LIVE TV
‘କାନ ଧରୁଛି . . . ଆଜିଠାରୁ ଆଉ ମଦ ପିଇବି ନାହିଁ । ମୋତେ କ୍ଷମା କରିଦେ । ତୁ ଯାହା କହିବୁ ତାହା ହେବ । ଆଉ ତତେ କଷ୍ଟ ଦେବିନି । ତୁ କିଭଳି ଏତେ ବଡ଼ ନିଷ୍ପତ୍ତି ନେଲୁ, ଆଜି ତୋର କ’ଣ ହୋଇଯାଇଥିଲେ, ମୁଁ କିପରି ବଞ୍ଚି ଥାଆନ୍ତି ’ ଏହିଭଳି ଢଙ୍ଗରେ ସ୍ତ୍ରୀକୁ କ୍ଷମା ମାଗିଲେ ମଦ୍ୟପ ସ୍ୱାମୀ । ମୁଙ୍ଗେରର ସଦର ହସ୍ପିଟାଲରେ ଏଭଳି ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି ।
Also Read
'शराबी' का पत्नी से वादा! कान पकड़ मांगी माफी... मुंगेर के सफियाबाद का रहने वाला पप्पू चौधरी मजदूरी कर पैसे से शराब पी जाता है. पत्नी के साथ मारपीट भी करता है. अब पत्नी अस्पताल में भर्ती हुई तो कान पकड़ लिया... माफी मांग रहा कि अब कभी हाथ नहीं लगाएगा...Edited by @iajeetkumar pic.twitter.com/iFIA682hhZ
— Prakash Kumar (@kumarprakash4u) March 22, 2023
ହସ୍ପିଟାଲ୍ ବେଡ୍ରେ ସ୍ତ୍ରୀକୁ ମୃତ୍ୟୁ ସହ ସଂଘର୍ଷ କରୁଥିବା ଦେଖି ବ୍ୟକ୍ତି ଜଣକ ନିଜର ଭୁଲ୍ ବୁଝି ପାରିଛନ୍ତି । ସ୍ତ୍ରୀ ସାମ୍ନାରେ କାନ ଧରି ଶପଥ କରିଛନ୍ତି କି, ସେ ଆଉ ମଦ୍ୟପାନ କରିବେ ନାହିଁ । ଏହା ଦେଖି ମେଡିକାଲ କର୍ମଚାରୀଙ୍କ ସମେତ ରୋଗୀମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି । ରବିବାର ଦିନ ମଦ୍ୟପ ସ୍ୱାମୀଙ୍କ କୁଅଭ୍ୟାସ ପାଇଁ ଜଣେ ମହିଳା ବିଷ ପିଇଦେଇଥିଲେ । ତାଙ୍କୁ ଗୁରୁତର ଅବସ୍ଥାରେ ସଦର ଡାକ୍ତରଖାନାରେ ଭର୍ତ୍ତି କରାଯାଇଥିଲା ।
ଅଧିକ ପଢ଼ନ୍ତୁ: ନିଶା ମଣିଷର କି ଅବସ୍ଥା କରେ ! ମଦ ପିଇ ବିଲ୍ ବୋର୍ଡରେ ଚଢ଼ିଲେ, ଝୁଲି ପଡ଼ିଲେ..
ସୂଚନାଯୋଗ୍ୟ ପରହମ୍ ନିବାସୀ ବାସିନ୍ଦା ପପୁ ଚୌଧୁରୀ ଜଣେ ଶ୍ରମିକ ଭାବରେ କାର୍ଯ୍ୟ କରନ୍ତି । ସେ ସବୁଦିନ ମଦ ପିଇ ଘରକୁ ଆସିବା ସହ ସ୍ତ୍ରୀ ସହ ଝଗଡ଼ା କରୁଥିଲେ । ସ୍ୱାମୀର ଏପରି କୁଅଭ୍ୟାସରେ ଅତିଷ୍ଠ ହୋଇ ଶେଷରେ ୩୫ ବର୍ଷିୟ ରୀନା ଦେବୀ ରବିବାର ଅପରାହ୍ନରେ ଘର ପାଖ କ୍ଷେତରେ ବିଷ ପିଇଥିଲେ । କିଛି ଲୋକ ତାଙ୍କୁ ଚିକିତ୍ସା ପାଇଁ ସଦର ଡାକ୍ତରଖାନାରେ ଭର୍ତ୍ତି କରିଥିଲେ ।
ତେବେ ସ୍ତ୍ରୀର ଏପରି ଅବସ୍ଥା ଦେଖି ପପୁଙ୍କର ନିଶା ଛାଡ଼ିଗଲା । ନିଜ ଭୁଲ୍ ବୁଝି ପାରି ସେ ତୁରନ୍ତ ହସ୍ପିଟାଲରେ ପହଞ୍ଚିଥିଲେ । ସମସ୍ତଙ୍କ ସାମ୍ନାରେ କାନ ଧରି ଆଉ କେବେ ମଦ୍ୟପାନ କରିବି ନାହିଁ ବୋଲି ସ୍ତ୍ରୀକୁ କହିଥିଲେ । କ୍ୟାମେରା ସାମ୍ନାରେ ମଧ୍ୟ ପପୁ ମଦ ନିଇବା ପାଇଁ ଶପଥ କରିଛନ୍ତି।
