5T ସଚିବଙ୍କୁ ସୁରକ୍ଷା ପାଇଁ ତିଆରି ହୋଇଛି କି ନୂଆ ଯୁବ ବାହିନୀ ?

5T ସଚିବଙ୍କ ଗସ୍ତକୁ ଯାଜପୁରରେ ବି ବିରୋଧ । ଜିଲ୍ଲା କଂଗ୍ରେସର ନାରାବାଜି ସହ ଯାଜପୁର ଟାଉନରେ ଶୋଭାଯାତ୍ରା । ଆଉ ଠିକ୍ ଏତିକି ବେଳେ 5T ପୋଷାକ ପିନ୍ଧି, ହାତରେ ବାଉଁଶ ବହ୍ଲା ଧରି ରାସ୍ତାରେ ବୁଲୁଛନ୍ତି ଯୁବଗୋଷ୍ଠୀ । ସାମ୍ନାସାମ୍ନି କଂଗ୍ରେସ କର୍ମୀ ଏବଂ 5T ପୋଷାକ ପିନ୍ଧି ବାଉଁଶ ବହ୍ଲା ଧରିଥିବା ଯୁବକ ।

Also Read

ବର୍ଷକରେ ୨୩ ଜଣଙ୍କ ଆତ୍ମହତ୍ୟା, ଗତ ୨୪ ଘଣ୍ଟାରେ ୨ ଜଣ ହାରିଲେଣି ଜୀବନ

Read More

ପୁଣୀ ଚୀନ୍‌ର ଔଦ୍ଧତ୍ୟ ! ଭାରତର ଅରୁଣାଚଳକୁ କହିଲା ଚୀନ୍‌ ଦେଶର...

Read More

ଭାରତରେ ଲଞ୍ଚ ହେଲା ପ୍ରଥମ ଇଥାନଲ୍‌ ଚାଳିତ ଗାଡ଼ି, ଜାଣନ୍ତୁ ପୂରା ତଥ୍ୟ..

Read More

ଗୁରୁତ୍ୱପୂର୍ଣ୍ଣ ହେଉଛି, ଏସବୁ ଘଟୁଥିଲା ପୋଲିସର ଉପସ୍ଥିତିରେ । ଉଭୟ ଗୋଷ୍ଠୀଙ୍କ ମଝିରେ ରହି ଝଗଡ଼ା ରୋକିବାକୁ ଚେଷ୍ଟା କରୁଥିଲା ପୋଲିସ । ତେବେ 5T ପୋଷାକଧାରୀ ଏହି ଗୋଷ୍ଠୀ କିଏ ? କାହିଁକି ଏମାନଙ୍କ ହାତରେ ଥିଲା ବାଉଁଶ ବହ୍ଲା ? ଏମାନଙ୍କର ଏଭଳି ଉଗ୍ର ଆଚରଣ କାହିଁକି ଏବଂ କାହା ଉଦ୍ଦେଶ୍ୟରେ ? କାହା ସୁରକ୍ଷାରେ ବାହାରିଛନ୍ତି ଏମାନେ ?

ଏଭଳି ନାନା ପ୍ରଶ୍ନ ଆଉ ଚର୍ଚ୍ଚା ଭିତରେ କଂଗ୍ରେସର ସିଧା ନିଶାନା ବିଜେଡି ଆଡ଼କୁ। କିଛି ସମୟର ଏଭଳି ଛକାପଞ୍ଛା ପରେ କଂଗ୍ରେସ ପକ୍ଷରୁ ଏନେଇ ଥାନାରେ ଏତଲା ଦିଆଯାଇଛି। ଏ ସଂପର୍କରେ ପୋଲିସ, ଯାଜପୁର ବିଜେଡି କିମ୍ବା 5T ପୋଷାକଧାରୀଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳିନଥିବାବେଳେ କଂଗ୍ରେସ ଏହାକୁ ଗୁଣ୍ଡାଗର୍ଦ୍ଦିର ଆଖ୍ୟା ଦେଇଛି।

5T ସଚିବଙ୍କ ୩ ଦିନିଆ ଯାଜପୁର ଗସ୍ତର ଆଜି ଥିଲା ପ୍ରଥମ ଦିନ। ଜିଲ୍ଲା କଂଗ୍ରେସ ତ ବିରୋଧ କଲା, ତାସହ ରାଜ୍ୟ ମହିଳା କଂଗ୍ରେସ ସଭାନେତ୍ରୀ ବନ୍ଦିତା ପରିଡ଼ାଙ୍କ ନେତୃତ୍ୱରେ କଳା ଶାଢ଼ୀ ପିନ୍ଧି ବ୍ୟାସନଗର ଗୋପବନ୍ଧୁ ଛକରୁ ରାଲି କରି ନାରାବାଜି ଦିଆଯାଇଥିଲା। ତେବେ ଚୋର୍ଦ୍ଦା ଛକରେ ଏମାନଙ୍କ ରୋକିବାରୁ ପୋଲିସ ସହ ଧସ୍ତାଧସ୍ତି ପରିସ୍ଥିତି ବି ସୃଷ୍ଟି ହୋଇଥିଲା।

ଗତ କିଛିଦିନ ତଳେ 5T ସଚିବଙ୍କ ସୁରକ୍ଷାକର୍ମୀ ପିଙ୍କ୍ ଓ ବ୍ଲୁ ପିନ୍ଧି ଚର୍ଚ୍ଚାକୁ ଆସିଥିଲେ। ଆଉ ଆଜି ପ୍ରଥମ ଥର ପାଇଁ ଯାଜପୁରରେ ଆବିର୍ଭାବ ହୋଇଛନ୍ତି 5T ଲେଖାଥିବା ଧଳା ପୋଷାକଧାରୀ। ତେବେ ରଙ୍ଗ ବେରଙ୍ଗର ବେଶ ପୋଷାକ ପିନ୍ଧି 5T ସଚିବଙ୍କ ସୁରକ୍ଷା ପଛର ରହସ୍ୟ କ’ଣ ? ତାକୁ ନେଇ ଏବେ ନାନା ଚର୍ଚ୍ଚା ଲାଗିରହିଛି।