LIVE TV
ପ୍ରାୟ ସମସ୍ତେ ଚାହାନ୍ତି ନିଜର ବିବାହକୁ ସ୍ମରଣୀୟ କରିବାକୁ । ନିଜର ଜୀବନ ସାଥୀକୁ କିଛି ସ୍ୱତନ୍ତ୍ର ଉପହାର ଦେବାକୁ । ବିବାହ ଉତ୍ସବରେ ଭୋଜିଭାତ, ଅତିଥି ଚର୍ଚ୍ଚା ଓ ମଉଜ ମଜଲିସକୁ ବିଶେଷକରି ଧ୍ୟାନ ଦିଆଯାଇଥାଏ । ବଲିଉଡ୍ ହେଉ କି ଯେ କୌଣସି ଗୀତରେ ପ୍ରାୟ ସମସ୍ତେ ଡ୍ୟାନ୍ସ ମଧ୍ୟ କରିଥା’ନ୍ତି ।
କେହି କେହି କିଛି ଫିଲ୍ମର ଡାଏଲଗ୍ ଖୁବ୍ ସୁନ୍ଦର ଭାବେ ଉପସ୍ଥାପନା କରି ଅତିଥିଙ୍କ ଆକର୍ଷଣର କେନ୍ଦ୍ର ବିନ୍ଦୁ ପାଲଟିଥା’ନ୍ତି । ତେବେ ବର୍ତ୍ତମାନ ବିବାହ ଉତ୍ସବକୁ ନେଇ ଆସିଛି ଆଉ ଏକ ରୋଚକ ଖବର । ଯାହା ଜାଣିଲେ ଆପଣ ନିଶ୍ଚୟ ଆଶ୍ଚର୍ଯ୍ୟ ହୋଇଯିବେ ।
କାରଣ ନିଜର ବିବାହ ଉତ୍ସବରେ ବଲିଉଡ୍ର କିଙ୍ଗ୍ ଖାନଙ୍କ ଡାଏଲଗ୍ ମାରି ଜଣେ ବର ବିବାଦୀୟ ହେବା ସହ ଥାନାରେ ପହଞ୍ଚିଛନ୍ତି । ଖାଲି ବର ନୁହନ୍ତି ବରର ପରିବାରକୁ ମଧ୍ୟ ପୋଲିସ ଘଟଣାରେ ଥାନାକୁ ଡକାଇ ପଚରାଉଚରା କରୁଛି ।
Also Read
ସୂଚନା ମୁତାବକ ଏପରି ଏକ ଘଟଣା ଉତ୍ତର ପ୍ରଦେଶରେ ଘଟିଛି । ଗତ ରବିବାର ଦିନ ଶାହାରୁଖ୍ ଖାନ୍ଙ୍କ ଡାଏଲଗ୍ ‘ମରତେ ଦମ୍ ତକ୍ ଲେକର ଯାଉଙ୍ଗା ଦୁଲହନ୍, ଆସିକ୍ ହୁଁ ମେ’ କ୍ୱାତିଲ୍ ଭି ହୁଁ, ସବ୍ କେ ଦିଲ୍ ମେ ସାମିଲ୍ ଭି ହୁଁ’ କହି ବିବାଦରେ ଫଶିଛନ୍ତି ବର ।
୧୯୯୯ ମସିହାର କିଙ୍ଗ ଖାନ୍ଙ୍କ ଚଳଚ୍ଚିତ୍ର ‘ବାଦଶାହ’ର ଏହି ଡାଏଲକୁ ନେଇ ବିବାହ ବନ୍ଦ ହୋଇଥିଲା । ଉଭୟ ବର ଓ କନ୍ୟା ପକ୍ଷଙ୍କ ମଧ୍ୟରେ ବରଙ୍କ ଏପରି ଡାଏଲଗ୍କୁ ନେଇ ଅସନ୍ତୋଷ ଦେଖାଦେଇଥିଲା । ପରେ ବର ଘରର ପରିବାର ଓ କନ୍ୟା ଘର ପରିବାର ମଧ୍ୟରେ ଯୁକ୍ତିତର୍କ ହୋଇଥିଲା ।
ଧୀରେ ଧୀରେ କଥା ଏମିତି ବଢ଼ିଥିଲା ଯେ, ଥାନାର ଦ୍ୱାରସ୍ଥ ହୋଇଥିଲେ ପରିବାର ଲୋକ । ପରେ ଘଟଣାରେ ପୋଲିସ ହସ୍ତକ୍ଷେପ କରିବା ସହ ଉଭୟ ପରିବାରକୁ ଡକାଇ ପଚରାଉଚରା କରିଥିଲା । କଥା ମଧ୍ୟ ଗିରଫ କରିବା ଯାଏଁ ଯାଇଥିଲା । ପରେ ପୋଲିସ ଉଭୟ ପକ୍ଷର ଲୋକମାନଙ୍କୁ ପୋଲିସ ବୁଝାସୁଝା କରିଥିଲା ।
ବର ଡାଏଲଗ୍ କହିଥିବା ସମ୍ପୂର୍ଣ୍ଣ ଭିଡିଓଟି ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେଉଛି । ଅନେକ ଦର୍ଶକ ଭିଡିଓଟିକୁ ଲାଇକ୍ କରିବା ସହ ନିଜର ମତାମତ ଦେଇଥିବା ଦେଖିବାକୁ ମିଳିଛି । ଏହି ଘଟଣାକୁ ସାରା ଉତ୍ତର ପ୍ରଦେଶରେ ଚର୍ଚ୍ଚାର ବିଷୟ ପାଲଟିଛି ।
मामला मऊ ज़िले का है। बॉलीवुड के कर्रे वाले फ़ैन ये जनाब दूल्हे राजा हैं। सबकुछ ठीक चल रहा था कि अचानक स्टेज पर भाई ने जलवा बिखेर दिया। फिर क्या था, मामला गड़बड़ा गया। पुलिस ने बहुत कोशिश की लेकिन फ़िलहाल बात बनी नहीं है। pic.twitter.com/ndDEZV6LEQ
— SANJAY TRIPATHI (@sanjayjourno) March 13, 2023
