ତାଜୁବ୍‌ କଲା ନାସାର ରିପୋର୍ଟ; ମହାକାଶରେ ଅଛି ଆଉ ଏକ ଜହ୍ନ.. ଦେଖନ୍ତୁ ଭିଡିଓ

ଟଳିଲା ବଡ଼ ବିପଦ। ମହାକାଶରେ ପୃଥିବୀ ଆଡ଼କୁ ମାଡ଼ି ଆସୁଥିବା ୨ଟି କ୍ଷୁଦ୍ର ଗ୍ରହ ପୃଥିବୀରେ ମାଡ଼ ନହୋଇ ସୁରକ୍ଷିତ ଭାବରେ ଅତିକ୍ରମ କରିଛନ୍ତି। ନାସାର ଡିପ୍ ସ୍ପେସ୍ ନେଟୱାର୍କର ଗୋଲ୍ଡଷ୍ଟୋନ୍ ପ୍ଲାନେଟାରୀ ରାଡାର ଏହି ଦୁଇଟି ଗ୍ରହକୁ ଟ୍ରାକ୍‌ କରିଛି। ଯାହାକି କ୍ଷୁଦ୍ରଗ୍ରହ ଅନୁସନ୍ଧାନ ଦିଗରେ ମୂଲ୍ୟବାନ ତଥ୍ୟ ପ୍ରଦାନ କରିଛି। ବାସ୍ତବରେ ଏହି କ୍ଷୁଦ୍ରଗ୍ରହ ଚାରିପଟେ ଏକ ଛୋଟ ଚନ୍ଦ୍ର ଥିବା ବୈଜ୍ଞାନିକମାନେ ଗବେଷଣା ପରେ ସ୍ପଷ୍ଟ କରିଛନ୍ତି।

ପ୍ରଥମ କ୍ଷୁଦ୍ର ଗ୍ରହ, 2011 UL21, ଚଳିତବର୍ଷ ଜୁନ୍ ୨୭ତାରିଖରେ ପ୍ରାୟ ୬.୬ ନିୟୁତ କିଲୋମିଟର ଦୂରତାରେ ପୃଥିବୀକୁ ଅତିକ୍ରମ କରିଥିଲା, ଯାହା ପୃଥିବୀ ଏବଂ ଚନ୍ଦ୍ରର ଦୂରତାଠାରୁ ୧୭ଗୁଣ ଅଧିକ ବଡ଼ଥିଲା। ୨୦୧୧ରେ ଆବିଷ୍କୃତ ହୋଇଥିବା ପ୍ରାୟ ଏକ ମାଇଲ୍ ଚଉଡାର କ୍ଷୁଦ୍ରଗ୍ରହ, ୨୩୦ଫୁଟ ଚଉଡା ଗୋଲ୍ଡଷ୍ଟୋନ୍ ସୋଲାର ସିଷ୍ଟମ୍ ରାଡାରରେ ପ୍ରାୟ ୯ଦିନ ଯାଏ ଦୃଶ୍ୟମାନ ହୋଇଥିଲା। ଅନୁସନ୍ଧାନରୁ ଜଣାପଡିଛି 2011 UL21 ହେଉଛି ଏକ ବାଇନାରୀ ସିଷ୍ଟମ୍ ଯେଉଁଥିରେ ଏକ ଛୋଟ ଚନ୍ଦ୍ର ପ୍ରାୟ ୩କିଲୋମିଟର ଦୂରରେ ଏହାକୁ ପରିକ୍ରମା କରେ।

Also Read

ମହାକାଶରେ ପୁଣି ପାଦ ଥାପିଲେ ସୁନୀତା, ଖୁସିରେ କଲେ ଡ୍ୟାନ୍ସ...ଦେଖନ୍ତୁ ଭିଡିଓ

Read More

ପୃଥିବୀ ଆଡ଼କୁ ମାଡ଼ି ଆସୁଛି ଆଉ ଏକ ସୌରଝଡ଼; ହୋଇଯିବ ବ୍ଲାକ୍‌ଆଉଟ୍‌ !

Read More

ପ୍ରତିରକ୍ଷା କ୍ଷେତ୍ରରେ ଭାରତକୁ ବଡ଼ ସଫଳତା; ଶତ୍ରୁର ରାଡାରକୁ ଉଡ଼ାଇବ 'ରୁଦ୍ରମ୍-୨'

