ବାରମ୍ବାର ଅଚଳ ହେଉଛି ଇଭିଏମ୍‌, ଭୋଟ୍‌ ନ ଦେଇ ଫେରିଯାଉଛନ୍ତି ଭୋଟର୍‌

ଆଜି ରାଜ୍ୟରେ ଜାରି ରହିଛି ଚତୁର୍ଥ ତଥା ଅନ୍ତିମ ପର୍ଯ୍ୟାୟ ମତଦାନ । ତେବେ ଭୋଟିଂ ଆରମ୍ଭ ପୂର୍ବରୁ ବିଭିନ୍ନ ପ୍ରକାର ଅବ୍ୟବସ୍ଥା ଦେଖିବାକୁ ମିଳିଛି । ବିଭିନ୍ନ ବୁଥରେ ଇଭିଏମ୍ ଅଚଳ ଅଭିଯୋଗ ଆସିଛି । କେଉଁଠି ଇଭିଏମରେ ଯାନ୍ତ୍ରିକ ତ୍ରୁଟି ତ କେଉଁଠି ଦୀର୍ଘ ସମୟ ଅଚଳ । ସେହିପରି ଇଭିଏମ୍ ସିରିଏଲ୍ ନମ୍ବରରେ ବି ଅଦଳବଦଳ ଅଭିଯୋଗ ସାମ୍ନାକୁ ଆସିଛି । ଚାନ୍ଦବାଲିରେ EVM ସିରିଏଲ୍ ନମ୍ବରରେ ଅଦଳବଦଳ ଅଭିଯୋଗ ଆସିଛି । ତେବେ ସବୁଠୁ ବଡ଼ ପ୍ରଶ୍ନ ହେଉଛି କେମିତି ଅଦଳବଦଳ ହେଉଛି EVM ସିରିଏଲ୍ ନମ୍ବର ?

Also Read

ଭୋଟିଂ ବେଳେ ଯାଜପୁରରେ ଅଘଟଣ, ନିର୍ବାଚନ ଡ୍ୟୁଟି ବେଳେ BLOଙ୍କ ଆକସ୍ମିକ ମୃତ୍ୟୁ

Read More

ଭୋଟ୍‌ ଦେବାକୁ ଆସିଥିଲେ ବୃଦ୍ଧ, ବୁଥ୍‌ରେ ପଡ଼ି ଚାଲିଗଲା ଜୀବନ

Read More

ଅନ୍ତିମ ପର୍ଯ୍ୟାୟ ଭୋଟ୍‌, ସକାଳ ୯ଟା ସୁଦ୍ଧା ଓଡ଼ିଶାରେ ୭.୬୯ % ଭୋଟିଂ

Read More

ସେପଟେ ଭୋଟିଂ ବେଳେ ବାରମ୍ବାର EVM ତ୍ରୁଟି ହେବାରୁ ହନ୍ତସନ୍ତ ହେଉଛନ୍ତି ଭୋଟର । EVM ତ୍ରୁଟି ପାଇଁ କେଉଁଠି ଘଣ୍ଟାଏ ତ କେଉଁଠି ଦୁଇ ଘଣ୍ଟା ଭୋଟିଂ ବିଳମ୍ବ ହୋଇଛି । ଘଣ୍ଟା ଘଣ୍ଟା ଧାଡ଼ିରେ ଠିଆ ହୋଇ ହନ୍ତସନ୍ତ ହୋଇଛନ୍ତି ଭୋଟର ।

କାହିଁକି ବାରମ୍ବାର ଇଭିଏମ୍‌ରେ ହେଉଛି ତୃଟି । ବାରମ୍ବାର ଇଭିଏମ୍‌ରେ ଯାନ୍ତ୍ରିକ ତ୍ରୁଟି ଅଭିଯୋଗ । ଇଭିଏମ୍ ଅଚଳ ଯୋଗୁ ମତଦାନ ହେଉଛି ବିଳମ୍ଵ । #EVM #Odisha #GeneralElection2024 #OTV pic.twitter.com/3pLsvKm9QD

— ଓଟିଭି (@otvkhabar) June 1, 2024

କେନ୍ଦ୍ରାପଡ଼ା, ଭଦ୍ରକ,ଜଳେଶ୍ୱର, ବାଲେଶ୍ୱର ଓ କୋଣାର୍କର ବିଭିନ୍ନ ସ୍ଥାନରେ ଇଭିଏମ୍‌ ଅଚଳ ହୋଇଥିବା ସୂଚନା ମିଳିଛି । ଏଥିଯୋଗୁ ମତଦାନ ବିଳମ୍ବ ହୋଇଛି। ଏହାସହ ବହୁ ଭୋଟର ନିଜ ମତାଧିକାର ସାବ୍ୟସ୍ତ କରି ନ ପାରି ନିରାଶ ହୋଇ ଫେରି ଯାଇଥିବା ଜଣାପଡ଼ିଛି ।

