LIVE TV
ପୁଣି ଉଠିଲା ମାହାଙ୍ଗା ଡବଲ ମର୍ଡର ଘଟଣା । ଘଟଣାକୁ ବର୍ଷେ ପୂରିଲା ହେଲେ ମାମଲା ଯେଉଁଠି ଥିଲା ସେଇଠି ଅଛି । ମୁଖ୍ୟମନ୍ତ୍ରୀଙ୍କୁ ଏଭଳି କଡ଼ା ସମାଲୋଚନା କରିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେ କହିଛନ୍ତି ଆଜି ମାହାଙ୍ଗା ଡବଲ ମର୍ଡର ଘଟଣାରେ ମୃତ କୁଳମଣି ବରାଳ ଓ ତାଙ୍କ ସାଥି ଦିବ୍ୟସିଂହ ବରାଳଙ୍କ ପ୍ରଥମ ଶ୍ରାଦ୍ଧବାର୍ଷିକୀ । ତାଙ୍କୁ ବିଚ୍ ରାସ୍ତାରେ ଗୁଳି କରି ହତ୍ୟା କରାଯାଇଥିଲା । ଏହି ଘଟଣାରେ ଆଇନ୍ ମନ୍ତ୍ରୀଙ୍କ ନାଁ ଥିଲା । କିନ୍ତୁ ସ୍ଥାନୀୟ ପୋଲିସ ବେଆଇନ୍ ଭାବେ ତାଙ୍କ ନାଁକୁ ମାମଲାରୁ ହଟାଇଦେଲା । ସବୁ ଜାଣି ମଧ୍ୟ ମୁଖ୍ୟମନ୍ତ୍ରୀ ଚୁପ୍ ବସିଛନ୍ତି ।
Also Read
କୁଳମଣିଙ୍କ ହତ୍ୟା ଘଟଣାର ମୁଖ୍ୟ ଅଭିଯୁକ୍ତକୁ ମଧ୍ୟ ପୋଲିସ ଧରିଲା ନାହିଁ । ଶେଷରେ ମନ୍ତ୍ରୀଙ୍କ ବ୍ୟାବସାୟିକ ପେଣ୍ଠସ୍ଥଳ ନିକଟରେ ମୁଖ୍ୟ ଅଭିଯୁକ୍ତଙ୍କ ମୃତ୍ୟୁ ହେଲା । ତାକୁ ମଧ୍ୟ ପୋଲିସ ଗୁରୁତ୍ୱର ସହ ନେଲା ନାହିଁ । ଏମିତି ବିଭିନ୍ନ ଦିଗକୁ ନେଇ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପରେ ବର୍ଷିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
କୁଳମଣି ସ୍ମୃତି ସଂସଦ ପକ୍ଷରୁ ଆୟୋଜିତ ସ୍ୱର୍ଗତ କୁଳମଣି ବରାଳ ଓ ଦିବ୍ୟସିଂହ ବରାଳଙ୍କ ପ୍ରଥମ ବାର୍ଷିକ ସ୍ମୃତି ସଭାରେ ଭିସି ଜରିଆରେ ଯୋଗଦେଇ ଶ୍ରଦ୍ଧାଞ୍ଜଳି ଅର୍ପଣ କଲି । ଗରିବ ମାନଙ୍କ ପ୍ରତି ହେଉଥିବା ଅନ୍ୟାୟ, ଅତ୍ୟାଚାର ବିରୁଦ୍ଧରେ ସ୍ୱର ଉତ୍ତୋଳନ କରୁଥିବା ଏହି ଦିବଙ୍ଗତ ବିଜେପି ନେତାଙ୍କ ବଳିଦାନ ବ୍ୟର୍ଥ ଯିବ ନାହିଁ । pic.twitter.com/SaSlmiMvRO
— Dharmendra Pradhan (@dpradhanbjp) January 6, 2022
ହତ୍ୟାକାଣ୍ଡର ବର୍ଷକ ପରେ ଆଜି କେଉଁ ଅବସ୍ଥାରେ ଏହି ମାମଲା ରହିଛି ବୋଲି ସେ ପ୍ରଶ୍ନ କରିଛନ୍ତି । ଏମିତିକି ତଳ କୋର୍ଟ ନିଷ୍ପତ୍ତିକୁ କାହିଁକି ନବୀନ ପଟ୍ଟନାୟକଙ୍କ ପୋଲିସ ମାନିଲାନି ବୋଲି ସେ ପ୍ରଶ୍ନ କରିଛନ୍ତି । ମୁଖ୍ୟମନ୍ତ୍ରୀଙ୍କୁ ଓଡ଼ିଆ ଲୋକଙ୍କ ଚିନ୍ତା ନାହିଁ କି ତାଙ୍କ ପାଇଁ ଦରଦ ନାହିଁ ବୋଲି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ।
Mahanga Double Murderସେ ମୁଖ୍ୟମନ୍ତ୍ରୀଙ୍କୁ ଟାର୍ଗେଟ୍ କରି ଆହୁରି କହିଛନ୍ତି, ‘ଜୋର ଜବରଦସ୍ତ ଶାସନ ଚଳାଇବା ଆପଣଙ୍କ ନୀତି ହୋଇଯାଇଛି । ଆପଣଙ୍କ ଅହଂକାର ପ୍ରଭୁ ଜଗନ୍ନାଥ ଦେଖୁଛନ୍ତି । ପ୍ରଭୁଙ୍କ ଉପରେ ଭରସା ଅଛି, ଆପଣଙ୍କ ଦିନ କାଳ ଧୀରେ ଧୀରେ ଶେଷ ହେବ ।’
