ଥମୁନି କନ୍ଦଳ, ତାରା କହିଲେ ନିରଞ୍ଜନଙ୍କ ବିରୋଧରେ ଲଢ଼େଇ ଜାରି ରହିବ

ଭୁବନେଶ୍ୱର: ରାଜ୍ୟ କଂଗ୍ରେସରେ ଅନ୍ତଃକନ୍ଦଳ ଥମିବାର ନାଁ ଧରୁନି । ସିଧାସଳଖ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କୁ ଟାର୍ଗେଟ କରିଛନ୍ତି କଂଗ୍ରେସର ବରିଷ୍ଠ ନେତା ତଥା ବିଧାୟକ ତାରା ପ୍ରସାଦ ବାହିନୀପତି । ସେ କହିଛନ୍ତି ଯେ, ଦଳରେ ରହିବି କିନ୍ତୁ ନିରଞ୍ଜନଙ୍କ ବିରୋଧରେ ଲଢ଼େଇ ଜାରି ରହିବ । ନିରଞ୍ଜନଙ୍କ ବୟସ ହୋଇଗଲାଣି, ପିସିସି ସଭାପତି ପଦ ଛାଡିଦେବା କଥା ।

ପିସିସି ସଭାପତି, ବିବାଦର ସମାଧାନ କରିବା ବଦଳରେ ବିବାଦ ବଢ଼ାଉଛନ୍ତି ବୋଲି କହିଛନ୍ତି ତାରା । ସେ ଆହୁରି ମଧ୍ୟ କହିଛନ୍ତି ବିଜେଡି MLA ନବୀନଙ୍କ ନାଁରେ, ବିଜେପି MLA ମୋଦିଙ୍କ ନାଁରେ ଜିତନ୍ତି ହେଲେ କଂଗ୍ରେସ MLA ନିରଞ୍ଜନଙ୍କ ନାଁରେ ଜିତନ୍ତିନି ବୋଲି କହି ତାରା ଟାର୍ଗେଟ କରିଛନ୍ତି । ସେପଟେ ତାରାଙ୍କ ଅଭିଯୋଗ ନେଇ ପିସିସି ସଭାପତିଙ୍କ ପ୍ରତିକ୍ରିୟା ମିଳିନଥିବା ବେଳେ କଂଗ୍ରେସ ନେତା ଆର୍ଯ୍ୟ କୁମାର ଜ୍ଞାନେନ୍ଦ୍ର କହିଛନ୍ତି, ହାଇକମାଣ୍ଡଙ୍କୁ ନଜଣାଇ ଏମିତି ସର୍ବସାଧାରଣରେ କହିବା ଠିକ୍ ନୁହେଁ । ତାରାଙ୍କ ଏଭଳି ବୟାନ ଦେବା ଉଚିତ୍‌ ନୁହେଁ ।

Also Read

ଏଣିକି ବ୍ଲକରେ ହେବ ପଞ୍ଚାୟତ ନିର୍ବାଚନ ଭୋଟ ଗଣତି

ନିଜକୁ ଶ୍ରମ କର୍ମଚାରୀ କହି ଲୁଟି ନେଲେ ହଜାର ହଜାର ଟଙ୍କା

ପିଲାଙ୍କ ଉପରେ ପରୀକ୍ଷଣ ହେବ ଜନ୍‌ସନ୍‌ ଆଣ୍ଡ ଜନ୍‌ସନ୍‌ ସିଙ୍ଗିଲ୍ ଡୋଜ୍ ଟିକା

ସୂଚନାଯୋଗ୍ୟ, କୋରାପୁଟ ସାଂସଦ ସପ୍ତଗିରି ଉଲ୍ଲାକା କରିଥିବା ପ୍ରେସମିଟକୁ ଜୟପୁର ବିଧାୟକ ତାରା ପ୍ରସାଦ ବାହିନୀପତିଙ୍କୁ ଡକାଯାଇ ନଥିଲା । ତେଣୁ ପିସିସି ସଭାପତିଙ୍କ ଉପରେ ଗର୍ଜିଥିଲେ ତାଙ୍କ ପତ୍ନୀ ତଥା କୋରାପୁଟ ଜିଲ୍ଲା କଂଗ୍ରେସ ସଭାପତି ମିନାକ୍ଷୀ ବାହିନିପତି । ପିସିସି ସଭାପତି ଦୃଷ୍ଟି ନଦେଲେ ନିଜ ସମର୍ଥକଙ୍କ ସହ ସେ ଇସ୍ତଫା ଦେବେ ବୋଲି ଧମକ ଦେଇଥିଲେ ।

ମୀନାକ୍ଷୀ କହିଥିଲେ, ଉକ୍ତ ପ୍ରେଟସମିଟ୍‌ରେ ଜିଲ୍ଲାର ସମସ୍ତ ଦଳୀୟ ନେତୃବୃନ୍ଦ ଉପସ୍ଥିତ ଥିଲେ । ହେଲେ ତାଙ୍କ ସ୍ୱାମୀ ତଥା ଜୟପୁର ବିଧାୟକ ତାରା ପ୍ରସାଦ ବାହିନୀପତିଙ୍କୁ ଡକାଯାଇ ନଥିଲା । ଏନେଇ ତାରାଙ୍କ ପାଖରେ କିଛି ଖବର ନଥିଲା । ଏମିତି ହେଲେ କୋରାପୁଟ ଜିଲ୍ଲାରେ କଂଗ୍ରେସ କ୍ଷତିଗ୍ରସ୍ତ ହେବ । ସାଂସଦ ଯେଉଁ କାମ କରୁଛନ୍ତି, ତାହା ଦଳ ପାଇଁ ଶୁଭଙ୍କର ନୁହେଁ । କଂଗ୍ରେସ କେବେ ମରିନି । କଂଗ୍ରେସ ଅଛି ଓ ରହିବ । କିନ୍ତୁ ଦଳ ଭିତରେ ଯେଉଁ ବିଭେଦ ସୃଷ୍ଟି କରାଯାଉଛି, ତାହା କୋରାପୁଟ ଜିଲ୍ଲା କଂଗ୍ରେସ ପାଇଁ ଉଚିତ୍‌ ନୁହେଁ ।

OTV is now on Whatsapp

Join and get latest news update delivered to you via whatsapp

Join Now