ଉତ୍ତର ରଖିଲେ ସାଂସଦ ଅପରାଜିତା ? ନବୀନଙ୍କୁ ଭେଟିଥିଲେ କାହିଁକି ?

ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୩ ଦିନିଆ ଦିଲ୍ଲୀଗସ୍ତରେ ଥିବା ବେଳେ ପର୍ଲାମେଣ୍ଟରେ ମଧ୍ୟ ପହଞ୍ଚିଥିଲେ । ସେଠାରେ ସମସ୍ତ ବିଜେଡି ସାଂସଦଙ୍କ ସମେତ ଦେଶର ଅନ୍ୟ ନେତାଙ୍କୁ ବି ଭେଟିଥିଲେ । ତେବେ ଏହାରି ଭିତରେ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀଙ୍କ ସହ ମଧ୍ୟ ନବୀନଙ୍କ ଭେଟଘାଟ ହୋଇଛି । ଯାହାକୁ ନେଇ ରାଜ୍ୟ ରାଜନୀତିରେ ଚର୍ଚ୍ଚା ଜୋର ଧରିଛି ।

Also Read

ପାର୍ଲାମେଣ୍ଟକୁ ହାଇଡ୍ରୋଜେନ ଚାଳିତ କାରରେ ଆସିଲେ ମନ୍ତ୍ରୀ

Read More

ରାଧେ ମା’ଙ୍କ ପୁଅ ଆଗରେ ଫିକା ପଡିଯିବେ ବଲିଉଡ୍ ହିରୋ

Read More

ପଲିଗ୍ରାଫ୍ ଟେଷ୍ଟ; ମିଛ ଧରା ପରୀକ୍ଷାରେ ମିଛ କହିଲେ ଠକ ଡାକ୍ତର

Read More

This is what our SANSKAR is all about.
There may be differences in our political ideologies,but we must not forget to extend basic courtesies to one & all. Saw Hon'ble CM,Odisha, sitting in the Central Hall of Parliament yesterday.Paid respects to him in line with our tradition. pic.twitter.com/qYeJPQgZb5

— Aparajita Sarangi, Member of Parliament (@AprajitaSarangi) March 30, 2022

ତେବେ ନବୀନ ଦିଲ୍ଲୀ ଯାଇ ପର୍ଲାମେଣ୍ଟରେ ପହଞ୍ଚିଥିବା ବେଳେ ମୋଦି କିମ୍ବା ଅମିତ ଶାହଙ୍କୁ ଭେଟି ନାହାନ୍ତି । ହେଲେ ବିଜେପି ନେତ୍ରୀ ତଥା ସାଂସଦ ଅପରାଜିତାଙ୍କ ସହ ତାଙ୍କର ଭେଟଘାଟ ହୋଇଛି । ଯାହାକୁ ନେଇ ଏ‍ବେ ରାଜନୀତି ଜୋର ଧରିଛି । ନବୀନଙ୍କୁ କାହିଁକି ଭେଟିଲେ ଅପରାଜିତା ? କ’ଣ ରହିଛି ଉଦ୍ଦେଶ୍ୟ ? ତେବେ ଏଭଳି ପ୍ରଶ୍ନ ଉଠିବା ସ୍ୱାଭାବିକ୍‌ । କାରଣ ରାଜ୍ୟରେ ବିଜେପିର ଯେଭଳି ସ୍ଥିତି ରହିଛି ଆଉ ଅପରାଜିତା ମାଡାମ୍‌ଙ୍କ ଗୋଠଖଣ୍ଡିଆ ଗୁଣ ବିଷୟରେ ସମସ୍ତେ ଜାଣନ୍ତି । ଅନ୍ୟପଟେ ଆଗକୁ ଆସୁଛି ରାଜ୍ୟସଭା ନିର୍ବାଚନ ଓ ରାଷ୍ଟ୍ରପତି ନିର୍ବାଚନ । ଏହାରି ଭିତରେ ମୁଖ୍ୟମନ୍ତ୍ରୀ ଅପରାଜିତା ଭେଟଘାଟ ନିଶ୍ଚିତ ଭାବେ ଚର୍ଚ୍ଚାର ବିଷୟ ।

ତେବେ ଏହି ସବୁ ଚର୍ଚ୍ଚାର ଅନ୍ତ ଘଟାଇଛନ୍ତି ଖୋଦ ଅପରାଜିତା । ସେ ଟ୍ୱିଟ୍ କରି ଲେଖିଛନ୍ତି ଯେ, ‘ପାର୍ଲାମେଣ୍ଟର ସେଣ୍ଟ୍ରାଲ୍ ହଲ୍‌ରେ ମୁଖ୍ୟମନ୍ତ୍ରୀ ବସିଥିବା ଦେଖି ପରମ୍ପରା ଅନୁଯାୟୀ ତାଙ୍କୁ ସାକ୍ଷାତ କରିଛି । ଏହାସହ ସମ୍ମାନ ପ୍ରଦର୍ଶନ କରିଛି । ଯାହା ସଂସ୍କାର ତାହା କରିଛିି ।’ ସେ ଆହୁରି ମଧ୍ୟ ଲେଖିଛନ୍ତି, ରାଜନୈତିକ ମତ ପାର୍ଥକ୍ୟ ସତ୍ତ୍ୱେ ଜଣେ ଅନ୍ୟ ଜଣଙ୍କ ପ୍ରତି ସର୍ବନିମ୍ନ ସୌଜନ୍ୟ ପ୍ରଦର୍ଶନ କରିବାକୁ ଭୁଲିଯିବା ଉଚିତ୍ ନୁହେଁ ।

ଅନ୍ୟପଟେ ପୁରୀ ପ୍ରସଙ୍ଗରେ ASI ଡିଜିଙ୍କୁ ଭେଟିଛନ୍ତି ଅପରାଜିତା । ପୁରୀ ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ନେଇ ବିବାଦ ପ୍ରସଙ୍ଗରେ ନୂଆଦିଲ୍ଲୀରେ ASI ଡିଜିଙ୍କୁ ଭେଟିଛନ୍ତି ସାଂସଦ ଅପରାଜିତା ଷଡ଼ଙ୍ଗୀ । ଶ୍ରୀମନ୍ଦିର ନିକଟରେ ଚାଲିଥିବା ଖନନ କାର୍ଯ୍ୟ ନେଇ ଅବଗତ କରିଛିନ୍ତି । ପୁରୀ ଗସ୍ତ କାଳରେ ସଂଶୋଧିତ ଡିପିଆର୍ ଦେବାକୁ କହିଥିଲେ ଡିଜି । ସଂଶୋଧିତ ଡିପିଆର ମଗାଯାଇଥିଲେ ବି ନିର୍ମାଣ କାର୍ଯ୍ୟ ବନ୍ଦ ହୋଇନି ବୋଲି କହିଛନ୍ତି ଅପରାଜିତା । ଗତ ମାସେ ହେଲାଣି ଖନନ କାର୍ଯ୍ୟ ଚାଲିଥିବା ସେ କହିଛନ୍ତି । ଏ ସଂପର୍କରେ ଡିଜିଙ୍କୁ ଜଣାଇବା ସହ ଲୋକସଭାରେ ବି ଉଠାଇବେ ବୋଲି କହିଲେ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ।