ଅସନ୍ତୁଷ୍ଟ ସୁଶାନ୍ତଙ୍କ ମାନଭଞ୍ଜନ ପାଇଁ ବିଜେଡିର ପ୍ରୟାସ

ମନ୍ତ୍ରୀ ପଦ ନମିଳିବା ନେଇ ବିଜେଡି ବିଧାୟକ ସୁଶାନ୍ତ ସିଂହଙ୍କ ସମର୍ଥକଙ୍କ ଅସନ୍ତୋଷ ପ୍ରକାଶ କରିବା ପରେ ଏବେ ସୁଶାନ୍ତଙ୍କ ମାନଭଞ୍ଜନ ପାଇଁ ବିଜେଡି ପ୍ରୟାସ ଚଳାଇଛି । ପୂର୍ବତନ ମନ୍ତ୍ରୀ ତଥା ବିଧାୟକ ସୁଶାନ୍ତ ସିଂହଙ୍କ ମାନଭଞ୍ଜନ ପାଇଁ ଶଙ୍ଖ ଭବନରେ ଆଲୋଚନା ଚାଲିଥିବା ସୂଚନା ମିଳିଛି । ଗତକାଲି ସୁଶାନ୍ତ ମୁଖ୍ୟମନ୍ତ୍ରୀଙ୍କ ସହ ଭେଟ କରିବା ପରେ ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ସହ ଆଲୋଚନା କରିଥିଲେ । ମନ୍ତ୍ରୀ ପଦ ନ ମିଳିବାରୁ ଅସନ୍ତୋଷ ପ୍ରକାଶ କରିଥିଲେ ସୁଶାନ୍ତଙ୍କ ସମର୍ଥକ ।

Also Read

ଥମୁନି ତାତିର କୋପ; ଉପକୂଳରୁ ଉତ୍ତର, ଦକ୍ଷିଣରୁ ପଶ୍ଚିମ ସବୁଠି ଗରମ

Read More

କପଡ଼ା ଦୋକାନରେ ଅଗ୍ନିକାଣ୍ତ; ଜଳିପୋଡ଼ି ପାଉଁଶ ହୋଇଗଲା ୫୦ ଲକ୍ଷର କପଡ଼ା

Read More

ଗୁଜରାଟ ଉପରେ ଭାରି ପଡ଼ିଲା ଗୋଟିଏ ନୋ-ବଲ୍‌, ଏମିତି ରଣନୀତି କରି ପୁରା ବାଜି ପଲଟେଇ ଦେଲେ ଧୋନି...

Read More

#ଅସନ୍ତୁଷ୍ଟ_ଖବରକୁ_ସୁଶାନ୍ତଙ୍କ_ଖଣ୍ଡନ
ଅସନ୍ତୁଷ୍ଟ ଖବରକୁ ଖଣ୍ଡନ କଲେ ବିଧାୟକ ସୁଶାନ୍ତ ସିଂ। ମୁଖ୍ୟମନ୍ତ୍ରୀଙ୍କ ସହ ଆଲୋଚନା ନେଇ ରଖିଲେ ପ୍ରତିକ୍ରିୟା, କହିଲେ- ପଶ୍ଚିମ ଓଡ଼ିଶା ଦାୟିତ୍ୱ ବୁଝିବା ନେଇ ମୁଖ୍ୟମନ୍ତ୍ରୀ କହିଛନ୍ତି।#BJD #Odisha pic.twitter.com/5H0DmsdFvH

— ଓଟିଭି (@otvkhabar) May 24, 2023

ଅସନ୍ତୁଷ୍ଟ ଖବରକୁ ଖଣ୍ଡନ କରିଛନ୍ତି ବିଧାୟକ ସୁଶାନ୍ତ ସିଂ । ମୁଖ୍ୟମନ୍ତ୍ରୀଙ୍କ ସହ ଆଲୋଚନା ନେଇ ନିଜର ପ୍ରତିକ୍ରିୟା ରଖିଛନ୍ତି । ପଶ୍ଚିମ ଓଡ଼ିଶା ଦାୟିତ୍ୱ ବୁଝିବା ନେଇ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିବା ସୁଶାନ୍ତ କହିଛନ୍ତି । ସମର୍ଥକ ଅସନ୍ତୋଷ ଝାଡ଼ିବା ନେଇ ସେ କହିଛନ୍ତି ଯେ ଯଦି କେହି ଭାବ ପ୍ରବଣ ହୋଇ କିଛି କହିଦେଇଛନ୍ତି, ତାଙ୍କୁ ବୁଝାଇ ଦିଆଯାଇଛି । ମୁଖ୍ୟମନ୍ତ୍ରୀଙ୍କ ଆଶୀର୍ବାଦରେ ପଶ୍ଚିମ ଓଡ଼ିଶାରେ ସବୁ ପ୍ରୋଜେକ୍ଟ ହେଉଛି ।

