ଆସନ୍ତା ୧୯ରେ ଦିଲ୍ଲୀ ଯିବେ ବିଜେପି ବିଧାୟକ, ପ୍ରଧାନମନ୍ତ୍ରୀ ଓ ଗୃହମନ୍ତ୍ରୀଙ୍କୁ କରିବେ ସାକ୍ଷାତ

ଦିଲ୍ଲୀ ଯିବେ ବିଜେପି ବିଧାୟକ । ଆସନ୍ତା ୧୯ ତାରିଖରେ ବିଜେପିର ୨୨ ବିଧାୟକ ଦିଲ୍ଲୀ ଯିବେ। ପ୍ରଧାନମନ୍ତ୍ରୀ ମୋଦି, ଗୃହମନ୍ତ୍ରୀ ଅମିତ ଶାହ, ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି. ନଡ୍ଡାଙ୍କୁ ଭେଟିବେ । ବିଧାୟକଙ୍କ ସହ ବିଜେପି ସାଂସଦ, ରାଜ୍ୟ ସଭାପତି ମନମୋହନ ସାମଲ ମଧ୍ୟ ଭେଟିବାର କାର୍ଯ୍ୟକ୍ରମ ରହିଛି।

ଆସନ୍ତା କିଛି ମାସ ମଧ୍ୟରେ ସାଧାରଣ ନିର୍ବାଚନ। ଏହାରି ଭିତରେ ଦଳର ହାଇକମାଣ୍ଡଙ୍କୁ ବିଜେପି ବିଧାୟକ, ସାଂସଦ ଭେଟିବା ରାଜନୈତିକ ମାହୋଲକୁ ସରଗରମ କରିଛି । ବରିଷ୍ଠ ବିଧାୟକ ପ୍ରଦୀପ୍ତ ନାୟକଙ୍କ ସୂଚନା ଅନୁଯାୟୀ, ରାଜ୍ୟରେ କେନ୍ଦ୍ରୀୟ ଯୋଜନା ହଡ଼ପ ଅଭିଯୋଗ ଓ ଦୀର୍ଘ ଦିନ ଧରି ବିଜେପି-ବିଜେଡି ସମ୍ପର୍କକୁ ନେଇ ହେଉଥିବା ଚର୍ଚ୍ଚାକୁ ବିସ୍ତୁତ ଭାବେ ଆଲୋଚନା ହେବ । ତା’ସହ ଆଗାମୀ ରଣନୀତି ବି ଏହି ବୈଠକ ସ୍ପଷ୍ଟ କରିପାରେ ।