Ipsita Sahoo: ପ୍ରତିଷ୍ଠା ଦିବସରେ ବିଜେଡି ନେତ୍ରୀ ହାତାହାତି, ଶଙ୍ଖ ଭବନରେ ଇପ୍‌ସିତା ସାହୁଙ୍କୁ ଚାପୁଡ଼ା ମାରିଲେ ମହିଳା କର୍ମୀ

ଦାଣ୍ଡରେ ପଡ଼ି ହାଟରେ ଗଡ଼ିଲା ବିଜେଡିର ଗୋଷ୍ଠୀ କନ୍ଦଳ । ବିଜେଡି ମୁଖ୍ୟାଳୟ ଖୋଦ୍ ଶଙ୍ଖ ଭବନ ଭିତରେ ହାତାହାତି ତା ପୁଣି ଦୁଇ ମହିଳା କର୍ମୀ। ବିଜେଡି ଯୁବନେତ୍ରୀ ଇପ୍‌ସିତା ସାହୁଙ୍କୁ ସର୍ବ ସମ୍ମୁଖରେ ଚାପୁଡ଼ା ମାଡ଼ । ନିଜ ଦଳର ଅଫିସ୍ ଭିତରେ ନିଜ ଦଳର ଜଣେ ମହିଳା କର୍ମୀ ତାଙ୍କୁ ଚାପୁଡ଼ା ମାରିଛନ୍ତି ।

#ଇପ୍‌ସିତା_ସାହୁଙ୍କୁ_ଚାପୁଡ଼ା_ମାଡ଼
ବିଜେଡି ପ୍ରତିଷ୍ଠା ଦିବସରେ ହାତାହାତି ଶଙ୍ଖ ଭବନରେ । ବିଜେଡି ଯୁବନେତ୍ରୀ ଇପ୍‌ସିତା ସାହୁଙ୍କୁ ଆକ୍ରମଣ । ଇପ୍‌ସିତାଙ୍କୁ ଅନ୍ୟ ଜଣେ ମହିଳା କର୍ମୀଙ୍କ ଚାପୁଡ଼ା । #Bhubaneswar#BJD#SankhaBhawan#IpsitaSahoo#OTVpic.twitter.com/4tznCt9aGs

— ଓଟିଭି (@otvkhabar) December 26, 2024

ଆଜି ବିଜେଡିର ପ୍ରତିଷ୍ଠା ଦିବସ କାର୍ଯ୍ୟକ୍ରମ ବେଳେ ଷ୍ଟେଜ୍ ସମ୍ମୁଖରେ ଚେୟାର ପକାଇବାକୁ ନେଇ ଗଣ୍ଡଗୋଳ ହୋଇଛି । ମିଳିଥିବା ସୂଚନା ମୁତାବକ, ଇପ୍‌ସିତା ଷ୍ଟେଜ୍ ସମ୍ମୁଖରେ କିଛି ଚେୟାର ପକାଉଥିଲେ । ଏହାକୁ ନେଇ କିଛି ମହିଳା କର୍ମୀ ଆପତ୍ତି କରିଥିଲେ । ପରିସ୍ଥିତି ଏମିତି ହେଇଥିଲା କି ଉଭୟଙ୍କ ମଧ୍ୟରେ ଦସ୍ତାଦସ୍ତି ଓ ପରେ ଚାପୁଡ଼ା ଯାଏଁ କଥା ପହଞ୍ଚିଥିଲା । ଇପ୍‌ସିତାଙ୍କୁ ଚାପୁଡ଼ା ମାରିଥିବା ମହିଳା ଜଣକ ପୁରୀ ଜିଲ୍ଲାର ହୋଇଥିବା ସୂଚନା ମିଳିଛି । ଘଟଣାକୁ ନେଇ ଉପସିତା କିମ୍ପା ସଂପୃକ୍ତ ମହିଳା କର୍ମୀଙ୍କ ପ୍ରତିକ୍ରିୟା ମିଳିପାରିନି ।

ତେବେ ଏହାପୂର୍ବରୁ ବି ଶଙ୍ଖ ଭବନ ଭିତରେ ଗଣ୍ଡଗୋଳ ଘଟଣା ସାମ୍ନାକୁ ଆସିଛି । କିଛି ଦିନ ପୂର୍ବରୁ କର୍ପୋରେଟରଙ୍କ କଳି ଓ ଶ୍ରୀମୟୀ ମିଶ୍ର ଏବଂ ବେଗୁନିଆ ବିଧାୟକଙ୍କ ଭିତରେ ବଚସା ଘଟଣା ଘଟିଥିଲା ।

ଅଧିକ ପଢ଼ନ୍ତୁ: ‘ବିଜେପି ମିଛ କଥା କହି, ମିଛ ପ୍ରତିଶ୍ରୁତି ଦେଇ କ୍ଷମତାକୁ ଆସିଛି’