ରାଜ୍ୟ ସରକାରଙ୍କୁ ଆଇନା ଦେଖାଇଲେ ରାଜ୍ୟପାଳ; କହିଲେ, ରାଜ୍ୟରେ ଠିକ୍‌ ଭାବେ ହୋଇନି ଜଳସେଚନ ବ୍ୟବସ୍ଥା

କୃଷି ଓଡ଼ିଶା ସମ୍ମିଳନୀ ସମାରୋହରେ ରାଜ୍ୟ ସରକାରଙ୍କୁ ଆଇନା ଦେଖାଇଲେ ରାଜ୍ୟପାଳ। ଅଭିଭାଷଣରେ ରାଜ୍ୟପାଳ କହିଛନ୍ତି, ରାଜ୍ୟରେ ଜଳସେଚନ ବ୍ୟବସ୍ଥା ଯେଉଁଭଳି ହେବା କଥା, ତାହା ହୋଇନି। ୭୦% ଲୋକେ ଗାଁରେ ବସବାସ କରି ଚାଷ ଉପରେ ନିର୍ଭର କରନ୍ତି। ବଡ଼ ଡ୍ୟାମ୍ ବଦଳରେ ଛୋଟ ଜଳସେଚନ ବ୍ୟବସ୍ଥା କଲେ ସୁଫଳ ମିଳନ୍ତା ବୋଲି କହିଛନ୍ତି ରାଜ୍ୟପାଳ । ଏଥିସହ ରାଜ୍ୟର ଚାଷୀଙ୍କ ପାଖରେ ସଠିକ ଭାବେ ପ୍ରଧାନମନ୍ତ୍ରୀ କୃଷକ ସହାୟତା ଟଙ୍କା ପହଁଚିପାରୁନି, ତେଣୁ ସେମାନଙ୍କୁ ଚିହ୍ନଟ କରିବାର ଆବଶ୍ୟକତା ରହିଛି ବୋଲି କହିଛନ୍ତି ରାଜ୍ୟପାଳ ରଘୁବର ଦାସ।

ସେପଟେ ସମ୍ମିଳନୀ ଶେଷରେ ରାଜ୍ୟ କୃଷି ମନ୍ତ୍ରୀ କହିଛନ୍ତି, ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କ ପରାମର୍ଶ ଏବଂ ଚାଷୀଙ୍କ ସହ ଆଲୋଚନା ବେଳେ ମିଳିଥିବା ତଥ୍ୟକୁ ଆଗାମୀ କୃଷି କ୍ୟାବିନେଟରେ ଉପସ୍ଥାପନ କରାଯିବ ଏବଂ କାର୍ଯ୍ୟକାରୀ କରାଯିବ।