ଡିସେମ୍ବର ଶେଷ ସୁଦ୍ଧା ଓଡ଼ିଶା ଆସିବେ ପ୍ରଧାନମନ୍ତ୍ରୀ !

ଓଡ଼ିଶା ଆସିପାରନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଡିସେମ୍ବର ଶେଷ ସୁଦ୍ଧା ମୋଦି ଓଡ଼ିଶା ଆସିବା ନେଇ ସୂଚନା ମିଳିଛି । ପ୍ରଧାନମନ୍ତ୍ରୀ ମୋଦିଙ୍କ ଓଡ଼ିଶା ଗସ୍ତ ନେଇ ବରିଷ୍ଠ ବିଜେପି ନେତା ମୋହନ ମାଝୀ ସୂଚନା ହେଇଛନ୍ତି । ପଶ୍ଚିମ ଓଡ଼ିଶାର ଏକ କାର୍ଯ୍ୟକ୍ରମରେ ମୋଦୀ ଯୋଗ ଦେବାକୁ ଆସିପାରନ୍ତି ବୋଲି କହିଛନ୍ତି ମୋହନ ।

ସେପଟେ ୩ ରାଜ୍ୟରେ ବିଜେପିର ବିଜୟ ପରେ ରାଜ୍ୟ ବିଜେପି ଆକ୍ଟିଭ୍‌ ରହିଛି । ଆସନ୍ତା ୨୦୨୪ ସାଧାରଣ ନିର୍ବାଚନରେ ବିଜେପିର ବିଜୟ ହେବା ନେଇ ଦୃଢ଼ୋକ୍ତି ବାଢ଼ିଛି ରାଜ୍ୟ ବିଜେପି । ରାଜ୍ୟ ବିଜେପି ସଭାପତି ମନମୋହନ ସାମଲ ଏନେଇ ଦୃଢ଼ୋକ୍ତି ବାଢ଼ିବା ସହ ଦଳ ସାଧାରଣ ଲୋକଙ୍କ ଆହୁରି ନିକଟତର ହେବ ବୋଲି କହିଛନ୍ତି ମନମୋହନ ।

ରାଜ୍ୟରେ ଏପରି ରାଜନୀତି ସରଗରମ ରହିଥିବା ସମୟରେ ପ୍ରଧାନମନ୍ତ୍ରୀ ମୋଦୀଙ୍କ ଗସ୍ତ ଆହୁରି ଦଳକୁ ଆକ୍ଟିଭ୍‌ କରାଇବା ନେଇ ସାଧାରଣରେ କୁହାଯାଉଛି । ଖାଲି ଏତିକି ଯେ ତାହାନୁହେଁ, ପୂର୍ବରୁ ଡବଲ ଇଞ୍ଜିନ୍‌ ସରକାର ଗଢ଼ିବାକୁ ନେଇ ବିଜେପି ପକ୍ଷରୁ ବାରମ୍ବାର କୁହାଯାଉଥିଲା । ଯାହା ଛତିଶଗଡ଼, ମଧ୍ୟପ୍ରଦେଶ ଓ ରାଜସ୍ଥାନରେ ଦଳ କରିଦେଖାଇଛି ।

ବର୍ତ୍ତମାନ ଓଡ଼ିଶା ଉପରେ ବିଜେପିର ଫୋକସ ରହିଥିବା ବିଜେପିର ନେତାମାନେ କହିଆସୁଛନ୍ତି । ଏପରି ସମୟରେ ମୋଦୀଙ୍କ ଓଡ଼ିଶା ଗସ୍ତ ଆହୁରି ରାଜ୍ୟ ରାଜନୀତିକୁ ସରଗରମ କରିବ ।