ଫେବ୍ରୁଆରୀ ୬ ତାରିଖରେ ଓଡ଼ିଶା ଆସିବେ ରାହୁଲ ଗାନ୍ଧି, ବୀରମିତ୍ରପୁରରେ ସ୍ୱାଗତ କରିବ କଂଗ୍ରେସ

ଆସନ୍ତା ୬ ତାରିଖରେ ଓଡ଼ିଶା ଆସୁଛନ୍ତି ରାହୁଲ ଗାନ୍ଧି । କଂଗ୍ରେସର ଭାରତ ଯୋଡୋ ନ୍ୟାୟ ଯାତ୍ରାରେ ରାହୁଲ ସୁନ୍ଦରଗଡର ବୀରମିତ୍ରପରରେ ଆସି ପହଞ୍ଚିବେ। ୬ ତାରିଖ ଦିନ ବୀରମିତ୍ରପୁରରେ ଦଳ ପକ୍ଷରୁ ତାଙ୍କୁ ସ୍ୱାଗତ କରାଯିବ । ଆଜି ଏନେଇ ସୂଚନା ଦେଇଛନ୍ତି ପିସିସି ସଭାପତି ଶରତ ପଟ୍ଟନାୟକ। ଏହାପରେ ସୁନ୍ଦରଗଡ, ରାଉରକେଲା, ଝାରସୁଗୁଡ଼ା ଦେଇ ଗତି କରିବ ନ୍ୟାୟ ଯାତ୍ରା। ୭ ଓ ୮ ତାରିଖରେ ରାହୁଲ ଓଡ଼ିଶାରେ ରହିବେ।

ରାହୁଲଙ୍କ ଓଡ଼ିଶା ଗସ୍ତ ଖବର ପରେ ଏବେ ଚଳଚଞ୍ଚଳ ହୋଇ ଉଠିଛି କଂଗ୍ରେସ କ୍ୟାମ୍ପ । ସାଧାରଣ ନିର୍ବାଚନ ପୂର୍ବରୁ ସଂଗଠନ ସଜାଡ଼ିବାକୁ ଲାଗିଛି ଦଳ। ଦୁଇ ଦିନ ତଳେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ ଭୁବନେଶ୍ୱର ଆସି ଓଡ଼ିଶା ବଂଚାଅ ସମାବେଶରେ ଯୋଗ ଦେଇଥିଲେ।