୍ଥ୍ରୋପୋଲୋଜିର ପ୍ରଫେସର ଗେବୀ ଇୟରଉଡ୍ ଏହା ଦାବି କରିଛନ୍ତି। ଯେତେବେଳେ ସେ ଏଭଳି କହିଥିଲେ ଉପସ୍ଥିତ ସମସ୍ତ ଛାତ୍ର ହସିଥିଲେ। କାରଣ ସେମାନେ ଜାଣିଥିଲେ ଯେ ଉଭୟଙ୍କ ହାଡ ମଧ୍ୟରେ ବହୁତ ପାର୍ଥକ୍ୟ ଅଛି। ଇୟରଉଡ୍ ଜଣେ ପ୍ରଖ୍ୟାତ ପ୍ରଫେସର ଏବଂ ସେ ଜାତିଭେଦ, ଲିଙ୍ଗଗତ ସମାନତା, ଲିଙ୍ଗ ଏବଂ କଳା ନାରୀବାଦ ଉପରେ ବ୍ୟାପକ ଗବେଷଣା କରିଛନ୍ତି। ତାଙ୍କର ପୁସ୍ତକଗୁଡ଼ିକ ସମଗ୍ର ବିଶ୍ୱରେ ପ୍ରସିଦ୍ଧ।
ଇୟରଉଡ୍ ପିଲାମାନଙ୍କୁ ପଚାରିଥିଲେ, ଯଦି ଆପଣମାନେ ୧୦୦ ବର୍ଷ ପୂର୍ବରୁ ଦୁଇ ଜଣ ମଣିଷର କବର ଖୋଳିବେ, ତେବେ ଆପଣ ହାଡ ମଧ୍ୟରେ ପାର୍ଥକ୍ୟ କହିପାରିବେ କି? ନା। କାରଣ ଏଥିରେ କୌଣସି ପାର୍ଥକ୍ୟ ନାହିଁ। ଏହା ପରେ ପିଲାମାନେ ହସିଥିଲେ। ଏହା ପରେ ଇୟରଉଡ୍ କହିଥିଲେ, ଆପଣଙ୍କ ମଧ୍ୟରୁ କେହି ଆନ୍ଥ୍ରୋପୋଲୋଜିକାଲ୍ ସାଇଟ୍କୁ ଯାଇଛନ୍ତି କି? କେହି ଜୈବିକ ଆନ୍ଥ୍ରୋପୋଲୋଜି ପଢିଛନ୍ତି କି? ମୁଁ କେବଳ ଏତିକି କହିବି ମୋ ପାଖରେ ୧୫୦ ବର୍ଷରୁ ଅଧିକ ତଥ୍ୟ ଅଛି। ଆପଣମାନେ ଏହା କାହିଁକି ବୁଝିପାରୁ ନାହାନ୍ତି?
Also Read
ଦ ଇଣ୍ଡିପେଣ୍ଡେଣ୍ଟ୍ ୱିମେନ୍ ପୋରମ୍ ଏହି ଭିଡିଓକୁ ଟ୍ୱିଟର ରେ ପୋଷ୍ଟ କରିଛି, ଯାହା ଦେଖୁ ଦେଖୁ ଭାଇରାଲ୍ ହେବାରେ ଲାଗିଛି। ଫୋରମ୍ ଲେଖିଛି, ଏହି ବାମପନ୍ଥୀ ବାସ୍ତବତାଠାରୁ କେତେ ଦୂରରେ। ସେ ମୂଳ ବୈଜ୍ଞାନିକ ତଥ୍ୟ ବିଷୟରେ ବି ଜାଣନ୍ତି ନାହିଁ। କିମ୍ବା ସେ ଏହାକୁ ଜାଣି ମଧ୍ୟ ଅସ୍ୱୀକାର କରୁଛନ୍ତି। ଏହି ଭିଡିଓକୁ ବର୍ତ୍ତମାନ ପର୍ଯ୍ୟନ୍ତ ୫.୧୬ ଲକ୍ଷରୁ ଅଧିକ ଥର ଦେଖାଯାଇଛି।
When @Riley_Gaines_ asked University of Pittsburgh professor Gabby Yearwood if an archeologist could differentiate between two sets of bones as male and female, Professor Yearwood. who calls himself the “expert in the room,” answers “no” to which the entire audience laughed. pic.twitter.com/Ecxs1NMDTr
— Independent Women's Forum (@IWF) March 30, 2023
ଭିଡିଓରେ ପ୍ରଫେସର ବାସ୍ତବତାକୁ ଅସ୍ୱୀକାର କରୁଥିବା ଦେଖିବାକୁ ମିଳିଛି। କାରଣ ସ୍ମିଥ୍ସୋନିୟନ୍ ଅନୁଷ୍ଠାନ ଅନୁଯାୟୀ ପୁରୁଷମାନଙ୍କ ଠାରେ ବଡ଼ ଏବଂ ଶକ୍ତିଶାଳୀ ହାଡ ଥାଏ। ସେମାନଙ୍କର ହାଡରେ ଏକ ଜଏଣ୍ଟ ସର୍ଫେସ୍ ଥାଏ। ମାଂସପେଶୀଗୁଡିକ ଖୁବ ଭଲ ଭାବରେ ବିକଶିତ ହୋଇଥାଏ ଏବଂ ମାଂସପେଶୀର ସଂଲଗ୍ନ ସ୍ଥାନରେ ହାଡର ଅଧିକ ବିକାଶ ହୋଇଥାଏ। ବିଜ୍ଞାନ ଏହାକୁ ଅନେକ ଥର ନିଶ୍ଚିତ କରିଛି।
