LIVE TV
ଟିକେଟ୍ କଟିବା ପରେ ସମୀର ଦାଶଙ୍କ ମେଳି। ନିମାପଡ଼ାରେ ଆଜି ନିଜ କର୍ମୀ ଓ ସମର୍ଥକଙ୍କ ସହ ଏକାଠି ହୋଇଛନ୍ତି ସମର୍ଥକ। ନିମାପଡ଼ାରୁ ଦିଲୀପ ନାୟକଙ୍କୁ ଗତକାଲି ଦଳ ପ୍ରାର୍ଥୀ କରିଛି । ହେଲେ ଏହାକୁ ପୁନର୍ବିଚାର କରିବାକୁ ନିଜ ଦାବି ରଖିଛନ୍ତି ସମୀର।
ଆଜି କର୍ମୀ ମେଳିରେ ଏକାଠି ହୋଇଛନ୍ତି ଶତାଧିକ କର୍ମୀ। ଯେଉଁଠି ଟିକେଟ୍ କଟିବାକୁ ନେଇ ଭାବବିହ୍ବଳ ହୋଇପଡ଼ିଥିଲେ ସମୀର। ଶନିବାର ଦିନ ନିଜ ସମର୍ଥକଙ୍କ ସହ ଏକାଠି ହୋଇ ଏନେଇ ଦାବି ଜଣାଇବେ ବୋଲି କହିଛନ୍ତି ସମୀର । ଆଜିର ଏହି ବୈଠକରେ ଗୋପ ବ୍ଲକ ଅଧ୍ୟକ୍ଷା, ଜିଲ୍ଲା ପରିଷଦ ସଭ୍ୟ ମଧ୍ୟ ସମର୍ଥନ ଜଣାଇଛନ୍ତି ।
Also Read
ଗତକାଲି ବିଜେଡି ପକ୍ଷରୁ ବିଧାନସଭା ପାଇଁ ପ୍ରାର୍ଥୀ ତାଲିକା ଘୋଷଣା କରାଯାଇଥିଲା । ପ୍ରାର୍ଥୀ ତାଲିକାରେ ପୂର୍ବତନ ମନ୍ତ୍ରୀ ସମୀର ଦାଶଙ୍କୁ ଟିକେଟ ଦେଇନଥିଲା ବିଜେଡି । ନିମାପଡ଼ାରେ ପ୍ରାର୍ଥୀ ବଦଳାଥିଲା ବିଜୁ ଜନତା ଦଳ । ସମୀର ଦାଶଙ୍କ ଜାଗାରେ ଦିଲୀପ ନାୟକ ହୋଇଥିଲେ ପ୍ରାର୍ଥୀ । ସେହିପରି କୁଚିଣ୍ଡାରେ କିଶୋର ନାୟକଙ୍କୁ ବି ଟିକେଟ ଦେଇ ନଥିଲା ବିଜେଡି । କିଶୋରଙ୍କ ଜାଗାରେ ରାଜେନ୍ଦ୍ର ଛତ୍ରିଆଙ୍କୁ ବିଜେଡି ଟିକେଟ ଦେଇଛି ବିଜେଡ଼ି । ଅନ୍ୟପଟେ ଚିତ୍ରକୋଣ୍ଡା ବିଧାୟକ ପୂର୍ଣ୍ଣଚନ୍ଦ୍ର ବାକାଙ୍କ ଟିକେଟ ବି କଟିଛି । ବାକାଙ୍କ ଜାଗାରେ ଲକ୍ଷ୍ମୀପ୍ରିୟା ନାୟକ ହୋଇଛନ୍ତି ବିଜେଡି ପ୍ରାର୍ଥୀ ।