#ଇଭିଏମରେ_ତ୍ରୁଟି_ନେଇ_ଭୋଟର୍_ନିରାଶ
ଶେଷ ପର୍ଯ୍ୟାୟ ଭୋଟିଂ ଚାଲିଥିବାବେଳେ ଅନେକ ସ୍ଥାନରେ ଇଭିଏମରେ ତ୍ରୁଟି ଦେଖାଦେଇଛି... ଯାହାକୁ ନେଇ ପ୍ରଶ୍ନ ଉଠାଇଛନ୍ତି ଭୋଟର#Election2024 #OdishaElection2024 #GeneralElection #EVM #OTV pic.twitter.com/kLbTG2H5yc

— ଓଟିଭି (@otvkhabar) June 1, 2024

କେନ୍ଦ୍ରାପଡ଼ା ଜିଲ୍ଲା ଆଳିର ବୁଥ୍‌ ନଂ ୧୯୬ ଓ ବେଲପାଳର ୧୦୬ ନଂ ବୁଥ୍, ଗରଦପୁର ବ୍ଲକର ବସନ୍ତପୁରର ୨୫୪ନଂ ବୁଥ୍ ଓ ନିଆଳିର ୨୩୮ନଂ ବୁଥରେ ଇଭିଏମରେ ତ୍ରୁଟି ଦେଖାଯାଇଥିଲା । ଏଥିସହ କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ାର ୧୭୮, ୧୮୯, ୧୯୦, ୧୯୧ ଓ ୧୯୩ ନଂ ବୁଥ ସମେତ ୩୦ଟି ବୁଥରେ ଇଭିଏମ୍ ଅଚଳ ଯୋଗୁ ମତଦାନ ବାଧା ପ୍ରାପ୍ତ ହୋଇଥିଲା । ଇଭିଏମ୍‌ ଖରାପ ହୋଇ ଯାଇଥିବାରୁ ଘଣ୍ଟାଏରୁ ଊର୍ଦ୍ଧ୍ୱ ସମୟ ଧରି ଭୋଟର ଲାଇନ୍‌ରେ ଛିଡ଼ା ହୋଇଥିଲେ। ଏହାପରେ ବହୁ ଭୋଟର ଅସନ୍ତୁଷ୍ଟ ହୋଇ ଫେରି ଯାଇଥିବା ସୂଚନା ମିଳିଛି ।

#ଇଭିଏମ୍_ଅଚଳ_ମତଦାନରେ_ବିଳମ୍ୱ
କେନ୍ଦ୍ରାପଡ଼ାର ମହାକାଳପଡ଼ାରେ ଇଭିଏମ୍ ହେଲା ଅଚଳ । ମତଦାନ କରିବାରେ ହେଲା ବିଳମ୍ୱ, ଘଣ୍ଟା ଘଣ୍ଟା ଧରି ଧାଡ଼ିରେ ଛିଡ଼ା ହେଲେ ସାଧାରଣ ଜନତା। #EVM #Election2024 #Kendrapara #Odisha #OTV pic.twitter.com/ZPwLcfyuMv

— ଓଟିଭି (@otvkhabar) June 1, 2024

ସେହିପରି କେନ୍ଦ୍ରାପଡ଼ା ପାଟକୁରାର ୨୮୬ନଂ ବୁଥ, ଡେରାବିଶର ୧୪ନଂ ଓ ୧ନଂ ବୁଥ୍‌, ବାଲିପଡ଼ାର ୧୨୧, ୧୨୨ନଂ ବୁଥ୍‌, କେନ୍ଦ୍ରାପଡ଼ାର ୧୩୪ନଂ ବୁଥ ଓ ବେଲପାଳର ୧୦୬ନଂ ବୁଥରେ ଇଭିଏମରେ ତ୍ରୁଟି ପରିଲକ୍ଷିତ ହୋଇଥିଲା । ଏଥିସହ ଭଦ୍ରକ ଜିଲ୍ଲା ଭଣ୍ଡାରିପୋଖରୀର ୧୪୨ ନଂ ବୁଥ, ଭଦ୍ରକ ବଳଭଦ୍ର ୟୁପି ସ୍କୁଲର ୨୧୩ ନଂ ବୁଥ, ଭଦ୍ରକ ୨୧୩ ନଂ ବୁଥ ଓ ବାସୁଦେବପୁର ୫୭ନଂ ବୁଥ୍‌ରେ ଇଭିଏମରେ ତ୍ରୁଟି ପରିଲିକ୍ଷିତ ହୋଇଥିଲା । ଏମିତି କି ଭୋଟ୍‌ ଦେଲା ପରେ ଭିଭିପାଟ୍‌ରେ ସ୍ଲିପ୍‌ ଆସୁନଥିବା ମଧ୍ୟ ଅଭିଯୋଗ ହୋଇଛି ।

ସେହିପରି ବାଲେଶ୍ୱର ସଦରର ବୁଥ ନଂ ୧୫୩, ବସ୍ତାର ବୁଥ ନଂ ୨୬, ବାଲେଶ୍ୱରର ବୁଥ ନଂ ୧୩୬, ୧୬୯ନଂ ଓ ୧୧୧ନଂ ବୁଥରେ ଇଭିଏମ୍ ଅଚଳ ହୋଇଥିଲା । ଜଳେଶ୍ୱରର ୨୫ ନଂ ଓ ୯୮ନଂ ବୁଥ୍‌ରେ ଇଭିଏମରେ ତ୍ରୁଟି ପରିଲକ୍ଷିତ ହୋଇଥିଲା । ଫଳରେ ମତଦାନ ବିଳମ୍ବ ହୋଇଛି । କୋଣାର୍କରେ ମଧ୍ୟ ମତଦାନ ଅଧାରୁ ଇଭିଏମ୍‌ ଅଚଳ ହୋଇଥିଲା, ଯାହାଫଳରେ ଭୋଟିଂ ବନ୍ଦ ରହିଥିଲା । ଗୋପ ବ୍ଲକ ୪୧ ନଂ ବୁଥ୍‌ରେ ଇଭିଏମ୍ କାମ କରୁ ନଥିବା ସୂଚନା ମିଳିଥିଲା । କରଞ୍ଜିଆ ଓ ଯଶିପୁରରେ ମଧ୍ୟ EVM ତ୍ରୁଟି ପରିଲିକ୍ଷିତ ହୋଇଥିଲା ।

ତେବେ ଏଠାରେ ପ୍ରଶ୍ନ ଉଠୁଛି ରାଜ୍ୟରେ ପ୍ରଥମ ତିନୋଟି ପର୍ଯ୍ୟାୟ ନିର୍ବାଚନରେ ମଧ୍ୟ ଏହିଭଳି ଇଭିଏମ୍‌ରେ ତ୍ରୁଟି ଦେଖିବାକୁ ମିଳିଥିଲା । ତେବେ ତିନୋଟି ପର୍ଯ୍ୟାୟ ପରେ ଆଜି ଶେଷ ପର୍ଯ୍ୟାୟରେ ମଧ୍ୟ ସମାନ ଦୃଶ୍ୟ ଦେଖିବାକୁ ମିଳିଛି । ଅନେକ ସ୍ଥାନରେ ଆଜି ବି ବାରମ୍ବାର ଇଭିଏମ୍‌ରେ ତ୍ରୁଟି ଦେଖବାକୁ ମିଳିଛି । ତେବେ ଇଭିଏମ୍ ତ୍ରୁଟି ସଜାଡିବାରେ ଏତେ ବିଳମ୍ବ କାହିଁକି ତାକୁ ନେଇ ଜନସାଧାରଣଙ୍କ ମଧ୍ୟରେ ପ୍ରଶ୍ନ ଉଠିଛି ।

ଅପରପକ୍ଷେ EVMରେ ତ୍ରୁଟି ପରିଲକ୍ଷିତ ହେବାରୁ ଭୋଟିଂ ବିଳମ୍ବିତ ନେଇ ଅସନ୍ତୋଷ ବ୍ୟକ୍ତ କରୁଛନ୍ତି ଭୋଟର। ଏମିତି କି ଘଣ୍ଟା ଘଣ୍ଟା ଧରି ଲାଇନ୍‌ରେ ଛିଡ଼ା ହୋଇ ଶେଷରେ ବିରକ୍ତ ହୋଇ ଭୋଟ୍‌ ନ ଦେଇ ଚାଲି ଯାଉଥିବାର ଦେଖିବାକୁ ମଧ୍ୟ ମିଳିଛି । ଯାହାକି ରାଜ୍ୟର ମତଦାର ହାର ଉପରେ ସିଧାସଳଖ ପ୍ରଭାବ ପକାଉଛି ।

OTV is now on Whatsapp

Join and get latest news update delivered to you via whatsapp

Join Now