LIVE TV
ପୁରୀରେ ପହଞ୍ଚିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଜଗା ଦର୍ଶନ କରି ଆଶିଷ ନେବେ । ଭୁବନେଶ୍ୱର ବିମାନବନ୍ଦରରେ ଓହ୍ଲାଇବା ପରେ ତାଙ୍କୁ ଦିଆଯାଇଥିଲା ଗାର୍ଡ ଅଫ୍ ଅନର୍ । ଏହାପରେ ସ୍ୱତନ୍ତ୍ର ଚପରରେ ବାହାରି ପୁରୀ ତାଳବଣିଆ ହେଲିପ୍ୟାଡରେ ପହଞ୍ଚିଥିଲେ । ତାପରେ ସେଠାରୁ କାର ଯୋଗେ ଶ୍ରୀମନ୍ଦିର ଅଭିମୁଖେ ବାହାରିଥିଲେ । ଆଉ ବଡ଼ ଦାଣ୍ଡରେ ପହଞ୍ଚିବା ପୂର୍ବରୁ ମହାପ୍ରଭୁଙ୍କ ପାଇଁ ଭାବବିହ୍ୱଳ ହୋଇପଡ଼ିଥିଲେ ମହାମହିମ ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁ । ସିଂହଦ୍ୱାରର ବହୁ ପୂର୍ବରୁ କାରକେଡ୍ ରଖି ବଡ଼ଦାଣ୍ଡରେ ଚାଲିଲେ ଓ ମହାପ୍ରଭୁଙ୍କ ଉଦେଶ୍ୟରେ ହାତ ଟେକିଲେ ।
Also Read
#ସ୍କୁଲପିଲାଙ୍କୁ_ଦେଖି_ଭାବବିହ୍ୱଳ_ରାଷ୍ଟ୍ରପତି:
କୁନିକୁନି ସ୍କୁଲ ପିଲାଙ୍କୁ ଦେଖି ଭାବବିହ୍ୱଳ ହେଲେ ରାଷ୍ଟ୍ରପତି ଶ୍ରୀମତୀ ଦ୍ରୌପଦୀ ମୁର୍ମୁ। ରାସ୍ତା କଡ଼ରେ ଠିଆ ହୋଇଥିବା ପିଲାଙ୍କ ପାଖକୁ ଯାଇ ତାଙ୍କୁ ଭେଟିଲେ ଓ ତାଙ୍କ ସହ ଫଟୋ ଉଠାଇଲେ। President of India #DraupadiMurmu #Puri pic.twitter.com/2jVR9ONriL— ଓଟିଭି (@otvkhabar) November 10, 2022
ବଳଗଣ୍ଡି ଛକରୁ କାରରୁ ଓହ୍ଲାଇପଡ଼ିଥିଲେ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ସେଠାରୁ ସେ ଚାଲି ଚାଲି ଯାଇ ଶ୍ରୀମନ୍ଦିରରେ ପହଞ୍ଚିଲେ । ଆଉ ରାସ୍ତାରେ ଗଲାବେଳେ କୁନି କୁନି ସ୍କୁଲ ପିଲାଙ୍କ ସହ ହାତ ମେଳାଇଥିଲେ ଆଉ କଥା ହୋଇଥିଲେ । କୁନି କୁନି ପିଲାଙ୍କୁ ଦେଖିବା ପରେ ରାଷ୍ଟ୍ରପତି ଖୁବ୍ ଖୁସି ଜଣାପଡ଼ୁଥିଲେ । ଖାଲି ସେତିକି ନୁହେଁ ଚାଲି ଚାଲି ଗଲା ବେଳେ ସାଧାରଣ ଲୋକଙ୍କୁ ହାତ ହଲାଇ ଜଣାଇଥିଲେ ଅଭିବାଦନ ।
ଶ୍ରୀକ୍ଷେତ୍ରରେ ପହଞ୍ଚିଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ.. ଓଡ଼ିଆ ମାଟିର ଝିଅ ଦ୍ରୌପଦୀ ମୁର୍ମୁ ରାଷ୍ଟ୍ରପତି ଭାବେ ଦାୟିତ୍ୱ ଗ୍ରହଣ କରିବା ପରେ ପ୍ରଥମ ଥର ମହାପ୍ରଭୁଙ୍କ ଦର୍ଶନ ଲାଗି ପୁରୀ ଗସ୍ତରେ ଆସିଛନ୍ତି #DraupadiMurmu #Puri #JayJagannath #OTV pic.twitter.com/oldhgpkuXn
— ଓଟିଭି (@otvkhabar) November 10, 2022
ପରେ ସିଂହଦ୍ୱାର ସାମ୍ନାରେ ପହଞ୍ଚିବା ପରେ ରାଷ୍ଟ୍ରପତିଙ୍କୁ କରାଯାଇଥିଲା ସ୍ୱାଗତ ସମ୍ବର୍ଦ୍ଧନା । ରାଷ୍ଟ୍ରପତିଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ କରିଥିଲେ ଗଜପତି ମହାରାଜା ଦିବ୍ୟସିଂହ ଦେବ । ପରେ ଶ୍ରୀମନ୍ଦିରରେ ପ୍ରବେଶ କରିବା ପୂର୍ବରୁ ସିଂହଦ୍ୱାର ସାମ୍ନାରେ ତଳେ ମୁଣ୍ଡ ଲଗାଇ ପ୍ରଣିପାତ କରିଥିଲେ ରାଷ୍ଟ୍ରପତି । ଅରୁଣ ସ୍ତମ୍ଭକୁ ଛୁଇଁ ଶ୍ରୀମନ୍ଦିରରେ ପ୍ରବେଶ କଲେ ।
