LIVE TV
୨୪' ନିର୍ବାଚନ ପୂର୍ବରୁ ଦଶହରାରେ ବିଜେପି, ବିଜେଡି ଓ କଂଗ୍ରେସର ବିଜୟ ସଂକଳ୍ପକୁ ନେଇ ଚର୍ଚ୍ଚା । ବିଜେଡିରେ ଥିବା ମାଳ ମାଳ ମହିଷାସୁରକୁ ଲୋକେ ଏଥର ବଦ୍ଧ କରିବେ ଏବଂ ବିଜେପି ସରକାର ଆସିବ ବୋଲି ବିଜେପି କହିଥିବା ବେଳେ କଂଗ୍ରେସ କହିଛି କେନ୍ଦ୍ରରେ ବିଜେପି ଓ ରାଜ୍ୟରେ ବିଜେଡି ସରକାରକୁ ହଟାଇବା ଆମ ସଂକଳ୍ପ । ଏସବୁ ଅଭିଯୋଗ ଭିତରେ ବିଜେଡି କହିଛି ଲୋକଙ୍କ ହୃଦୟରେ ରହିଛି ବିଜେଡି । ସେପଟେ ପ୍ରମୁଖ ନେତାମାନେ ଆଜି ପେଣ୍ଡାଲ ବୁଲି ମା’ଙ୍କ ଦର୍ଶନ କରିଛନ୍ତି ।
ମା'ଙ୍କ ପାଖରେ ନେତାଙ୍କ ଗହଳି। ସମ୍ବଲପୁରରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଦେବୀ ଦୁର୍ଗାଙ୍କ ଦର୍ଶନ କରିଥିବାବେଳେ କଟକରେ ବିଜେପି ରାଜ୍ୟ ସଭାପତି ମନମୋହନ ସାମଲ ମା’ଙ୍କ ପେଣ୍ଡାଲ ବୁଲିଛନ୍ତି । ସେହିପରି କଟକରେ ପିସିସି ସଭାପତି ଶରତ ପଟ୍ଟନାୟକ ଏବଂ ଜୟପୁରରେ ବିଧାୟକ ତାରା ବାହିନୀପତି ବିଭିନ୍ନ ମେଢ଼ ବୁଲି ମାଆଙ୍କ ଦର୍ଶନ କରିଛନ୍ତି । ଏଣେ କଟକରେ ବୁଲିଛନ୍ତି ପୂର୍ବତନ ବିଧାୟକ ତଥା ବିଜେଡି ନେତା ଦେବାଶିଷ ସାମନ୍ତରାୟ । ଏହି ଅବସରରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ମହିଳା ସଶକ୍ତୀକରଣ କଥା । ଅନ୍ୟ ନେତାମାନେ ମଧ୍ୟ ମା’ଙ୍କ ଆଶୀର୍ବାଦ ନେବା ସହ ରାଜ୍ୟର ଉନ୍ନତି କାମନା କରିଛନ୍ତି ।
Also Read
ସେପଟେ ୨୪ ସାଧାରଣ ନିର୍ବାଚନ ପୂର୍ବରୁ ଏଥର ଦଶହରାରେ ସଂକଳ୍ପ ନେଇଛନ୍ତି ତିନି ପ୍ରମୁଖ ରାଜନୈତିକ ଦଳ । ଆସନ୍ତା ଦଶହରା ବେଳକୁ ସାଧାରଣ ନିର୍ବାଚନ ଶେଷ ହୋଇ ଯାଇଥିବ । ତେଣୁ ଭୋଟକୁ ଆଖି ଆଗରେ ରଖି ସଂକଳ୍ପ ନେଇଛନ୍ତି ତିନି ଦଳ । ବିଜେଡିରେ ଥିବା ମାଳ ମାଳ ମହିଷାସୁରକୁ ଲୋକେ ଏଥର ବଦ୍ଧ କରିବେ ଏବଂ ବିଜେପି ସରକାର ଆସିବ ବୋଲି କହିଛନ୍ତି ଦଳୀୟ ନେତା । କଂଗ୍ରେସ କହିଛି କେନ୍ଦ୍ରରେ ବିଜେପି ଓ ରାଜ୍ୟରେ ବିଜେଡି ସରକାରକୁ ହଟାଇବା ଆମ ସଂକଳ୍ପ । ଆଉ ଏ ସବୁ ଅଭିଯୋଗ ଭିତରେ ବିଜେଡି କହିଛି ଲୋକଙ୍କ ହୃଦୟରେ ବିଜେଡି ରହିଛି । ଷଷ୍ଠ ଥର ପାଇଁ ମୁଖ୍ୟମନ୍ତ୍ରୀ ହେବେ ନବୀନ ।
୨୦୨୪ରେ କାହାର ହେବ ହାର, କାହାର ହେବ ଜିତ ତାକୁ ନେଇ ଚର୍ଚ୍ଚା । କିନ୍ତୁ ବିଜୟା ଦଶମୀରେ ସଂକଳ୍ପ ନେବା ସହ ପୂଜା ପରେ ଗ୍ରାଉଣ୍ଡ ୱାର୍କକୁ ଆହୁରି ଜୋରଦାର କରିବେ ତିନି ଦଳ।
କଟକରୁ ବିଶ୍ୱଜିତ ଆଚାର୍ଯ୍ୟ, କୋଣାର୍କରୁ ସଂଜୟ ପତିଙ୍କ ସହ ଭୁବନେଶ୍ୱରରୁ ହରିହର ଚାନ୍ଦଙ୍କ ରିପୋର୍ଟ, ଓଟିଭି
- Reported by:
- HARIHARA CHAND , Biswajit Acharya
