LIVE TV
କଂଗ୍ରେସ ନେତା ରାହୁଲ ଗାନ୍ଧୀ ସାଂସଦ ପଦ ଫେରି ପାଇଛନ୍ତି । ଆଜି ତାଙ୍କ ପାଖକୁ ଫେରିଛି ଲୋକସଭାର ସାଂସଦ ପଦ । ଏବେ ସେ ଲୋକସଭାର କାର୍ଯ୍ୟରେ ଯୋଗ ଦେଇପାରିବେ। ଏ ସଂପର୍କରେ ଲୋକସଭା ସେକ୍ରେଟାରିଏଟର ବିଜ୍ଞପ୍ତି ପ୍ରକାଶ ପାଇଛି। ମୋଦି ସରନେମ୍ ମାମଲାରେ ସୁରତ କୋର୍ଟ ଦେଇଥିବା ଦଣ୍ଡାଦେଶ ଉପରେ ସୁପ୍ରିମକୋର୍ଟ ସ୍ଥଗିତାଦେଶ ଜାରି କରିବା ପରେ ରାହୁଲଙ୍କ
ସାଂସଦ ପଦ ଫେରିଛି। ଏହାକୁ ନେଇ ବହୁତ ଖୁସି ହୋଇଛନ୍ତି କଂଗ୍ରେସର ନେତା ଓ କର୍ମୀ। ଏପରିକି ଦିଲ୍ଲୀ ଅଫିସ ଆଗରେ ବିଜୟ ଉତ୍ସବ ପାଳନ କରିଛନ୍ତି। ପରସ୍ପରକୁ ମିଠା ଖୁଆଇ ନାଚ ଗୀତ କରି ସେଲିବ୍ରେସନ କରିଛନ୍ତି। ୨୦୧୯ ଲୋକସଭା ନିର୍ବାଚନରେ ରାହୁଲ କେରଳର ୱାୟାନାଡରୁ ନିର୍ବାଚନରେ ଜିତିଥିଲେ ।
Also Read
ଅଧିକ ପଢ଼ନ୍ତୁ: ୪ ମାସିଆ ଟାସ୍କ ଦେଇଗଲେ ଶାହ; ପୂରଣ କରିବାକୁ ଜୋରଦାର୍ କସରତ
(Notification From The Lok Sabha)୨୦୧୯ରେ ରାହୁଲ ଦେଇଥିଲେ ବୟାନ
୧୩ ଏପ୍ରିଲ ୨୦୧୯ରେ କର୍ଣ୍ଣାଟକର କୋଲାରରେ ଆୟୋଜିତ ହୋଇଥିବା ଏକ ନିର୍ବାଚନ ରାଲିରେ ରାହୁଲ ଗାନ୍ଧୀ କହିଥିଲେ, ନୀରବ ମୋଦି, ଲଲିତ ମୋଦି, ନରେନ୍ଦ୍ର ମୋଦିଙ୍କ ଉପନାମ କାହିଁକି ସମାନ ? ସମସ୍ତ ଚୋରଙ୍କ ଉପନାମ ମୋଦି କାହିଁକି ? ରାହୁଲଙ୍କ ଏହି ବୟାନ୍ ସମ୍ପର୍କରେ ବିଜେପି ବିଧାୟକ ତଥା ପୂର୍ବତନ ମନ୍ତ୍ରୀ ପୂର୍ଣ୍ଣେଶ ମୋଦି ତାଙ୍କ ବିରୋଧରେ ଅପରାଧିକ ମାନହାନି ମକଦ୍ଦମା ଦାୟର କରିଥିଲେ । ଏହାକୁ ନେଇ ଅପରାଧିକ ମାନହାନୀ ମାମଲା ରୁଜୁ ହୋଇଥିଲା ।
