LIVE TV
ବିଜେଡିର ଇଫତାର ପାର୍ଟିରେ ପୋଲିସ ଅଧିକାରୀ । କଟକ ଚୌଦ୍ୱାର ବ୍ଲକ ବ୍ରହ୍ମପୁରରେ ଆୟୋଜିତ ଇଦ ଉଲ ଫିତର କାର୍ଯ୍ୟକ୍ରମରେ ଯୋଗ ଦେଇଛନ୍ତି ଚୌଦ୍ୱାର ଥାନା ଅଧିକାରୀ ବିଶ୍ୱରଞ୍ଜନ ସାହୁ ଓ ମହିଳା ସବ ଇନ୍ସପେକ୍ଟର ସରସ୍ୱତୀ ସାହୁ । ସେମାନେ ଯେଉଁ କାର୍ଯ୍ୟକ୍ରମରେ ଯୋଗ ଦେଇଥିଲେ, ସେଠାରେ ଲଗାଯାଇଥିଲା ବିଜେଡି ବ୍ୟାନର ।
ଏପରିକି ସେହି ବ୍ୟାନରରେ ଆଠଗଡ଼ ବିଧାୟକ ପ୍ରାର୍ଥୀ ରାଜା ସ୍ୱାଇଁଙ୍କ ଫଟୋ ମଧ୍ୟ ରହିଛି । ରାଜା ସ୍ୱାଇଁଙ୍କ ପ୍ରତିନିଧି ଶେଖ ସାହାନବାଜ ଏହି କାର୍ଯ୍ୟକ୍ରମ ଆୟୋଜନ କରିଥିବା ଜଣାପଡ଼ିଛି । ନିର୍ବାଚନ ପାଇଁ ଏବେ ଆଦର୍ଶ ଆଚରଣ ବିଧି ଲାଗୁ ହୋଇଛି । ଏହି ସମୟରେ ଦୁଇ ପୋଲିସ ଅଧିକାରୀ ଦଳୀୟ କାର୍ଯ୍ୟକ୍ରମରେ ଯୋଗ ଦେବା ଆଦର୍ଶ ଆଚରଣ ବିଧିର ଉଲ୍ଲଂଘନ ବୋଲି ବିଜେପି ଅଭିଯୋଗ କରିଛି ।
ସେପଟେ କେଉଁ ପରିସ୍ଥିତିରେ, କେଉଁ ଉଦ୍ଦେଶ୍ୟରେ ସାମିଲ ହୋଇଥିଲେ, ନିର୍ଦ୍ଦିଷ୍ଟ ଭାବେ କିଏ ନିମନ୍ତ୍ରଣ କରିଥିଲା, ଏ ସଂପର୍କରେ ସଂପୃକ୍ତ ଦୁଇ ପୋଲିସ ଅଧିକାରୀ କିମ୍ବା ବିଜେଡିର ପ୍ରତିକ୍ରିୟା ମିଳିପାରିନି । ସେପଟେ ନିର୍ବାଚନ ପାଇଁ ସରଗରମ ରହିଛି ରାଜ୍ୟ ରାଜଧାନୀ । ନିର୍ବାଚନ ପାଖେଇବା ସହ ଜମିଲାଣି ପ୍ରଚାର ।
Also Read
ରାଜ୍ୟରେ ୩ ପ୍ରମୁଖ ଦଳ ପ୍ରାର୍ଥୀ ଘୋଷଣା କରିବା ପରେ ମଇଦାନରେ ଭୋଟ ହାତେଇବା ପାଇଁ ସବୁ ଦଳର ପ୍ରାର୍ଥୀ ଉଦ୍ୟମ ଆରମ୍ଭ କରିଛନ୍ତି । କୋରେଇ ନିର୍ବାଚନ ମଣ୍ଡଳୀରୁ ବିଜେପି ବିଧାୟକ ପ୍ରାର୍ଥୀ ତଥା ଓଲିଉଡ୍ ଅଭିନେତା ଆକାଶ ଦାସ ନାୟକ ପ୍ରଚାର ମଇଦାନକୁ ଓହ୍ଲାଇଛନ୍ତି । ସେ ପ୍ରଥମେ ଦଳର କର୍ମୀ ମାନଙ୍କ ସହ ଆଲୋଚନା କରିଛନ୍ତି ।
ତେବେ କର୍ମୀ ସମ୍ମିଳନୀରେ ଆକାଶ କହିଛନ୍ତି କେବଳ କୋରେଇରେ ନୁହେଁ ସାରା ରାଜ୍ୟରେ ଲୋକେ ପରିବର୍ତ୍ତନ ଚାହୁଁଛନ୍ତି । ତେଣୁ ଏଥର ପରିବର୍ତ୍ତନ ନିଶ୍ଚିତ ବୋଲି ସେ କହିଛନ୍ତି । ସେହିପରି ପ୍ରଚାରରେ କଂଗ୍ରେସ ବି ପଛରେ ନାହିଁ । ବେଗୁନିଆ ଆସନର କଂଗ୍ରେସ ପ୍ରାର୍ଥୀ ପୃଥ୍ୱୀବଲ୍ଲଭ ପଟ୍ଟନାୟକ ଲୋକଙ୍କ ପାଖକୁ ଯାଇ ଭୋଟ ମାଗିବା ସହ ବିରାଟ ଶୋଭାଯାତ୍ରା କରିଥିଲେ ।
ପୂର୍ବତନ ମୁଖ୍ୟମନ୍ତ୍ରୀ ଜାନକୀବଲ୍ଲଭ ପଟ୍ଟନାୟକଙ୍କ ପୁଅ ହେଉଛନ୍ତି ପୃଥ୍ୱୀବଲ୍ଲଭ । ଆଜି ଜାନକୀଙ୍କ ଶ୍ରାଦ୍ଧ ବାର୍ଷିକୀରେ ସେ ପ୍ରଚାର ଆରମ୍ଭ କରିଛନ୍ତି । ବେଗୁନିଆ ନିର୍ବାଚନ ମଣ୍ଡଳୀର ସାରୁଅ ଠାରୁ ଏକ ବିରାଟ ଶୋଭାଯାତ୍ରାରେ ବାହାରି ଭୋଟ ମାଗିଥିଲେ ପୃଥ୍ୱୀବଲ୍ଲଭ । ବିଜେଡି ପ୍ରାର୍ଥୀ ମାନେ ମଧ୍ୟ ଚଳାଇଛନ୍ତି ପ୍ରଚାର । ଚିତ୍ରକୋଣ୍ଡା ବିଧାନସଭା କ୍ଷେତ୍ରରେ ବିଜେଡି ପ୍ରାର୍ଥୀ ଲକ୍ଷ୍ମୀପ୍ରିୟା ନାୟକ ମଧ୍ୟ ଗ୍ରାଉଣ୍ଡ ଜିରୋରେ ପ୍ରଚାର କରିଛନ୍ତି । ରାଜ୍ୟରେ ମଖ୍ୟମନ୍ତ୍ରୀ ନବୀନ କରିଥିବା ବିକାଶ ଧାରାକୁ ଆଗକୁ ନେବେ ବୋଲି ସେ କହିଛନ୍ତି ।