Read More

ଦ୍ୱିତୀୟ କ୍ଷୁଦ୍ର ଗ୍ରହ, 2024 MK, ଚଳିତବର୍ଷ ଜୁନ୍ ୨୯ତାରିଖରେ ପୃଥିବୀ ନିକଟ ଦେଇ ଅତିକ୍ରମ କରିଛି। ଯାହାକି ମାତ୍ର ୧,୮୪,୦୦୦ମାଇଲ୍‌ ବା ୨,୯୫,୦୦୦କିଲୋମିଟର ଦୂରରେ ରହିଥିଲା। ଅର୍ଥାତ୍ ପୃଥିବୀ ଓ ଚନ୍ଦ୍ରଠାରୁ ପ୍ରାୟ ୭୭ପ୍ରତିଶତ ଦୂରତାରେ ରହିଥିଲା। ଦକ୍ଷିଣ ଆଫ୍ରିକାର ଆଟଲାସ୍-ସଟରଲ୍ୟାଣ୍ଡ ଅବଜରଭେଟୋରୀ ଚଳିତବର୍ଷ ଜୁନ୍‌ ୧୬ରେ ଏହି ୧୫୦ ମିଟର ଚଉଡାର କ୍ଷୁଦ୍ରଗ୍ରହକୁ ଆବିଷ୍କୃତ କରିଥିଲା । ତିନି ଦିନ ପାଇଁ 2024 MKର ରାଡାର୍ ଉପରେ ଅଧ୍ୟୟନ କରାଯାଇଥିଲା। ପରେ ଏଥିରେ ସମତଳ ଏବଂ ଗୋଲାକାର ଅଞ୍ଚଳ ସହିତ ଏକ ବିସ୍ତାରିତ ଏବଂ କୋଣାକାର ଆକୃତି ରହିଥିବା ଜଣାପଡିଥିଲା।

Pics or it didn't happen!

JPL scientists tracked two asteroids that safely flew past Earth recently and used the Deep Space Network to capture images, including this view of Asteroid 2024 MK.

See the second asteroid and its surprise moonlet: https://t.co/fFbU6KDuqJ pic.twitter.com/e8bIR2QiEa

— NASA JPL (@NASAJPL) July 3, 2024

ଉଭୟ କ୍ଷୁଦ୍ର ଗ୍ରହ ପୃଥିବୀର ଆକାର ଏବଂ ନିକଟତର ହେତୁ ବିପଜ୍ଜନକ ଭାବରେ ବର୍ଗୀକୃତ ହୋଇଛି, କିନ୍ତୁ ଏହା ଭବିଷ୍ୟତରେ ସେମାନେ ଆମ ଗ୍ରହ ପାଇଁ କୌଣସି ବିପଦ ସୃଷ୍ଟି କରିବେ ନାହିଁ ବୋଲି ଜଣାପଡିଛି । ରାଡାର୍ ପର୍ଯ୍ୟବେକ୍ଷଣ କ୍ଷୁଦ୍ର ଗ୍ରହର ଆକାର, ଆକୃତି, କକ୍ଷପଥ, ଘୂର୍ଣ୍ଣନ, ଏବଂ ଭୂପୃଷ୍ଠ ବିବରଣୀ ବିଷୟରେ ଗୁରୁତ୍ୱପୂର୍ଣ୍ଣ ସୂଚନା ପ୍ରଦାନ କରିଥାଏ। ଯାହାକି ପୃଥିବୀ ନିକଟବର୍ତ୍ତୀ ବସ୍ତୁଗୁଡ଼ିକ ବିଷୟରେ ଆମର ଜ୍ଞାନ ବୃଦ୍ଧି କରିବାରେ ସାହାଯ୍ୟ କରେ।

ତେବେ ଏହି କ୍ଷୁଦ୍ରଗ୍ରହ ଅନେକ ଗବେଷଣାରେ ସାହାଯ୍ୟ କରିବ। କାରଣ 2024 MK ଆକାରର କ୍ଷୁଦ୍ରଗ୍ରହ ପ୍ରାୟ ପ୍ରତି ୨୦ବର୍ଷରେ ଥରେ ଦେଖାଦେଇଥାଏ।ଏଥିରୁ ମିଳିଥିବା ତଥ୍ୟ ବୈଜ୍ଞାନିକମାନଙ୍କୁ କ୍ଷୁଦ୍ର ଗ୍ରହର ଗଠନ, ସଂରଚନା ଓ ସେଗୁଡିକର ଆଚରଣ ବୁଝିବାରେ ସହାୟତା କରିବ। ଭବିଷ୍ୟତରେ ପୃଥିବୀ ନିକଟବର୍ତ୍ତୀ ହେଉଥିବା ଓ ଘାତକ ସାବ୍ୟସ୍ତ ହେବାକୁ ଥିବା ବିପଦପୂର୍ଣ୍ଣ ବସ୍ତୁଗୁଡ଼ିକୁ ଚିହ୍ନଟ କରିବା ଏବଂ ଟ୍ରାକ୍ କରିବା ପାଇଁ ଆମର ଦକ୍ଷତା ବୃଦ୍ଧି କରିବ ।

OTV is now on Whatsapp

Join and get latest news update delivered to you via whatsapp

Join Now