Tej Pratap Expelled: ବଡ଼ ପୁଅ ଉପରେ ଲାଲୁଙ୍କ ବଡ଼ ଆକ୍ସନ, RJD ସହ ପରିବାରରୁ ବିଦା ହେଲେ ତେଜପ୍ରତାପ

ବଡ଼ ପୁଅ ତେଜ ପ୍ରତାପଙ୍କୁ RJDରୁ ବହିଷ୍କାର କଲେ ଲାଲୁ ଯାଦବ । ୬ ବର୍ଷ ପାଇଁ ଲାଲୁ ନିଜ ପୁଅକୁ ଦଳରୁ ବହିଷ୍କାର କରିଥିବା ଜଣାପଡିଛି । ବିଶୃଙ୍ଖଳିତ ଆଚରଣ ଅଭିଯୋଗରେ ସେ ଏପରି କରିଥିବା କହିଛନ୍ତି । ଖାଲି ସେତିକି ନୁହେଁ, ପରିବାରରୁ ବିଦା କରିଥିବା ନେଇ ବି ନିଜ ସୋସିଆଲ ମିଡିଆ ହ୍ୟାଣ୍ଡେଲ ‘ଏକ୍ସ’ରେ ସୂଚନା ଦେଇଛନ୍ତି । RJD ସୁପ୍ରିମୋ ଲାଲୁ ଯାଦବ ଉଲ୍ଲେଖ କରିଛନ୍ତି, "ଜୀବନରେ ନୈତିକ ମୂଲ୍ୟବୋଧକୁ ଅବହେଳା କରିବା ଦ୍ୱାରା ସାମୂହିକ କ୍ଷତି ସହିବାକୁ ପଡୁଛି । ଆଚରଣ, ଗତିବିଧି, ପାରିବାରିକ ମୂଲ୍ୟବୋଧ, ଦାୟିତ୍ୱ ଓ ସଂସ୍କାର ଆଦିରେ ଅବହେଳାକୁ ଦୃଷ୍ଟିରେ ରଖି ମୋ ବଡ ପୁଅକୁ ଦଳରୁ ୬ ବର୍ଷ ପାଇଁ ବହିଷ୍କାର କରୁଛି । ପରିବାରରୁ ମଧ୍ୟ ବିଦା କରିଥିବାର ସେ କହିଛନ୍ତି । ବର୍ତ୍ତମାନଠାରୁ ଦଳ ଓ ପରିବାରରେ ତା'ର କୌଣସି ଭୂମିକା ରହିବ ନାହିଁ । ଯଦି କୌଣସି ବ୍ୟକ୍ତି ତା ସହ ସମ୍ପର୍କ ରଖିବାକୁ ଚାହାନ୍ତି ତେବେ ସେହି ନିର୍ଣ୍ଣୟ ସେମାନେ ହିଁ ନେବେ ।"

#ପୁଅକୁ_ବିଦା_କଲେ_ଲାଲୁ_ଯାଦବ
-ବଡ଼ ପୁଅ ତେଜ ପ୍ରତାପଙ୍କୁ RJDରୁ ବହିଷ୍କାର କଲେ ଲାଲୁ
-ବିଶୃଙ୍ଖଳିତ ଆଚରଣ ଅଭିଯୋଗରେ ୬ ବର୍ଷ ପାଇଁ ବହିଷ୍କାର କଲେ
-ପରିବାରରୁ ବିଦା ନେଇ ବି ‘ଏକ୍ସ’ରେ ଦେଲେ ସୂଚନା
-ଜୀବନର ନୈତିକ ମୂଲ୍ୟବୋଧ ହରାଇଥିବା ଲେଖିଲେ
-ବର୍ତ୍ତମାନ ଠାରୁ ତାଙ୍କର ଦଳ ଓ ପରିବାର ସହ ସମ୍ପର୍କ ନାହିଁ- ଲାଲୁ#LaluPrasadYadav… pic.twitter.com/Auki919eYf

— ଓଟିଭି (@otvkhabar) May 25, 2025

ସୂଚନା ଯୋଗ୍ୟ,ଗତକାଲି(ଶନିବାର) ବିହାରର ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବଙ୍କ ବଡ଼ ପୁଅ ତଥା ପୂର୍ବତନ ମନ୍ତ୍ରୀ ତେଜ ପ୍ରତାପଙ୍କ ଆକାଉଣ୍ଟରୁ ଅନୁଷ୍କା ଯାଦବଙ୍କ ସହ ଫଟୋ ସେୟାର ହୋଇଥିଲା । ପରେ ତେଜ ପ୍ରତାପ ଏସବୁ ସଂଶୋଧନ କରିବା ସହ ଆକାଉଣ୍ଟ ହ୍ୟାକ୍ ହୋଇଥିବା କହିଥିଲେ । ତେଜ ପ୍ରତାପ ପୂର୍ବରୁ ବିବାହିତ ହୋଇଥିବାବେଳେ ଉଭୟ ପତି ପତ୍ନୀଙ୍କ ପାରିବାରିକ ବିବାଦ ଲାଗି ରହିଛି । 

ଅଧିକ ପଢନ୍ତୁ : ଲାଲୁଙ୍କୁ ମୋଦିଙ୍କ କଡ଼ା ଜବାବ...ପୂରା ଦେଶକୁ ପରିବାର କହି ଚୁପ କରାଇଲେ ବିରୋଧୀଙ୍କ ମୁହଁ