LIVE TV
ବିଭିନ୍ନ ଓଷା ପାଳନ କରି ମହିଳାମାନେ ନିଜ ସ୍ୱାମୀଙ୍କ ଦୀର୍ଘ ଜୀବନ ପାଇଁ କାମନା କରନ୍ତି । ମହାଶିବରାତ୍ରୀରେ ଅବିବାହିତ ଝିଅମାନେ ଭଲ ବର ପାଇଁ ମଧ୍ୟ ପୂଜା କରନ୍ତି । ଉଭୟ ପୁରୁଷ ଓ ମହିଳାମାନେ ମଧ୍ୟ ଉପବାସ ବି କରନ୍ତି । କିନ୍ତୁ ବର୍ତ୍ତମାନ ଡିଜିଟାଲ ଯୁଗରେ ଓଷା ପାଳନ କରିବାର ଶୈଳୀ ବଦଳୁଛି । ଲୋକମାନେ ଭିଡିଓ କଲ୍ ମାଧ୍ୟମରେ ପୂଜା ମଧ୍ୟ କଲେଣି । ସୋସିଆଲ ମିଡିଆରେ ଏପରି ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ଜଣେ ଝିଅ ନିଜ ପ୍ରେମିକାର ଦୀର୍ଘ ଜୀବନ କାମନା ପାଇଁ ଭିଡ଼ିଓ କଲ୍ରେ ପୂଜା କରୁଛନ୍ତି ।
ଏହି ଭିଡିଓକୁ ଇନଷ୍ଟାଗ୍ରାମରେ ରିଙ୍କୁ ନାମକ ଜଣେ ଝିଅ ସେୟାର କରିଛନ୍ତି । ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳୁଛି ଯେ ଝିଅଟି ଭିଡିଓ କଲ୍ରେ ରହିଛି । ଅନ୍ୟପଟେ ଆଉ ଜଣେ ପୁଅ ରହିଛି ବୋଲି ଯାହା ଦେଖିବାକୁ ମିଳୁଛି । ଏଭଳି ପରିସ୍ଥିତିରେ ନାଲି ରଙ୍ଗର ଶାଢୀ ପିନ୍ଧିଥିବା ଝିଅଟି ମୋବାଇଲରେ ଉପରକୁ ଫୁଲ ପକାଉଥିବାର ମଧ୍ୟ ଦେଖିବାକୁ ମିଳୁଛି, ତା’ପରେ ଚେୟାରର ଚାରି ପାଖରେ ଘୂରି ବୁଲି କ୍ଷୀର ଢାଳୁଥିବାର ମଧ୍ୟ ଦେଖିବାକୁ ମିଳୁଛି । ସେ ମୋବାଇଲ୍ ସାମ୍ନାରେ ଚେୟାରରେ ଫୁଲ ଏବଂ ଧୂପକାଠି ମଧ୍ୟ ରଖିଛନ୍ତି । ଅନ୍ୟ ପଟେ ଭିଡ଼ିଓ କଲ୍ରେ ଥିବା ପିଲାଟି ଏସବୁକୁ ମଧ୍ୟ ଦେଖୁଛନ୍ତି । ଭିଡିଓରେ ଦିଆଯାଇଥିବା କମେଣ୍ଟ ଅନୁଯାୟୀ ମହାଶିବରାତ୍ରୀରେ ଏଭଳି ଘଟଣା ଘଟିଛି ଅନୁମାନ କରାଯାଉଛି ।
Also Read
ତେବେ, ଏହି ଭିଡ଼ିଓ କେଉଁ ସ୍ଥାନର ତାହା ଜଣା ନାହିଁ । କିନ୍ତୁ ଭିଡିଓର କ୍ୟାପସନ୍ ବଙ୍ଗାଳାରେ ଲେଖାଯାଇଛି, ତେଣୁ ଏହା ପଶ୍ଚିମବଙ୍ଗର କୌଣସି ଅଞ୍ଚଳରେ ଘଟିଛି ବୋଲି କୁହାଯାଇପାରେ । ଲୋକମାନେ ଏହା ଉପରେ କମେଣ୍ଟ ମଧ୍ୟ ଦେଉଛନ୍ତି । କିଛି ଲୋକ ଏହି ଯୋଡିକୁ ସମାଲେଚନା ମଧ୍ୟ କରୁଛନ୍ତି । ଜଣେ ଉପଭୋକ୍ତା ଲେଖିଛନ୍ତି ଯେ, ‘ ଏହା ହେଉଛି ପ୍ରେମ, କାହାକୁ ଅପମାନ କର ନାହିଁ’ । ଆଉ ଜଣେ ଏହି ଝିଅଙ୍କୁ ‘ବାପାଙ୍କ ପରୀ’ ବୋଲି କହିଛନ୍ତି ।
ଆସନ୍ତୁ ଆପଣଙ୍କୁ କହିବୁ ଯେ ଏହି ଭିଡିଓକୁ ଏପର୍ଯ୍ୟନ୍ତ ୨ କୋଟି ୮୦ ଲକ୍ଷ ଭ୍ୟୁ ହୋଇଥିବା ବେଳେ ଏହା ୭ ଲକ୍ଷରୁ ଅଧିକ ଥର ସେୟାର କରାଯାଇଛି । କେବଳ ଏତିକି ନୁହେଁ, ଏହି ଭିଡିଓକୁ ୧୦ ଲକ୍ଷ ୨୦ ହଜାର ଲୋକ ଲାଇକ୍ କରିଛନ୍ତି ଓ ୨୯ ହଜାରରୁ ଅଧିକ ଲୋକ କମେଣ୍ଟ ଦେଇଛନ୍ତି । ଏହି ଭିଡିଓ ଇନଷ୍ଟାଗ୍ରାମରେ ୯ ମାର୍ଚ୍ଚ ୨୦୨୪ରେ ଅପଲୋଡ୍ ହୋଇଥିଲା ।