ଅଧିକ ପଢ଼ନ୍ତୁ: ମୁଁ ମନ୍ତ୍ରୀ ରେସ୍‌ରେ ନଥିଲି: ସୁଶାନ୍ତ ସିଂ

ମନ୍ତ୍ରିମଣ୍ଡଳରେ ସ୍ଥାନ ନମିଳିବାରୁ ବିଜେଡି ବିଧାୟକ ସୁଶାନ୍ତ ସିଂ ଅସନ୍ତୁଷ୍ଟ ଥିବା ଚର୍ଚ୍ଚା ହେଉଛି। ସୁଶାନ୍ତଙ୍କ ସମର୍ଥକ ଏବଂ ବରଗଡ଼ ଓ ବଲାଙ୍ଗୀର ଜିଲ୍ଲାର ଯୁବ ବିଜେଡି ସଭାପତି ଏନେଇ ଖୋଲାଖୋଲି ଭାବେ ଅସନ୍ତୋଷ ପ୍ରକାଶ କରିଛନ୍ତି । ପଶ୍ଚିମ ଓଡ଼ିଶାର ଟାଣୁଆ ବିଧାୟକ ସୁଶାନ୍ତ ସିଂଙ୍କୁ ମନ୍ତ୍ରୀ ପଦ ନଦେଇ ସାରଦା ନାୟକଙ୍କୁ ଦିଆଯାଇଥିବାରୁ ଦଳ ଭିତରେ ଏକ ପ୍ରକାର ବିଦ୍ରୋହ ସ୍ଥିତି ଉପୁଜିଛି ।

ମନ୍ତ୍ରିମଣ୍ଡଳ ବଦଳିଲା, ହେଲେ ସ୍ଥାନ ପାଇଲେନି ପଶ୍ଚିମ ଓଡ଼ିଶାର ଟାଣୁଆ ନେତା ତଥା ଭଟଲି ବିଧାୟକ ସୁଶାନ୍ତ ସିଂ। କୁହାଯାଉଛି, ନବ ଦାସଙ୍କ ଦେହାନ୍ତ ପରେ ମନ୍ତ୍ରିମଣ୍ଡଳରେ ଯେଉଁ ସ୍ଥାନ ଖାଲି ପଡ଼ିଥିଲା ସେହି ସ୍ଥାନରେ ବସିବାକୁ ବହୁ ଆଶାୟୀ ଥିଲେ ସୁଶାନ୍ତ। ତେବେ ତାଙ୍କୁ ଗ୍ରୀନ ସିଗନାଲ୍ ନମିଳିବାରୁ ସୁଶାନ୍ତ ଘୋର ଅସନ୍ତୁଷ୍ଟ ଥିବା କୁହାଯାଉଛି। ଏପରିକି ଶପଥ ଗ୍ରହଣ ସମରୋହରେ ବି ତାଙ୍କୁ ଦେଖିବାକୁ ମିଳିନଥିଲା। କୁହାଯାଉଛି ପଦ୍ମପୁର ଉପନିର୍ବାଚନରେ ବିଜେଡିର ବୃହତ ବିଜୟ ପରେ ସୁଶାନ୍ତ ପୁଣିଥରେ ମନ୍ତ୍ରୀ ହେବା ନେଇ ବେଶ୍ ଆଶାବାଦୀ ଥିଲେ। ଏପରିକି ଗତବର୍ଷ ଜୁନ ମାସରେ ମନ୍ତ୍ରିମଣ୍ଡଳରୁ ବାଦ୍ ପଡିଥିବା ବିକ୍ରମ ଆରୁଖ ଓ ସୁଦାମ ମାରାଣ୍ଡିଙ୍କୁ ପୁଣିଥରେ ସୁଯୋଗ ମିଳିଲା, କିନ୍ତୁ ସୁଶାନ୍ତଙ୍କ କ୍ଷେତ୍ରରେ ତାହା ହେଲାନାହିଁ।