LIVE TV
ନେତାଙ୍କ ଗାଲରେ ବାଜିଲା ଶକ୍ତ ଚାପୁଡା । ପ୍ରଥମେ ବେକରେ ଫୁଲମାଳ ପକାଇ ଚାପୁଡା ଉପରେ ଚାପୁଡା ମାରି ଚାଲିଲେ ଆଉ ଜଣେ ନେତା । ତା' ପୁଣି ମଞ୍ଚ ଉପରେ, ସର୍ବସମ୍ମୁଖରେ... ଉତ୍ତରପ୍ରଦେଶରୁ ଏମିତି ଏକ ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି । ଭିଡ଼ିଓରେ ମାଡ଼ ଖାଉଥିବା ନେତା ହେଲେ ସୁହେଲଦେବ ସ୍ୱାଭିମାନ ପାର୍ଟିର ରାଷ୍ଟ୍ରୀୟ ଅଧ୍ୟକ୍ଷ ମହେନ୍ଦ୍ର ରାଜଭର ଏବଂ ଚାପୁଡା ମାରିଥିବା ନେତା ଆଉ କେହି ନୁହଁନ୍ତି, ବରଂ ତାଙ୍କର ଦଳର ପୂର୍ବତନ ରାଷ୍ଟ୍ରୀୟ ଅଧ୍ୟକ୍ଷ ବ୍ରିଜେଶ ରାଜଭର । ଏହି ଚାପୁଡା କାଣ୍ଡକୁ ନେଇ ଏବେ ୟୁପି ରାଜନୀତିରେ ଜୋର୍ ଧରିଛି ଚର୍ଚ୍ଚା ।
Also Read
इतना सम्मान देकर थप्पड़ मारने की ऐसी घटना आपने पहिले कभी नहीं देखी होगी।
— Er. Durgesh Pandey (@ErDurgeshPande7) June 10, 2025
"सुहैलदेव स्वाभिमान पार्टी" बनाने वाले महेंद्र राजभर को बनारस के बृजेश राजभर ने मंच पर दर्जन भर माला पहनाकर और यश कीर्ति का बखान कर थप्पड़ मारे। pic.twitter.com/lChyso2Yka
ଜୌନପୁର ଜିଲ୍ଲାର ଆଶାପୁର ଗ୍ରାମରେ ମହାରାଜ ସୁହେଲଦେବଙ୍କ ଜନ୍ମବାର୍ଷିକୀ ସହ ଏକ ଭୂମି ପୂଜନ କାର୍ଯ୍ୟକ୍ରମ ଚାଲିଥିଲା । ଏଥିରେ ସୁହେଲଦେବ ସ୍ୱାଭିମାନ ପାର୍ଟିର ଅଧ୍ୟକ୍ଷ ମହେନ୍ଦ୍ର ରାଜଭର ସାମିଲ ହୋଇଥିଲେ । ଦଳୀୟ କର୍ମୀଙ୍କ ଦ୍ୱାରା ତାଙ୍କୁ ଭବ୍ୟ ସ୍ୱାଗତ କରାଯାଇଥିଲା । ଏହି ସମୟରେ ପାର୍ଟିର ପୂର୍ବତନ ଅଧ୍ୟକ୍ଷ ବ୍ରିଜେଶ ଆସି ମହେନ୍ଦ୍ରଙ୍କୁ ଫୁଲମାଳ ପିନ୍ଧାଇଥିଲେ । କିନ୍ତୁ କେହି କିଛି ବୁଝିବା ପୂର୍ବରୁ ଅଚାନକ ସେ ମହେନ୍ଦ୍ରଙ୍କ ଗାଲକୁ ଚାପୁଡା ପରେ ଚାପୁଡା ମାରିଥିଲେ । ମଞ୍ଚ ଉପରେ ଏହି ଚାପୁଡାକାଣ୍ଡର ଭିଡିଓ ସେଠାରେ ଉପସ୍ଥିତ ଲୋକେ ନିଜ ମୋବାଇଲରେ ଉତ୍ତୋଳନ କରିଥିଲେ, ଯାହାକି ଏବେ ବେଶ୍ ଭାଇରାଲ ହେଉଛି ।
ଏନେଇ ମହେନ୍ଦ୍ର ରାଜଭର ଗଣମାଧ୍ୟମକୁ କହିଛନ୍ତି, ''ଭୂମି ପୂଜନ କାର୍ଯ୍ୟକ୍ରମରେ ମୁଁ ମୁଖ୍ୟ ଅତିଥି ଥିଲି । କାର୍ଯ୍ୟକ୍ରମ ଶେଷରେ ଯେତେବେଳେ ମୋର ଅଭିଭାଷଣ ଦେବାର ସମୟ ହେଲା, ସେଠି ବ୍ରିଜେଶ ରାଜଭର ଆସି ପ୍ରଥମେ ମୋ ବେକରେ ଫୁଲମାଳ ପକାଇଥିଲେ । ତା' ପରେ ମୋ ସହ ଦୁର୍ବ୍ୟବହାର କରିଥିଲେ ।''
ଅଧିକ ପଢ଼ନ୍ତୁ: ୟୁପିରେ ବିବାହ, ହନିମୁନ ପାଇଁ ସିକ୍କିମ ଯାଇ ନିଖୋଜ
ମହେନ୍ଦ୍ରଙ୍କ ଅଭିଯୋଗ ଯେ, ସୁହେଲଦେବ ଭାରତୀୟ ସମାଜ ପାର୍ଟି ନେତା ତଥା ଯୋଗୀ ସରକାରର ମନ୍ତ୍ରୀ ଓମପ୍ରକାଶ ରାଜଭରଙ୍କ ଇସାରାରେ ବ୍ରିଜେଶ ତାଙ୍କୁ ମାଡ଼ ମାରିଛନ୍ତି । ସେପଟେ ବ୍ରିଜେଶ ତାଙ୍କ ବିରୋଧରେ ଲଗାଯାଇଥିବା ସମସ୍ତ ଅଭିଯୋଗକୁ ଖଣ୍ଡନ କରି ମହେନ୍ଦ୍ର ସମାଜବାଦୀ ପାର୍ଟିରୁ ପାଣ୍ଠି ନେଉଥିବା ଏବଂ କାର୍ଯ୍ୟକ୍ରମ ସମୟରେ ତାଙ୍କ ସହ ଦୁର୍ବ୍ୟବହାର କରିଥିବାର ପାଲଟା ଅଭିଯୋଗ ଆଣିଛନ୍ତି ।
ସେ କହିଛନ୍ତି, ଆମେ ମହାରାଜା ସୁହେଲଦେବଙ୍କ ଜନ୍ମବାର୍ଷିକୀ ଅବସରରେ ବିଜୟ ଦିବସ ପାଳନ କରୁଥିବାବେଳେ ମହେନ୍ଦ୍ର ରାଜଭର ପହଞ୍ଚିଥିଲେ । କିଛି ପ୍ରସଙ୍ଗରେ କଥାବାର୍ତ୍ତା କରୁଥିବା ସମୟରେ ସେ ମୋତେ ଗାଳିଗୁଲଜ କରିବାକୁ ଲାଗିଥିଲେ । ମହେନ୍ଦ୍ର ମଧ୍ୟ ବ୍ରିଜେଶଙ୍କ ଏହି ଅଭିଯୋଗକୁ ଖଣ୍ଡନ କରିଛନ୍ତି ।
