ନରସିଂହଙ୍କ ଧମକ ! ନୂଆଁଖାଇ ବେଳେ ବାଚସ୍ପତି ନିର୍ବାଚନ, ଭାଗ ନେବନି କଂଗ୍ରେସ...

ବିଧାନସଭା ବାଚସ୍ପତି ନିର୍ବାଚନରେ ଅଂଶଗ୍ରହଣ କରିବ ନାହିଁ କଂଗ୍ରେସ । ଏମିତି କହିଛନ୍ତି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର । କାରଣ ପଶ୍ଚିମ ଓଡ଼ିଶାର ସବୁଠୁ ବଡ଼ ପର୍ବ ନୂଆଖାଇ ୨ ଦିନ ଧରି ପାଳିତ ହୁଏ । ଦୁର୍ଭାଗ୍ୟର କଥା ମୁଖ୍ୟମନ୍ତ୍ରୀ ୨୧ରେ ବିଧାନସଭା ଡାକିଛନ୍ତି । ପ୍ରତିବାଦ ସତ୍ତ୍ୱେ କର୍ଣ୍ଣପାତ କରୁନାହାନ୍ତି, ଏହା ପଶ୍ଚିମ ଓଡ଼ିଶା ପ୍ରତି ଉପହାସ ।

ପଶ୍ଚିମ ଓଡ଼ିଶାବାସୀଙ୍କ ଭାବାବେଗ ସହ ଖେଳାଯାଉଛି ବୋଲି ଅଭିଯୋଗ କରି ନିର୍ବାଚନରେ ଅଂଶଗ୍ରହଣ କରିବୁନୁ ବୋଲି କହିଛନ୍ତି ନରସିଂହ । ତେବେ ପ୍ରତିକ୍ରିୟାରେ ଯୋଜନା ଓ ସଂଯୋଜନା ମନ୍ତ୍ରୀ ରାଜେନ୍ଦ୍ର ଢୋଲକିଆ କହିଛନ୍ତି, ସେଇଟା ସଂସଦୀୟ ବ୍ୟାପାର ବିଭାଗର କଥା। ମୁଖ୍ୟମନ୍ତ୍ରୀଙ୍କୁ ସେ ଏଇ ବିଷୟରେ ନିହାତି ଅବଗତ କରିଥିବେ । ସେ ଯାହା ନିଷ୍ପତ୍ତି ନେବେ ସେଇଟା ଅଧିକାର କ୍ଷେତ୍ରର କଥା । କିନ୍ତୁ ପଶ୍ଚିମ ଓଡ଼ିଶା ପ୍ରତି ସରକାର କେବେ ବି ବୈମାତୃକ ମନୋଭାବ କରି ନାହାନ୍ତି ବୋଲି କହିଛନ୍ତି ଢ଼ୋଲକିଆ ।