ଦିଲ୍ଲୀ ଯିବେ ୨୨ ଜଣିଆ ବିଜେପି ବିଧାୟକ ଦଳ, ରାଷ୍ଟ୍ରପତି-ପ୍ରଧାନମନ୍ତ୍ରୀ ଓ ବିଜେପି ଅଧ୍ୟକ୍ଷଙ୍କୁ ଭେଟିବା କାର୍ଯ୍ୟକ୍ରମ

ବିରୋଧୀଦଳ ନେତା ଜୟନାରାୟଣ ମିଶ୍ରଙ୍କ ନେତୃତ୍ୱରେ ଦିଲ୍ଲୀ ଯିବ ବିଜେପି ବିଧାୟକ ଦଳ। ରାଜ୍ୟ ବିଜେପିର ସମସ୍ତ ୨୨ ଜଣ ଯାକ ବିଧାୟକ ଦିଲ୍ଲୀ ଯିବେ। ଏନେଇ ତାରିଖ ନିର୍ଘଣ୍ଟ ହୋଇ ନ ଥିବାବେଳେ ଖୁବଶୀଘ୍ର ଦିଲ୍ଲୀ ଯିବେ। ସେଠାରେ ରାଷ୍ଟ୍ରପତି, ପ୍ରଧାନମନ୍ତ୍ରୀ, ଗୃହମନ୍ତ୍ରୀ ଓ ନିର୍ବାଚନ ଆୟୋଗଙ୍କୁ ସାକ୍ଷାତ କରିବେ ବୋଲି କହିଛନ୍ତି ବିରୋଧୀଦଳ ନେତା ଜୟନାରାୟଣ ମିଶ୍ର। ଏଥିସହ ବିଧାୟକମାନେ ଦଳର ରାଷ୍ଟ୍ରୀୟ ସଭାପତି ଜେପି ନଡ୍ଡାଙ୍କୁ ମଧ୍ୟ ଭେଟି ସଂଗଠନ ବାବଦରେ ଆଲୋଚନା କରିବେ ବୋଲି ସୂଚନା ମିଳିଛି।

#ଦିଲ୍ଲୀ_ଯିବେ_୨୨_ବିଜେପି_ବିଧାୟକ
ଦିଲ୍ଲୀ ଯିବେ ଓଡ଼ିଶାର ୨୨ ଜଣିଆ ବିଜେପି ବିଧାୟକ ଦଳ । ବିରୋଧୀ ଦଳ ନେତା ଜୟନାରାୟଣ ମିଶ୍ରଙ୍କ ନେତୃତ୍ୱରେ ଯିବେ । ତାରିଖ ସ୍ଥିର ହୋଇ ନଥିବା ବେଳେ ଖୁବଶୀଘ୍ର ଯିବା ନେଇ ସୂଚନା । ରାଷ୍ଟ୍ରପତି, ପ୍ରଧାନମନ୍ତ୍ରୀ, ଗୃହମନ୍ତ୍ରୀଙ୍କୁ ଭେଟିବେ ବିଧାୟକ ଦଳ । #BJP#Odisha#OTVpic.twitter.com/IPjPIckNXR

— ଓଟିଭି (@otvkhabar) October 12, 2023

ଏହା ପରେ ବିଜେପି ବିଧାୟକ ଦଳ ରେଳମନ୍ତ୍ରୀ ଓ ଏସିଏସଟି ମନ୍ତ୍ରୀଙ୍କୁ ଭେଟିବାର କାର୍ଯ୍ୟକ୍ରମ ରହିଛି। ରାଜ୍ୟରେ ବଢୁଥିବା ଦୁର୍ନୀତି ନେଇ ଇଡି ଓ ସିବିଆଇ ତଦନ୍ତ ନେଇ ବି ଆଲୋଚନା ହେବ ବୋଲି କହିଛନ୍ତି ଜୟନାରାୟଣ। ସେପଟେ ବିଜେପି ବିଧାୟକ ଦିଲ୍ଲୀ ଯିବା ପ୍ରସଙ୍ଗରେ ପିସିସି ସଭାପତି କହିଛନ୍ତି ବିଜେପି-ବିଜେଡି ଭାଇ ଭାଇ। ଯେତେ ଦିଲ୍ଲୀ ଗଲେ କେନ୍ଦ୍ର କିଛି ଶୁଣିବନି। ଚିଟ୍‌ଫଣ୍ଡ ଓ ଖଣି ଦୁର୍ନୀତିରେ ସିବିଆଇ ଓଡ଼ିଶାରେ କ’ଣ କରିଛି ବୋଲି ପ୍ରଶ୍ନ କରିଛନ୍ତି ଶରତ ପଟ୍ଟନାୟକ। ବିଜେଡି ବି ଏ ପ୍ରସଙ୍ଗରେ ପ୍ରତିକ୍ରିୟା ରଖିଛି ।