ବିଜେଡି ରାସ୍ତାରେ କଣ୍ଟା କେନ୍ଦୁପତ୍ର କର୍ମଚାରୀ ସଂଘ, କହିଲେ ନିର୍ବାଚନରେ ଜବାବ ଦେବୁ !

ବଲାଙ୍ଗୀର ଜିଲ୍ଲା ପାଟଣାଗଡ଼ରେ ବିଜେଡି ବିଧାୟକ ପ୍ରାର୍ଥୀଙ୍କୁ କେନ୍ଦୁପତ୍ର କର୍ମଚାରୀ ସଂଘର ଖୋଲା ବିରୋଧ । ସଂଘ କର୍ମକର୍ତ୍ତାଙ୍କୁ ଟିକେଟ ମିଳିନଥିବାରୁ ସ୍ଥାନୀୟ
ବିଜେଡି ପ୍ରାର୍ଥୀଙ୍କୁ ବିରୋଧ କରିବ ବୋଲି ପ୍ରେସମିଟରେ ଘୋଷଣା କରିଛି ସଂଘ । ବିଜେଡି ପ୍ରାର୍ଥୀ, ସଂଘର କର୍ମକର୍ତ୍ତାଙ୍କୁ ଅଣଦେଖା କରୁଥିବାରୁ ଏଭଳି ନିଷ୍ପତ୍ତି ନିଆଯାଇଥିବା ସଂଘ ପକ୍ଷରୁ କୁହାଯାଇଛି । ପାଟଣାଗଡ଼ ନିର୍ବାଚନ ମଣ୍ଡଳୀରେ କେନ୍ଦୁପତ୍ର ସଂଘର ପ୍ରାୟ ୫୫ ହଜାର ସଦସ୍ୟ ଥିବା ବେଳେ, ନିର୍ବାଚନରେ ଉଚିତ ଜବାବ ଦିଆଯିବ ବୋଲି ସଂଘ ଚେତାଇ ଦେଇଛି । ସେପଟେ କେନ୍ଦୁପତ୍ର କର୍ମଚାରୀ ସଂଘର ଅଭିଯୋଗ ନେଇ ବିଜେଡିର ପ୍ରତିକ୍ରିୟା ମିଳିପାରିନି ।